PCB-ITPko langileek "normaltasuna" berreskuratu nahi dute kaleratutako langileen itzulerarekin
Barakaldoko eta Sestaoko lantokietan "normaltasuna" berreskuratzea espero dute PCB-ITPko langileek. Justiziak 83 beharginen kaleratzea ekarri zuen enplegu-erregulazioko espedientea (EEE) baliogabetzat jo ondoren, "pixkanaka" itzuliko dira dagozkien lanpostuetara.
PCB-ITPko langileek, lan-gatazkak dituzten beste enpresetako beharginekin batera, manifestazioa egin dute Sestaon "Eskerrik asko" lelopean, baliogabetutako EEEak kaltetutako 83 langileen lanpostuen defentsan izan duten "babesa" eskertzeko.
Gainera, manifestazioak Auzitegi Gorenaren epaia "ospatzeko" ere balio izan die. Horrek Euskal Autonomia Erkidegoko Justizia Auzitegi Nagusiak igorritako epaia berretsi zuen, baliogabetzat jo baitzuen orain lanpostuetara itzuli ahal izango duten langileen kaleratzea.
Hedabideen aurrean egindako adierazpenetan, Angel Rodriguez enpresa batzordeko presidenteak gogorarazi du astelehenean bilera izango dutela zuzendaritzarekin, Barakaldoko eta Sestaoko lantokietako langile kaltetuen "sarrera mailakatua" nolakoa izango den zehazteko.
Ziurtatu duenez, zuzendaritzari eskatuko diote "euren lanpostuetara" itzul daitezen, Auzitegi Gorenaren epaiak "oso argi" adierazi zuen moduan. Hala, nabarmendu du langileak "utzi behar ez zituzten postuetara" itzuliko direla.
Rodriguezen esanetan, "lankideak euren lanpostuetan egotea" izan dute beti helburu eta, hemendik aurrera, itzulera horrekin, lantokietan "nolabaiteko normaltasuna" lortzea bilatuko dute, eta "lanean hastea, hori baita guztiok behar duguna".
Manifestazioaren ostean, PCB-ITPko enpresa batzordeak "PCBko plantillaren garaipena" ospatu du, "ITP taldea bezalako erraldoi errukigabe" baten aurrean. Gaineratu du enpresaren helburua "83 familiaren bizitza suntsitzea" zela, eta Ezkerraldea "pobrezian oraindik gehiago murgiltzea".
Elkarte, sindikatu eta alderdi politiko desberdinen partetik EEEaren aurkako "borrokan" jasotako babesa eskertu du eta, era berean, Eusko Jaurlaritzaren "kudeaketa negargarria" kritikatu du. Izan ere, haren aburuz, Jaurlaritzak "patronalaren aldeko jarrera argia" azaldu du "lan-gatazka honetan eta beste askotan".
Albiste gehiago ekonomia
Red Electricak "premiazko neurriak" eskatu ditu, beste itzalaldi bat eragin dezaketen tentsio aldaketak atzemanda
Azken bi asteotan, sare-elektrikoan hainbat gorabehera atzeman dituzte, tartean, "tentsioaren bat bateko aldaketak". Horrek, "argindar eskariaren edota eskaintzaren deskonexioa" eragin dezake, eta sare-elektriko osoa desegonkortu.
Garraio Ministerioak Bilboko aireportua handitzea onartu du
Planak aireontziak aparkatzeko plataforma eta aparkaleku publikoen eremua handitzea jasotzen du, baita karga-eremua berrantolatzea ere.
Ternua taldeak Gipuzkoako Borobitex enpresari saldu dio Loreak Mendian marka
Joan den ekainetik, borondatezko hartzekodunen konkurtsoan sartua da Arrasateko ehungintza enpresa ospetsua. Hainbat inbertitzailerekin negoziatzen ibili da hilabeteotan enpresa zatika saldu eta zorra kitatzeko.
Bruselak altzairuaren gaineko muga-zergak bikoiztea proposatu du, Txinaren esportazioetatik babesteko
Proposamena Europako Parlamentuak eta estatu-kideek onartu beharko dute, aurrera egiteko.
Eusko Jaurlaritzak bi milioi euro gehiago jarriko ditu emisio gutxiagoko ibilgailuak erosteko dirulaguntza-programan
Emisio gutxiagoko autoak erosteko dirulaguntza-programaren hasierako aurrekontua —5 milioi euro— agortu da, eta dagoen eskariari erantzuteko erabaki du zenbatekoa handitzea.
Soldata-arrakala % 9koa da EAEn
Gogorarazi beharra dago, halaber, Estatistikako Espainiako Institutuaren arabera, 2023an, gizonen eta emakumeen arteko soldata-arrakala % 12,81ekoa zela.
"Bi aldeak ahaleginduko gara akordio-proposamena adosten"
Gasteizko Udalak azpikontratatutako Enviser enpresak eta hango langileen ordezkariek (LAB, ELA eta ESK) aurreakordioa lortu dute. Proposamenak sei hilabete baino gehiago iraun duen gatazkari amaiera eman diezaioke. Bi aldeek bilera egin dute gaur, Precon, eta aurreko bileran ereindako haziak aurreakordioa eman du.
Akordioa egin dute Gasteizko lorezainek eta enpresak
Ados jarri dira Precoren egoitzan egin duten bederatzigarren bileran. Orain, azpikontratatutako 80 langileek erabakiko dute oniritzia eman ala ez, astearte honetan egingo duten bozketaren bidez.
Aurre-akordioa Iruñerriko hiri-garraioaren hitzarmenean
Moventis TCCk eta enpresa-batzordeak aurre-akordio bat lortu dute, eta, horri esker, langileek hitzarmen-proposamen bat bozkatu ahal izango dute. Kontsulta egin arte lanuzteak amaitzeko konpromisoa hartu dute, halaber.
Imsersoko bidaiak astelehen honetatik aurrera izango dira eskuragarri
Hainbat berritasun dakar aurtengo uztak, besteak beste, hotel jakin batzuetan animaliekin bidaiatzeko aukera egongo da, penintsulako kostaldera eta uharteetara egiten diren bidaietan. Lekuen % 2 gordeko dira horretarako.