Bizkaiko eta Gipuzkoako baxurako arrantzaleak itsasora atera eta berdel zein antxoarekin porturatu dira
Bizkaiko eta Gipuzkoako inguraketa-ontziak astelehenen honetan ekin diote berriro arrantzari, nahiz eta azken asteetan gelditzera behartu dituen garraioaren grebak aurrera jarraitu. Izan ere, ez dute harrapaketak banatuko diren bermerik.
Berdelaren kasuan, gutxiago harrapatzeko baldintzarekin aterako dira: gehienez 30.000 kilo ontziko eta eguneko. Antxoaren kasuan, ez dute harrapaketa kuotarik murriztu. Ostiralean egindako bileran hartu zuten erabakia.
Lanera itzuli diren lehen ontziek ia 10.000 kilo berdel eta bokarta ere deskargatu dituzte Ondarroako (Bizkaia) eta Getariako (Gipuzkoa) portuetan.
Eusebio Arantzamendi Bizkaiko Kofradien presidenteak Radio Euskadin azaldu duenez, ontziak berdela zein bokarta deskargatzeko porturatu dira: "antxoa zertxobait, 300 edo 400 kutxa Getarian eta Ondarroan".
Era berean, produktua banatzeko garraioarekin "arazorik ez" izatea espero du Arantzamendik. Lanera bueltan baimendutakoaren erdia soilik harrapatzea adostu dute arrantzaleek.
Bestalde, Emiliano Sanchez Pasaiako lonjako handizkakoen presidenteak adierazi duenez, "kamioiak toki guztietara abiatuko dira, salbuespenik gabe"; ondorioz, ez dute zerbitzuan arazorik espero.
"Iragan astean salbuespenen bat egon zen, batzuk zailtasunak zituztelako, baina aste honetan printzipioz kamioi guztiak aterako dira, hori bai, gero bidean arazoren bat aurkitzea gerta daiteke", gaineratu du.
Era berean, Miren Garmendia Gipuzkoako Kofradien Federazioko idazkariak baieztatu du ontzi batzuk berdelarekin eta antxoarekin portura itzuli direla. Antza denez, Kantabria aldean harrapatu dute.
Zure interesekoa izan daiteke
Aldatuko dute Ertzaintzarako LEPen fase psikoteknikoen baremazioa, aurrekoan % 90ek ez baitzuten gainditu
2028an 8.000 agente izatea helburu duen Ertzaintzaren Enplegu Plana aurkeztu du Bingen Zupiria sailburuak Gobernu Kontseiluan, eta 150 plazako LEPa egingo dela iragarri du.
Adegik Donostian duen egoitzan pintadak egin dituzte eta margoz lohitu dute
Inork ez du erasoa bere gain hartu. Eider Mendoza Gipuzkoako ahaldun nagusiak eta Muriel Larrea Gipuzkoako PPren presidenteak pintadak gaitzetsi dituzte.
Euskadi talentua eta atzerriko inbertsioak erakartzeko oso egoera onean dagoela dio Orkestrak
Lehiakortasunaren institutuko ikertzaile Mikel Gaztañagak Euskadiko Lehiakortasun Txostena 2025 txostena aurkeztu du gaur Deustuko unibertsitatean. Horretan, Euskadik dituen indarguneak eta gabeziak aipatzen dira eta, besteak beste, internazionalizazio estrategikoaren aldeko apustua egin behar dela nabarmendu du.
CCOO sindikatuak salatu du Correosek lan-baldintzak "prekarizatuko" dituela Araban, banatzeko patineteak sartuko ditu eta
Sindikatuaren esanetan, ezarpen horrek "istripuak izateko arrisku larria" ekarriko luke.
Salgaien garraiolariak hitzarmen berria izateko mobilizatu dira Nafarroan
Sindikatu deitzaileek (UGT, LAB, CCOO, ELA) gogorarazi dute sektorearen Nafarroako hitzarmena, 5.000 langileri eragiten diena, duela 17 urtekoa dela. ANET patronalarekin negoziazioak "blokeatuta" daudela ohartarazi dute, eta 24 orduz greba eginda presioa egin nahi dutela, bilerak deitu ditzaten.
Merkantzia garraioko langileek 24 orduko greba egingo dute Nafarroan, hitzarmen berri bat eskatzeko
UGTk, CCOOk, ELAk eta LABek lanuztera dituzte kamioilariak gaur gaueko 22:00etatik asteleheneko 22:00etara. Horrela, sindikatuek presioa egingo dute 17 urtean berritu ez duten hitzarmenaren negoziazioetan aurrera egiteko.
Sindikatuek irmotasuna eskatu diote errektoreari, EHUren "azpifinantziazioaren" aurrean
Sindikatuek errektoretza-taldeari eskatu diote presioa egin diezaiola Eusko Jaurlaritzari finantzaketa handitzeko eta EHUko irakaskuntza eta lan-baldintzak ez hondatzeko.
Sestaoko Arcelor Mittaleko langile batek zauri larriak ditu beso batean, lanerako tresna bat gainera erorita
ELA sindikatuak lantegian ezbeharrak behin eta berriz gertatzen direla salatu du, eta langileen segurtasuna bermatzeko prebentzio neurri “erreal eta eraginkorrak” eskatu ditu.
De Guindosen esanetan euroguneko ekonomia uste baino hobeto doa eta interes-tasen maila egokia da
Europako Banku Zentraleko presidenteordearen hitzetan, Espainiako ekonomia, hazkundeari dagokionez, "ondo doa", % 3 inguruko mailarekin, gaur egun eurogunerako EBk proiektatzen duena (% 1,3 aurten) baino askoz ere maila altuagoan. Adierazi duenez, hazkunde horren atzean inmigrazioaren ondoriozko biztanleriaren hazkunde "oso garrantzitsua" dago, eta ohartarazi duenez, egungo eskaerari aurre egiteko horren beharrezkoa den "alokairuko etxebizitzaren eskaintza mugatzen ari da erregulazioa".
ELAk eta LABek Euskal Autonomia Erkidegoko Justizia Auzitegira eraman dute Confebask, soldata minimoaren alde
Sindikatuek dagoeneko formalizatu dute Confebasken aurkako demanda, Euskal Autonomia Erkidegoko Justizia Auzitegian aurkeztutakoa, patronalak Euskadirako gutxieneko soldata propio bat negoziatzeari uko egin diola iritzita.