Garraiolariak eta Espainiako Gobernua 20-30 zentimoko laguntzak negoziatzen ari dira erregaiaren prezioan
Espainiako Gobernuak eta garraiolariek 17:00etan berriz heldu diote negoziazioari, sektoreari emango zaizkion laguntza zuzenak zehazteko. Bilera 11:30ean hasi da. Akordioa itxi arte ez dira mahaitik altxako, EiTB Mediak jakin ahal izan duenez.
Gasolioaren prezioaren igoera orekatzeko, garraiolariei aurkeztuko dien azken proposamena prestatzen ari da Exekutiboa dagoeneko, sektoreko elkarteek jakitera eman dutenez.
Proposamenak Frantzia, Italia eta Portugalen adibideak jarraitzen ari dira; izan ere, apirilaren 1etik aurrera 15-30 zentimoko beherapenak aplikatuko dituzte erregaiaren prezioan.
Bileran parte hartzen ari diren eragileen arabera, erregai litroko 20 eta 30 zentimo arteko beherapena aplikatzea mahai gainean dago. Zati bat Estatuak ordainduko luke, eta bestea operatzaileek.
Espainiako Errepideko Garraioaren Batzorde Nazionalak ordezkatuta, gasolioaren hobariak 500 milioitik 1.000 milioi eurora igotzeko eskatu diote garraiolariek Gobernuari, elkarteak berak Europa Press albiste agentziari jakitera eman dionez.
Horixe da, beraz, Errepideko Nazioarteko Garraioaren Elkarteak (Astic) egin dion eskaera. Batzorde Nazionala eratzen duten 12 elkarteetako bat baino ez da Astic, baina talde horren % 85 ordezkatzen du.
Erregaien zerga jaisteko tarte gutxi duenez (Europako araudiak baimendutako gutxienekoa du Espainiak), eta garraiolariek BEZa desgrabatzeko aukera dutenez, Gobernuak 500 milioi euroko hobariak proposatu zituen.
Abantaila fiskal hori existitzen da dagoeneko "gasolio profesionala" deituriko neurriari esker. Horren bidez, garraiolariei litroko 4,9 zentimo (gehienez) itzultzen zaizkie, gasolindegietan ordaintzen dutenetik.
Horrenbestez, ostegun honetan egin duten bileran adostutako neurriak zehaztu bitartean, itzulitako diru kopurua handitzea ekarriko dute 500 milioi horiek. Horrek esan nahi du 1.000 milioi euroko proposamena onartuko balute, bikoiztu egingo litzatekeela itzuli beharreko diru kopurua.
Horrekin lotuta, Gobernuak aurreratu duenez, hilero itzuliko diete kamioilariei dirua; orain arte, hiru hiletik behin ordaintzen zieten. Horrela, egonkortasun handiagoa izango dute aurrerantzean garraiolariek, batez ere, autonomoek eta enpresa txikietakoek, maniobra tarte txikiagoa baitute.
Gaurko bilera merkantzietako garraiolariekin izan bada ere, bidaiarien joan-etorriez arduratzen den sektoreak ere ostegun honetan jasoko du Gobernuaren erantzuna.
Nahiz eta lanuzteak deitu, Garraioaren Defentsarako Plataforma Nazionalak ez du bileran parte hartzen, Espainiako Gobernuak ez baitio zilegitasunik ematen.
Horrela gauzak, greba bertan behera uztea "guztiz" baztertu du Plataformak, batzarrean gauza bat zein bestea gertatu. Manuel Hernandez Plataformako presidenteak adierazi duenez, "oinarriko" kamioilariak eta gidariak ez daude bileran ordezkaturik. Bestalde, ostiral honetarako Garraio Ministerioko egoitza aurrean deitutako manifestazioa "jendetsua" izatea espero du Hernandezek.
Fenadismer, Fetrans eta Feintra patronaletako bazkideek Plataformaren grebarekin bat egin dute.
Zure interesekoa izan daiteke
UAGAk Barredo sailburuaren dimisioa eskatu du bazkaren aferaz egindako adierazpenengatik
Nekazarien elkarteak Jaurlaritzaren "immobilismoa" salatu du, eta "sektoretik urrundu izana". Bestalde, ENHE sindikatuak lehorte egoera izendatzea eta "ezohiko laguntzak" eskatu ditu jasandako kaltea konpentsatzeko.
Euriborra % 3tik gora dago 2024ko irailetik lehen aldiz, eta hipotekadunen gaineko presioa handitu du
Adierazleak 2026an izan duen goranzko joera sendotu du, baina adituek gogorarazi dute eguneko datua dela, ez hileko batez bestekoa, hau da, hipoteka gehienak berrikusteko benetan erabiltzen den indizea.
Zubietako erraustegiko langileek salatu dutenez, enpresak "negozioa segurtasunaren aurretik jartzen du"
Abuztuaren 19an sute bat izan zen Ekobalen, eta bederatzi langile intoxikatu ziren beharrezko babes ekipamendurik gabe aritu zirelako sua itzaltzeko lanetan.
Grebarako aukera aztertzen ari dira garraiolariak, gasolioaren prezioaren ondorioz
Hileko gastua 2.000 euro inguru igo zaie otsailetik hona, eta garraiolari batzuek momentuz kamioiak aparkatzea erabaki dute. HIRU sindikatuko kamioilariek, berriz, lanuzteak egiteko aukera eztabaidatuko dute asanbladan, eta erabaki bateratua hartuko dute bertan.
Apartamentu turistikoetako gaualdiak % 23,3 igo dira uztailean EAEn, eta sarrerak % 9,7
Landa-ostatuen kasuan, sarrerak % 2,8 handitu dira eta gaualdiak % 5,6 jaitsi, 2025eko hilabete bereko datuekin alderatuta.
Amaia Barredo: "Eusko Jaurlaritza lanean ari da abeltzainekin hartutako epeak eta konpromisoak betetzeko"
Amaia Barredo Eusko Jaurlaritzako Elikadura, Landa Garapen, Nekazaritza eta Arrantza sailburuak aurreratu duenez, Jaurlaritzak "irailaren hasieran" abeltzaintza-sektorearen esku jarriko ditu lehengai batzuk batera erosteko bideak, lehorteak eragindako belar eskasia dela eta. Radio Euskadin ostiral honetan egindako elkarrizketa batean Barredok esan duenez, Bazka Mahaia oraindik deituta ez badago ere, ez da atzerapenak egongo: "Administrazioa ez dago bileraren zain erosketa bateratua prestatzeko".
Abeltzainak haserre, Bazka Mahaia irailera atzeratu duelako Jaurlaritzak
Eusko Jaurlaritzak bazkaren beharrei buruz egindako inkestan 435 ustiategiren erantzunak jaso ditu eta horiekin hartuko ditu erosketa bateratuaren kopuruari eta hornitzaileei buruzko erabakiak. UAGAk eta ENHEk lan egiteko modu eraginkorragoak eskatu dituzte. Hala ere, guztiak ados daude, etorkizunera begira bazkari buruzko plangintza bat behar dela esatean.
Hoteletako sarrerak % 7,7 igo dira uztailean EAEn, eta gaualdiak % 6,7
Sarrera guztien % 58,8 eta gaualdien % 59,9 atzerritar jatorriko pertsonenak izan ziren, 2025eko uztailean baino % 11,1 eta % 11,7 gehiago, hurrenez hurren.
Txakolinaren mahats-bilketa aurreratu dute, beroagatik
Txakolinaren mahats-bilketa ohi baino lehenago hasiko da beroaldien ondorioz. Ekoizleen arabera, data hauek ez dira ohikoak mahats-bilketari ekiteko. Etengabe egiten dituzte analisiak mahastietan, mahatsak azukre eta garraztasun puntua noiz hartuko dituen zehatz-mehatz jakiteko, eta biltzeko une egokiena heldu da.
Bazka eroste bateratua eta lehorte deklarazioa berehala gauzatzeko eskatzen dute abeltzainek
Bi aste dira Bazka Mahaia elkartu eta erakundeek hainbat konpromiso hartu zituztela. Abeltzain asko euren kontura belarra eta lastoa erosten hasi dira, eta erakundeei neurriak berehala hartzeko deia egin diete.