Gerrak gehien kaltetutako sektoreentzat "premiazko" neurri fiskalak adostu dituzte hiru aldundiek
Arabako, Bizkaiko eta Gipuzkoako foru aldundiek "premiazko neurri sorta" adostu dute Ukrainako gerraren ondorio ekonomikoei aurre egiteko. Zehazki, 5,4 milioi euro inguruko zuzeneko laguntzak emango dizkiote lehen sektoreari, eta zerga gerorapenak eta salbuespen fiskalak jarriko dituzte langile autonomoen, mikroenpresen eta enpresa txikien esku.
Ramiro Gonzalez, Unai Rementeria eta Markel Olano, hurrenez hurren, Arabako, Bizkaiko eta Gipuzkoako ahaldun nagusiek agerraldi bateratua eskaini dute Arabako foru jauregian neurriok aurkezteko. "Salbuespeneko egoera batean egiten dugun salpuespeneko agerraldia da hau", nabarmendu du Gonzalezek, eta neurriak "aldi baterako" hartu dituztela erantsi.
Zehaztu dutenez, hiru aldundietako gobernu bileretan datorren astean onartuko dituzte neurriok eta "berehala" sartuko dira indarrean. Guztira, aldundien kalkuluen arabera, 165 milioi euroko balioa duten neurriak dira adostutakoak.
Hiru ahaldun nagusiek Ukrainako inbasioa gaitzetsi dute, eta gerrak eragindako ondorio ekonomikoei aurre egiteko foru erakundeen "erantzun bateratua" aldarrikatu. Neurrion asmoa eragile ekonomikoen likidezia indartzea da, "arnasa ematea", Markel Olano Gipuzkoako ahaldun nagusiak nabarmendu duenez. Ramiro Gonzalez Arabako ahaldun nagusiak azpimarratu duenez, "gure eskumenen esparruan egin dugu: fiskalitatearekin". Unai Rementeria Bizkaiko ahaldun nagusiak aitortu du neurriok "diru bilketan eragina" izango dutela (160 milioi gutxiago aurreikusi dituzte) baina orain "dagokiena" dela azpimarratu du: "Baliabideek gehien behar dutenen esku jarraitu dutela, gehien behar dutenean".
Lau eremutan hartuko dituzte neurriak:
Gerorapenak zergak ordaintzeko
Langile autonomoek, mikroenpresek eta enpresa txikiek aparteko gerorapena izango dute zergak ordaintzeko, eta ez dute bermerik aurkeztu beharko. Gainera, gerorapen horiek ez dute interesik sortuko. Halaber, hiru hilabete igarota hasi ahalko dira zenbatekoak itzultzen eta sei hileko kuotatan egin ahalko da ordainketa.
PFEZren ordainketa
Jarduera ekonomikoak egiten dituzten pertsona fisikoak ez dira behartuta egongo Pertsona Fisikoen Errentaren gaineko Zergaren (PFEZ) ordainketa zatikatuak autolikidatu eta ordaintzera urteko lehen bi hiruhilekotan.
Energia gastuak konpentsatzeko neurriak
Energiaren eta erregaien garestitzeari aurre egiteko gastua handitu behar izan duten mikroenpresa eta autonomoek euren zerga-oinarria murrizteko aukera izango dute, dela Sozietateen gaineko Zergan, dela PFEZan. Horretarako gastuak konpentsatzeko "forbait"a handituko dute aldundiek. "Forfait"aren handitzeak indar berezia izango du salgaien errepidezko garraioan, nekazaritzan eta abeltzaintzan, hiru lurraldeetan % 70eraino igotzen baita. "Forfait" orokorra, bai PFEZan (langile autonomoak), bai Sozietateen gaineko Zergan (mikroenpresak), % 15eraino igotzen da.
5,4 milioi euroko dirulaguntzak lehen sektorearentzat
Nekazaritza eta abeltzaintzari zuzenduta dirulaguntza lerro berri bat irekiko dute: 2,5 milioi euro Araban; 1,2 milioi euro, Bizkaian, eta 1,7 milioi euro, Gipuzkoan.
Zure interesekoa izan daiteke
UAGAk Barredo sailburuaren dimisioa eskatu du bazkaren aferaz egindako adierazpenengatik
Nekazarien elkarteak Jaurlaritzaren "immobilismoa" salatu du, eta "sektoretik urrundu izana". Bestalde, ENHE sindikatuak lehorte egoera izendatzea eta "ezohiko laguntzak" eskatu ditu jasandako kaltea konpentsatzeko.
Euriborra % 3tik gora dago 2024ko irailetik lehen aldiz, eta hipotekadunen gaineko presioa handitu du
Adierazleak 2026an izan duen goranzko joera sendotu du, baina adituek gogorarazi dute eguneko datua dela, ez hileko batez bestekoa, hau da, hipoteka gehienak berrikusteko benetan erabiltzen den indizea.
Zubietako erraustegiko langileek salatu dutenez, enpresak "negozioa segurtasunaren aurretik jartzen du"
Abuztuaren 19an sute bat izan zen Ekobalen, eta bederatzi langile intoxikatu ziren beharrezko babes ekipamendurik gabe aritu zirelako sua itzaltzeko lanetan.
Grebarako aukera aztertzen ari dira garraiolariak, gasolioaren prezioaren ondorioz
Hileko gastua 2.000 euro inguru igo zaie otsailetik hona, eta garraiolari batzuek momentuz kamioiak aparkatzea erabaki dute. HIRU sindikatuko kamioilariek, berriz, lanuzteak egiteko aukera eztabaidatuko dute asanbladan, eta erabaki bateratua hartuko dute bertan.
Apartamentu turistikoetako gaualdiak % 23,3 igo dira uztailean EAEn, eta sarrerak % 9,7
Landa-ostatuen kasuan, sarrerak % 2,8 handitu dira eta gaualdiak % 5,6 jaitsi, 2025eko hilabete bereko datuekin alderatuta.
Amaia Barredo: "Eusko Jaurlaritza lanean ari da abeltzainekin hartutako epeak eta konpromisoak betetzeko"
Amaia Barredo Eusko Jaurlaritzako Elikadura, Landa Garapen, Nekazaritza eta Arrantza sailburuak aurreratu duenez, Jaurlaritzak "irailaren hasieran" abeltzaintza-sektorearen esku jarriko ditu lehengai batzuk batera erosteko bideak, lehorteak eragindako belar eskasia dela eta. Radio Euskadin ostiral honetan egindako elkarrizketa batean Barredok esan duenez, Bazka Mahaia oraindik deituta ez badago ere, ez da atzerapenak egongo: "Administrazioa ez dago bileraren zain erosketa bateratua prestatzeko".
Abeltzainak haserre, Bazka Mahaia irailera atzeratu duelako Jaurlaritzak
Eusko Jaurlaritzak bazkaren beharrei buruz egindako inkestan 435 ustiategiren erantzunak jaso ditu eta horiekin hartuko ditu erosketa bateratuaren kopuruari eta hornitzaileei buruzko erabakiak. UAGAk eta ENHEk lan egiteko modu eraginkorragoak eskatu dituzte. Hala ere, guztiak ados daude, etorkizunera begira bazkari buruzko plangintza bat behar dela esatean.
Hoteletako sarrerak % 7,7 igo dira uztailean EAEn, eta gaualdiak % 6,7
Sarrera guztien % 58,8 eta gaualdien % 59,9 atzerritar jatorriko pertsonenak izan ziren, 2025eko uztailean baino % 11,1 eta % 11,7 gehiago, hurrenez hurren.
Txakolinaren mahats-bilketa aurreratu dute, beroagatik
Txakolinaren mahats-bilketa ohi baino lehenago hasiko da beroaldien ondorioz. Ekoizleen arabera, data hauek ez dira ohikoak mahats-bilketari ekiteko. Etengabe egiten dituzte analisiak mahastietan, mahatsak azukre eta garraztasun puntua noiz hartuko dituen zehatz-mehatz jakiteko, eta biltzeko une egokiena heldu da.
Bazka eroste bateratua eta lehorte deklarazioa berehala gauzatzeko eskatzen dute abeltzainek
Bi aste dira Bazka Mahaia elkartu eta erakundeek hainbat konpromiso hartu zituztela. Abeltzain asko euren kontura belarra eta lastoa erosten hasi dira, eta erakundeei neurriak berehala hartzeko deia egin diete.