Barkala (Bilboko Portua): "Greba lehenbailehen desaktibatu beharko litzateke, 29ra arte itxaron gabe"
Ricardo Barkala Bilboko Portuko Agintaritzako presidenteak uste du Espainiako Gobernua "lehenbailehen" saiatu beharko litzatekeela garraiolarien greba desaktibatzen, hurrengo Ministroen Kontseiluan, martxoak 29, neurriak hartzeko itxaron gabe.
"Ez dago beste aukerarik. Guztiekin hitz egin behar da", esan du Barkalak Radio Euskadin garraiolariekin negoziatzeari buruz. "Kamioiak kudeatzen dituzten plataformetan haserre daude", esan du.
Portu barruan arazorik ez dagoela azaldu du Barkalak, baina garraioaren sektoreko egiturazko arazoen eta piketeen ondorioz, kamioiak Bilboko Portuan sartzeko "zailtasunak" izaten ari dira. Lau edukiontzitatik bat trenbidez ateratzen dira, betiko proportzioan, eta errepidez irten beharko litzatekeen zama ezin da atera "kamioirik ez delako sartzen".
Hala ere, portuko arduradunak ez du uste edukiontziak pilatuko direnik, ezta produktu galkorrekin arazoak izango direnik ere. "Horretarako grebak asko iraun beharko litzateke eta oso txarto joan beharko litzateke. Edukiontzien zelaiak 2 milioi TEUko edukiera dauka, eta momentu honetan 600.000 TEU daude beteta. Itsasontziak etortzeko, zama kentzeko eta pilatzen joateko edukiera dago", azaldu du.
Garraioaren grebak eta Ukrainako gerrak, pandemiaren eta zamaketarien grebaren ostean, "ekaitz perfektua" osatu dute. Portua "ekonomiaren termometroa" da, Barkalaren hitzetan. Zentzu horretan, 2022rako suspertze ekonomikoa berrikusi dute: % 7ko hazkundetik % 2kora igaro dira aurreikuspenak. "Gure trafikoa jaisten ari bada, euskal industriaren aktibitatea jaisten ari delako da", esan du.
Bestalde, Barkalak baikortasunez begiratu dio udako denboraldi turistikoari, eta Bizkaira inoiz baino gurutzaontzi gehiago helduko duko direla uste du, errekorrak hautsiz: "79 gurutzaontzik geldialdia egingo dutela dugu aurreikusita. Ez bada ezer gertatzen, albiste ona izango da".
Athleticeko presidentegaia
Portuko presidenteak Athleticeko hauteskundeetan lehiatuko da, Aitor Elizegi oraingo presidenteak denboraldi amaieran deitzen baditu. Bere helburua klubaren "egiturak modernizatzea" da.
Barruko "zatiketa" handicapa da Athletic bezalako talde "desberdin" batentzat. Horregatik, beste egiturak "ukitu" behar direla uste du. "Ea gai garen erabaki aproposak hartzeko filosofia mantenduta", esan du.
Errege Kopa bezalako titulu bat irabazteko kirol helburuarekin, Barkalak oso argi uste du talde zurigorriak Euskal Herriko jokalari onenak izan behar dituela. Bere ustez, taldeen aurrekontuak "berdintzen ari dira" eta agian Athletic ez da lehen bezain "erakargarria". Bere nahia "Athleticen jokatu dezakeen orok Athleticen jokatu nahi izatea" da.
Zure interesekoa izan daiteke
Abeltzainak haserre, Bazka Mahaia irailera atzeratu duelako Jaurlaritzak
Eusko Jaurlaritzak bazkaren beharrei buruz egindako inkestan 435 ustiategiren erantzunak jaso ditu eta horiekin hartuko ditu erosketa bateratuaren kopuruari eta hornitzaileei buruzko erabakiak. UAGAk eta ENHEk lan egiteko modu eraginkorragoak eskatu dituzte. Hala ere, guztiak ados daude, etorkizunera begira bazkari buruzko plangintza bat behar dela esatean.
Hoteletako sarrerak % 7,7 igo dira uztailean EAEn, eta gaualdiak % 6,7
Sarrera guztien % 58,8 eta gaualdien % 59,9 atzerritar jatorriko pertsonenak izan ziren, 2025eko uztailean baino % 11,1 eta % 11,7 gehiago, hurrenez hurren.
Txakolinaren mahats-bilketa aurreratu dute, beroagatik
Txakolinaren mahats-bilketa ohi baino lehenago hasiko da beroaldien ondorioz. Ekoizleen arabera, data hauek ez dira ohikoak mahats-bilketari ekiteko. Etengabe egiten dituzte analisiak mahastietan, mahatsak azukre eta garraztasun puntua noiz hartuko dituen zehatz-mehatz jakiteko, eta biltzeko une egokiena heldu da.
Bazka eroste bateratua eta lehorte deklarazioa berehala gauzatzeko eskatzen dute abeltzainek
Bi aste dira Bazka Mahaia elkartu eta erakundeek hainbat konpromiso hartu zituztela. Abeltzain asko euren kontura belarra eta lastoa erosten hasi dira, eta erakundeei neurriak berehala hartzeko deia egin diete.
Euskotreneko langileek Bilboko tranbian zezenketen publizitatea jarri izana salatu dute
Arriaga plazan gaur goizean egindako elkarretaratzean, Euskotreneko langileek balio publikoekin koherentea den eta animalien ongizatea errespetatzen duen publizitatea exijitu dio enpresari.
Mingain urdin kasu bat atzeman dute Barrundiako artalde batean
Gaitzaren aurka txertatutako 200 ardi baino gehiagoko artalde bateko animaliak eman du positibo mingain urdinaren 3. serotipoan.
Eusko Jaurlaritzak Administrazio Orokorreko 461 lanpostu betetzeko EPEan izena emateko epea ireki du
Izen-emate telematikoa irailaren 16an amaituko da, eta lehen azterketak 2027ko urtarrilean egitea aurreikusi da.
Milioi bat euroko zigorra ezarri diote AVIS enpresari, trafiko isunengatik bezeroei kudeaketa gastuak kobratzeagatik
Autoak alokatzen dituen enpresak 33,88 eta 45 euro arteko errekargua aplikatzen du isunaren ordainketa kudeatzeagatik eta administrazioari arau-hauslearen nortasuna jakinarazteagatik.
51 urteko langile bat hil da Iurretan, paper-enpresa batean
Sorospen-dispositiboan parte hartu duten Ertzaintzako bi agente bertan artatu behar izan dituzte osasun-langileek, isuritako gasak arnastuta intoxikatu baitira.
Sopela eta Urduliz bizitegi-merkatuko gune tentsionatu izendatu ditu Eusko Jaurlaritzak
Bizkaiko bi udalerriek urtarrilean eta otsailean eskatu zuten izendapena, eta hiru urteko hasierako indarraldia izango du, luzatzeko aukerarekin.