Elikadura burujabetza posible da, baina eredu ezberdinak uztartu behar dira, Elikaduraren Clusterraren arabera
Elikadura burujabetzari buruzko "Faktoria" saio berezian, gaiari buruz galdetu diete Jon Ander Egaña Euskadiko Elikaduraren Clusterreko zuzendariari eta Amets Ladislao EHNE Bizkaia sindikatuko zuzendaritzako kideari.
Jon Ander Egañaren esanetan, elikadura burujabetza posible da, baina eredu ezberdinek elkarrekin bizi behar dute. Produktu ekologikoak eta bertakoak egiteko joera bat antzeman du, eta horretarako bidea badela uste du. Dena dela, zailtasunak aurreikusi ditu: "Egun batetik bestera paradigma aldatzea ez da erraza, menpekotasunak eta interdependentziak daude".
Gaur egungo menpekotasunak murrizteko zer behar den galdetuta, epe laburrean, ertainean eta luzean neurriak hartu behar direla adierazi du. Ukrainako gerrak menpekotasun hori nabariago egin eta garraiolarien grebak arazoa areagotu egin duela onartu du.
Momentu batzuetan bezeroak gehiago ordaintzeko prest egon daitezkeen arren, nabarmendu du merkaturatzeko bideak areagotu behar direla.
Garraiolarien greba denboran luzatzen bada, ondorioak eta hornidura arazoak orokorrean enpresa guztietan nabarituko direla uste du: "Ez nuke bat nabarmenduko". Halaber, elikadura katea ez gelditzeko berehalako neurriak eskatu dizkio Espainiako Gobernuari.
Bestalde, Amets Ladislao EHNE Bizkaia sindikatuko zuzendaritzako kideak azpimarratu du elikadura burujabetza lortzeko politika publikoak behar direla eta nekazaritza eta abeltzaintza ereduari buelta bat eman behar zaiola.
Halaber, epe luzerako ikuspegi estrategiko baten falta sumatzen du: "Arazo estruktulari partxeak jartzen ari dira bakarrik".
EHNEko ordezkariaren iritziz, "herritarrak prest daude gehiago ordaintzeko, baina merkaturatze bideak eta laguntzak areagotu behar dira".
Albiste gehiago ekonomia
Iruñerriko autobus zerbitzuan grebaren hasiera egun batez atzeratu dute, zuzendaritzaren azken proposamena bozkatzeko
Greba mugagabea astearte honetan, uztailaren 1ean, hastekoa zen, baina TCCko enpresa-batzordeak adostu du jasotako azken proposamena bozkatzea gaur zuzendaritzarekin izandako bileraren ostean.
BBVAk ez du etsi eta Sabadell erosteko eskaintzarekin aurrera egitea erabaki du
Joan den asteartean, ekainaren 24an, Ministroen Kontseiluak oniritzia eman zion operazioari, bi erakundeek autonomia juridikoari eta eguneroko kudeaketari bereizita eusteko baldintzarekin. BBVAk onartu duenez, Espainiako Gobernuak ezarritako baldintzak operazioa "atzeratuko du".
EAEko lan-absentzien % 75 aldi baterako ezintasunak dira eta ez absentismoa, LABen txosten baten arabera
Sindikatuak salatu du “iruzur masiboa” ez dela absentismoa, baizik eta gaixotasun profesionalak gaixotasun arrunt gisa izendatzea.
Pentsiodunen mugimendua uztailaren 17an bilduko da lehendakariarekin, pentsioak gutxieneko soldatarekin berdintzea eskatzeko
Euskal Herriko Pentsiodunen Mugimenduak gutxieneko horretara iristeko osagarriak ezartzea eskatzen duen herri-ekimen legegilea erregistratu zuen Eusko Legebiltzarrean. Imanol Pradalesekin izango duten bileran legea izapidetzeko Eusko Jaurlaritza prest egon dadila eskatuko diote.
Arcellor Mittalek atzera bota du Legasa eta Aguraingo fabrikei eragingo zien enplegu-erregulazioko espedientea
Nafarroako Lan Auzitegian egin duten bitartekaritza saioan eman du jakitera erabakia zuzendaritzak. Legasako fabrikan gehiengoa duen UGT sindikatuak bertan behera utzi du deituta zegoen greba.
489 zordun handik ia mila milioi euro zor dizkiete Bizkaiko, Arabako eta Gipuzkoako Foru Ogasunei
Hiru lurraldeetako Foru Aldundiek zordun handien zerrendak argitaratu berri dituzte. Bizkaian, Jabyer Fernandezek sortutako Afer enpresa da zerrendaburu, eta Gipuzkoan, berriz, Juan Miguel eta Jose Ramon Osinalde Echaniz anaiak (40,5 milioi euroko zorra banarekin). Araban, zordun handien kopuruak gora egin du.
Villavesako langileek eutsi egin diote sanferminetan eragina izango duen grebari
Gaur bildu dira TCCko zuzendaritza eta enpresa batzordea, baina ez dira ados jarri, eta batzordeak enpresaren "jarrera immobilista" salatu du.
Akordiorik gabe amaitu da sindikatuen eta Mercedes Vitoriaren arteko kontziliazioa, lanaldiko bederatzigarren orduagatik
UGT sindikatuak aurrera jarraituko du prozesu judizialarekin, eta langileei lan egindako aparteko orduak berreskuratzeko eskubidea aitortzeko eskatu du.
Alokairuen prezioak mugatzeko Gipuzkoako erreferentzia indizea jaso du Etxebizitza Ministerioak
Gipuzkoan, Errenteria, Lasarte-Oria, Zumaia eta Irun daude tentsionatutako eremu gisa aitortuta daude dagoeneko, eta Donostia uztailean gehituko zaio zerrenda horri.
Sindikatuek elkarretaratzea egin dute Eskoriatzan azken lan-istripu hilgarriak salatzeko
LAB, ESK, Steilas, EHNE-Etxalde eta HIRU sindikatuek ahotsa altxatu dute ostiral honetan Eskoriatzan, basogintza sektoreko lan prekaritatearen aurka.