Hazkunde aurreikuspena puntu bat baino gehiago jaitsi du BBVAk, gerraren eraginez
BBVAren azterketa-zerbitzuak beherantz berrikusi ditu Espainiako BPGaren hazkunde-aurreikuspenak, 2022an % 4,1eraino eta 2023an % 3,3raino. Arrazoien artean daude, besteak beste, Ukrainaren inbasioaren eragina, Errusiako ekonomiari ezarritako zigorrak eta azken hilabeteetan prezioek izan duten goraka, batez ere erregaiak eta elektrizitateak.
Hori islatzen du Jorge Sicilia BBVA Researcheko zuzendari eta BBVAko ekonomialari buruak, Rafael Domenech Analisi Ekonomikoko arduradunak eta Miguel Cardoso Espainiarako ekonomialari buruak ostegun honetan aurkeztutako 'Espainiaren egoera' txostenak.
Hala ere, lehen hiruhilekoko BPGaren datuek hazkunde "garrantzitsua" erakutsiko dutela iragarri dute, % 1,4 ingurukoa. Datozen hiruhilekoetan, baina, gehiago nabarituko da Ukrainako gerraren "dezelerazioa".
Errusiak eta Ukrainak merkatu-kuota handiena duten lehengaien prezioen igoera izango da Espainiako ekonomian eragin handiena izango duen faktorea. BBVA Researcheko adituek bereziki ikatza eta petrolioa aipatu dituzte, eta uste dute Errusiak erregaien munduko horniduran duen pisuak, zigorrekin batera, gasolinaren eta gasaren prezioetan islatuko den urritasun erlatiboa eragingo dutela.
Gasari dagokionez, Espainiak, EBko beste kide batzuekin alderatuta, egoera hobe duela dio txostenak, eskasia horren ondorioei aurre egiteko. Hala ere, BBVA Researchek espero du bere prezioa historikoki handienetako bat izatea eta elektrizitatearen gastuari eta enpresei eragitea.
Dena dela, jarduera ekonomikorako arriskuak ez daude soilik gerrarekin eta Errusiari ezarritako zigorrekin lotuta. Azterketaren arabera, inflazioa da Espainiako ekonomiaren susperraldia sendotzeko mehatxu nagusienetako bat. Hala, kalkulatu dute 2022an inflazioa % 7ko batez bestekoan eta 2023an % 2,5eko batez bestekoan amai dezakeela.
Bestalde, kontsumo pribatuak desazelerazioa arindu dezake, covid-19ari lotutako murrizketak malgutzeari eta konfinamenduan metatutako aurrezpenari esker. Era berean, BBVAko adituen ustez, eskari politika hedakorrek gastuaren hazkundearen alde egingo dute, baina prezioek ere gora egingo dute.
Zure interesekoa izan daiteke
Guardian eta Glavista berpizteko akordioa “lortzear”, Eusko Jaurlaritzaren arabera
Akordioak 80 eta 85 milioi euro arteko inbertsioa ekarriko luke, eta 400 lanpostu inguru berreskuratzea eskualdean. Hala ere, Eusko Jaurlaritzak "zuhurtzia" eskatu du, akordioa oraindik ez baitago itxita.
Abian da errenta kanpaina Araban eta Gipuzkoan, eta gaurdanik autolikidazio proposamena onartu daiteke
Astearte honetatik, apirilak 7, Arabako eta Gipuzkoako ogasunek egindako autolikidazio proposamenak onartu edo aldatu ditzakete zergadunek. Ostegunean, apirilak 9, hasiko da errenta aitorpenaren kanpaina Nafarroan, eta apirilaren 15ean, berriz, Bizkaian.
Gaur hasiko da errentaren kanpaina Araban eta autolikidazio proposamenak onartu ahal izango dira
Arabako Foru Aldundiaren aurreikuspenen arabera, aurten 202.576 lagunek inguru egingo dute errenta aitorpena Araban, eta horietatik % 70 inguru herritarrei dirua itzultzeko izango dira. Kanpaina ekainaren 25ean amaituko da eta gehien erabiliko den modalitatea Rentafacil izango da.
Tubos Reunidoseko enpresa batzordeak "inplikazioa" eskatuko dio Jaurlaritzari, asteazkenean egingo duten bileran
Gorka Abascal ESK sindikatuko ordezkari eta enpresa batzordeko kideak adierazi duenez, bilerara jarrera positibo eta arduratsuarekin joango dira, Eusko Jaurlaritzaren eta Espainiako Gobernuaren arteko negoziazioak nola doazen ezagutzeko asmoz. Enpresak bere zorraren erdia Espainiako Gobernuarekin dauka, zehazki, SEPI Industria Partaidetzarako Espainiako Sozietatearekin.
1.033.410 kotizatzaile zeuden martxoan Euskadin, otsailean baino 5.003 gehiago eta 2025eko martxoan baino 10.971 gehiago
Langabeziari dagokionez, martxoan 107.173 pertsona zeuden Lanbiden erregistratuta, otsailean baino 179 gehiago eta duela urtebete baino 1.141 gutxiago. Nafarroan ere igo egin da afiliazioa, eta langabezia, berriz, jaitsi, eta 2008tik izandako daturik onenak izan dira Foru Erkidegoan.
"Handling" zerbitzuko langileek beste greba egun bat dute gaur, eta 175 hegaldi daude programatuta Loiun
Lanuzteak egingo dituzte txanda guztietan. Joan den astelehenean 90 minuturainoko atzerapenak izan ziren, eta hegaldiren bat bertan behera geratu zen.
Gasteizko Aireportuko aparkalekuak doakoa izateari utziko dio 2027tik aurrera
Aenaren arabera, aireportuaren jarduera "nabarmen" hazi da, eta horren ondorioa izan da erabakia. Ramiro Gonzalez Arabako diputatu nagusiak esan du hedabideen bidez izan duela erabakiaren berri.
Tubos Reunidoseko langileek enplegu-erregulazioko espedientea bertan behera uztea eta erakundeen inplikazioa eskatu dute
Amurrioko lantegiko Tubos Reunidoseko langileek manifestazioa egin dute asteazken honetan, 242 kaleratze proposatzen dituen enplegu-erregulazioko espedientearen aurka. Bilbon egindako mobilizazio batean, sindikatuen ordezkariek gutun bat aurkeztu dute enpresaren bulegoetan, espedientea bertan behera uzteko eskatuz.
Nafarroako Gobernuak Irango gerraren ondorio ekonomikoak arintzeko laguntzak iragarri ditu
Hasiera batean, harmonizazio-dekretu bat onartu dute, estatuko neurriak foru-araudira egokitzeko, baina aurreratu du neurri fiskal propioak lantzen ari dela, hala nola, PFEZren ordainketak atzeratzea.
Etxeko hegaztien ustiategietan ezarritako konfinamendua kendu dute, partzialki
Arrisku eta zaintza bereziko eremuetan mantendu egingo da neurria: Nafarroan, 12 udalerritan jarraituko dute etxaldeetako hegaztiek konfinatuta, eta EAEn, sei herritan.