Hiruk batzar orokorra egingo du igandean bere afiliatuekin, grebarekin jarraitu ala ez erabakitzeko
Hiru Euskal Herriko Garraiolarien sindikatuak ezohiko batzar orokorrera deitu ditu bere afiliatuak datorren igandean, garraioaren grebarekin jarraituko duten erabakitzeko.
Sindikatuko zuzendaritzak bilera egin du ostiral honetan Langraiz Okan, igandean afiliatuei aurkeztuko dieten proposamena adosteko. Ordura arte euskal garraiolarien grebak jarraituko du.
Sindikatuko zuzendaritzak garraiolari autonomoarekiko "errespetu falta" salatu du. Era berean, greba mugagabea egitera "behartu" dituztela esan du, erakundeek "gutxieneko arreta" eman diezaieten.
Uste dute Espainiako Gobernuak bart goizaldean onartutako puntuak ez direla nahikoak, eta salatu dute "enpresa handien interesak saritzen dituztela, enpresa bakoitzeko 400.000 euroraino ematearekin. Era berean, enpresa handi horiei egozten diete "garraiolari autonomoaren egoera kaskarraren errua".
Era berean, azpimarratu dute zenbait puntu ez direla zehaztu akordioan, hala nola garraioa azpikontratatzea edo garraioan kostuaren azpitik zerbitzuak ematea.
Beste erreklamazio "historiko" batzuk, hala nola 60 urterekin erretiroa hartza edo sektoreko gaixotasun profesionalak aitortzea, "ez dira ezta jorratu ere egin".
Beraz, sektoreko solaskideek, Batzorde Nazionalak eta ordezkari ofizialek, "ez dituztela garraiolari autonomoen interesak ordezkatzen eta defendatzen" adierazi dute. "Ez dute jakin kalean eskatutakoa jasotzen, eta alde handia dago elkarte horien eta garraiolari autonomoen artean", gaineratu dute.
Zure interesekoa izan daiteke
Amaia Barredo: "Eusko Jaurlaritza lanean ari da abeltzainekin hartutako epeak eta konpromisoak betetzeko"
Amaia Barredo Eusko Jaurlaritzako Elikadura, Landa Garapen, Nekazaritza eta Arrantza sailburuak aurreratu duenez, Jaurlaritzak "irailaren hasierarako" abeltzaintza-sektorearen esku jarriko ditu lehengai batzuk batera erosteko bideak, lehorteak eragindako belar eskasia dela eta. Radio Euskadin ostiral honetan egindako elkarrizketa batean, Barredok azaldu du Bazka Mahaia oraindik deituta ez dagoen arren, horrek ez duela esan nahi atzerapenak egongo direnik: "Administrazioa ez dago bileraren zain erosketa bateratu horretan lan egiteko".
Abeltzainak haserre, Bazka Mahaia irailera atzeratu duelako Jaurlaritzak
Eusko Jaurlaritzak bazkaren beharrei buruz egindako inkestan 435 ustiategiren erantzunak jaso ditu eta horiekin hartuko ditu erosketa bateratuaren kopuruari eta hornitzaileei buruzko erabakiak. UAGAk eta ENHEk lan egiteko modu eraginkorragoak eskatu dituzte. Hala ere, guztiak ados daude, etorkizunera begira bazkari buruzko plangintza bat behar dela esatean.
Hoteletako sarrerak % 7,7 igo dira uztailean EAEn, eta gaualdiak % 6,7
Sarrera guztien % 58,8 eta gaualdien % 59,9 atzerritar jatorriko pertsonenak izan ziren, 2025eko uztailean baino % 11,1 eta % 11,7 gehiago, hurrenez hurren.
Txakolinaren mahats-bilketa aurreratu dute, beroagatik
Txakolinaren mahats-bilketa ohi baino lehenago hasiko da beroaldien ondorioz. Ekoizleen arabera, data hauek ez dira ohikoak mahats-bilketari ekiteko. Etengabe egiten dituzte analisiak mahastietan, mahatsak azukre eta garraztasun puntua noiz hartuko dituen zehatz-mehatz jakiteko, eta biltzeko une egokiena heldu da.
Bazka eroste bateratua eta lehorte deklarazioa berehala gauzatzeko eskatzen dute abeltzainek
Bi aste dira Bazka Mahaia elkartu eta erakundeek hainbat konpromiso hartu zituztela. Abeltzain asko euren kontura belarra eta lastoa erosten hasi dira, eta erakundeei neurriak berehala hartzeko deia egin diete.
Euskotreneko langileek Bilboko tranbian zezenketen publizitatea jarri izana salatu dute
Arriaga plazan gaur goizean egindako elkarretaratzean, Euskotreneko langileek balio publikoekin koherentea den eta animalien ongizatea errespetatzen duen publizitatea exijitu dio enpresari.
Mingain urdin kasu bat atzeman dute Barrundiako artalde batean
Gaitzaren aurka txertatutako 200 ardi baino gehiagoko artalde bateko animaliak eman du positibo mingain urdinaren 3. serotipoan.
Eusko Jaurlaritzak Administrazio Orokorreko 461 lanpostu betetzeko EPEan izena emateko epea ireki du
Izen-emate telematikoa irailaren 16an amaituko da, eta lehen azterketak 2027ko urtarrilean egitea aurreikusi da.
Milioi bat euroko zigorra ezarri diote AVIS enpresari, trafiko isunengatik bezeroei kudeaketa gastuak kobratzeagatik
Autoak alokatzen dituen enpresak 33,88 eta 45 euro arteko errekargua aplikatzen du isunaren ordainketa kudeatzeagatik eta administrazioari arau-hauslearen nortasuna jakinarazteagatik.
51 urteko langile bat hil da Iurretan, paper-enpresa batean
Sorospen-dispositiboan parte hartu duten Ertzaintzako bi agente bertan artatu behar izan dituzte osasun-langileek, isuritako gasak arnastuta intoxikatu baitira.