Ansolak esan du Euskadi ez dela hornidurarik gabe geratuko, ez baitago Errusiako gasaren menpe
Energiaren Euskal Erakundeko (EEE) zuzendari nagusi Iñigo Ansolaren esanetan, Euskadi oso ondo kokatuta dago gas-azpiegituretan, eta, horren ondorioz, "gas-hornidurarik ezaren beldurra ez da existitzen"; izan ere, Euskal Autonomia Erkidegoa (EAE) "ez dago soilik Errusiako gasaren mende, eta munduko beste leku batzuetako gasarekin ordezka dezakegu".
Hala ere, Ansolak adierazi duenez, "energiaren prezioa merkatu globalean askoz ere diru gehiago kostatzen ari zaigu", eta "erokeria hori jarraituz gero, Euskadin enpresen itxiera ikus genezake". Horregatik eskatu dio Europako Batzordeari "presazko neurriak prezio ero horiek murrizteko".
Radio Euskadin egindako elkarrizketan, Ansolak Ukrainako egoera humanitarioa eta energiaren prezio altuak deitoratu ditu. Zentzu horretan, energia kontsumitzaile handiak izan arren, "energetikoki independenteak eta eraginkorrak izaten saiatzen gara", eta horretarako "energia berriztagarrien, eolikoen eta fotovoltaikoen mix baten alde" egin du.
Ansolak gogorarazi du Euskadik petrolioaren ondoriozko energiaren % 43 kontsumitzen duela, batez ere garraiorako, eta petrolio hori munduko toki guztietatik datorrela. Gas naturala, berriz, industriarako zein elektrizitatea sortzeko erabiltzen da, eta kontsumoaren % 34 hartzen du. Gainerako kontsumoa energia berriztagarrietatik datorrela zehaztu du.
Datu horien aurrean, EEEko zuzendariak berretsi du beharrezkoa dela trantsizio energetikoa "azkartzea" eta teknologia berriztagarri horiek ahalik eta gehien arintzea. "Energia berriztagarriek onura handia dute, oso prezio lehiakorrak dituzte, eskuragarriak dira eta horrek teknologia eoliko zein fotokvoltaiko horien alde egin behar dugula pentsatzen laguntzen digu".
Europaren egoeraz galdetuta, EEEko zuzendari nagusiak azaldu du Europako herrialdeak gas baxua biltegiratzen ari direla, eta krisi honekin jarraituz gero, arazoak izango dituztela datorren negurako biltegiratze-sistema guztiak betetzeko.
Hori dela eta, "gerta dakigukeen onena herrialdeen artean negoziazio asko egotea da, zuhurtasuna nagusi izatea eta odoluste hau ahalik eta azkarren amaitzea dela", ondorioztatu du.
Zure interesekoa izan daiteke
Abeltzainak haserre, Bazka Mahaia irailera atzeratu duelako Jaurlaritzak
Eusko Jaurlaritzak bazkaren beharrei buruz egindako inkestan 435 ustiategiren erantzunak jaso ditu eta horiekin hartuko ditu erosketa bateratuaren kopuruari eta hornitzaileei buruzko erabakiak. UAGAk eta ENHEk lan egiteko modu eraginkorragoak eskatu dituzte. Hala ere, guztiak ados daude, etorkizunera begira bazkari buruzko plangintza bat behar dela esatean.
Hoteletako sarrerak % 7,7 igo dira uztailean EAEn, eta gaualdiak % 6,7
Sarrera guztien % 58,8 eta gaualdien % 59,9 atzerritar jatorriko pertsonenak izan ziren, 2025eko uztailean baino % 11,1 eta % 11,7 gehiago, hurrenez hurren.
Txakolinaren mahats-bilketa aurreratu dute, beroagatik
Txakolinaren mahats-bilketa ohi baino lehenago hasiko da beroaldien ondorioz. Ekoizleen arabera, data hauek ez dira ohikoak mahats-bilketari ekiteko. Etengabe egiten dituzte analisiak mahastietan, mahatsak azukre eta garraztasun puntua noiz hartuko dituen zehatz-mehatz jakiteko, eta biltzeko une egokiena heldu da.
Bazka eroste bateratua eta lehorte deklarazioa berehala gauzatzeko eskatzen dute abeltzainek
Bi aste dira Bazka Mahaia elkartu eta erakundeek hainbat konpromiso hartu zituztela. Abeltzain asko euren kontura belarra eta lastoa erosten hasi dira, eta erakundeei neurriak berehala hartzeko deia egin diete.
Euskotreneko langileek Bilboko tranbian zezenketen publizitatea jarri izana salatu dute
Arriaga plazan gaur goizean egindako elkarretaratzean, Euskotreneko langileek balio publikoekin koherentea den eta animalien ongizatea errespetatzen duen publizitatea exijitu dio enpresari.
Mingain urdin kasu bat atzeman dute Barrundiako artalde batean
Gaitzaren aurka txertatutako 200 ardi baino gehiagoko artalde bateko animaliak eman du positibo mingain urdinaren 3. serotipoan.
Eusko Jaurlaritzak Administrazio Orokorreko 461 lanpostu betetzeko EPEan izena emateko epea ireki du
Izen-emate telematikoa irailaren 16an amaituko da, eta lehen azterketak 2027ko urtarrilean egitea aurreikusi da.
Milioi bat euroko zigorra ezarri diote AVIS enpresari, trafiko isunengatik bezeroei kudeaketa gastuak kobratzeagatik
Autoak alokatzen dituen enpresak 33,88 eta 45 euro arteko errekargua aplikatzen du isunaren ordainketa kudeatzeagatik eta administrazioari arau-hauslearen nortasuna jakinarazteagatik.
51 urteko langile bat hil da Iurretan, paper-enpresa batean
Sorospen-dispositiboan parte hartu duten Ertzaintzako bi agente bertan artatu behar izan dituzte osasun-langileek, isuritako gasak arnastuta intoxikatu baitira.
Sopela eta Urduliz bizitegi-merkatuko gune tentsionatu izendatu ditu Eusko Jaurlaritzak
Bizkaiko bi udalerriek urtarrilean eta otsailean eskatu zuten izendapena, eta hiru urteko hasierako indarraldia izango du, luzatzeko aukerarekin.