Iker Elizburu, Wolfratex enpresako zuzendaria: "Gelditzeko etorri den produktua da musukoa"
Datorren asteazkenetik aurrera, Hego Euskal Herriko barrualdeetan musukoa ez da derrigorrezkoa izango; osasun zentroetan, adinekoen egoitzetan eta garraioan izan ezik.
Asteartean onartuko da araudi berria, eta biharamunean sartuko da neurria indarrean.
Pandemia lehertu eta hasieran musukoak Txinatik ekarri arren, berehala hasi ziren Bergarako Wolfratex enpresan ekoizten. Etorkizunera begira, autonomoak izateko gaitasuna erakutsi izana azpimarratu du enpresako zuzendariak Euskadi Irratiko Amarauna saioan.
Etorkizunean balizko pandemia bat egongo balitz, herri gisa autonomoak izateko erakutsi duten fabrikazio gaitasuna "interesgarria bezain garrantzitsua" dela adierazi du Iker Elizburu enpresako zuzendariak.
Horrelako egoera baten aurrean, ezinbestean, "babestuta" egon beharko ginatekeela uste du eta, horretarako, "bertan geratu behar dugu". Bertako industria baten alde egin du, "autosufizientea eta independentea".
Azken bi urteotan 90 milioi ale ekoitzi dituzte Larramendi poligonoko enpresa horretan eta, makinak gelditu gabe, minutuan 200 musuko baino gehiago ekoiztera iritsi dira.
Elizbururen arabera, "hasieran, bost errelebotara ibili ginen 365 egun, gelditu gabe". Orain, nahikoa dute errelebo batera edo bitara lan egitearekin: "azkenean, ekoizpenaren malgutasuna lortu behar izan dugu".
Musukoaren erabilera asteazkenetik aurrera nabarmen murriztuko den honetan, goizetik gauera ez dela desagertuko dio. Izan ere, "jendeak segurtasun puntu bat lortu du musukoarekin, adibidez hotzeria edo gripe baten aurrean".
Hori dela eta, "gelditzeko etorri den produktu bat" dela uste du Wolfratexeko zuzendariak, "supermerkatu eta farmazietako linealean" topatuko duguna.
Ondorioz, musukoen ekoizpenak enplegua bermatuko dielakoan dago, unean uneko egoerara egokituta.
Albiste gehiago ekonomia
Bilbo tentsio handiko eremu izendatuko dute ostegun honetan
Joan den apirilean igorri zion Bilboko Udalak Eusko Jaurlaritzari, hiri osoa gune tentsionatu izendatzeko eskaria, herritarrek etxebizitza ordaintzeko dituzten zailtasunak direla eta.
Nafarroak iruzurraren aurkako plan berria onartu du NaTicket ezarrita
Foru Gobernuak NaTicket izeneko programa bat aplikatuko du datozen hiru urteetan, Euskadiko Ticket Bairen antzeko sistema bat, fakturazioa denbora errealean kontrolatzeko.
Ryanairrek % 2 murriztuko du Forondako hegaldi kopurua neguan, eta ez du jardungo Santiago, Vigo eta Tenerifeko aireportuetan
Alacant, Brusela, Malaga, Milan, Palma eta Sevillarako hegaldiak ditu Ryanairrek Forondako aireportuan. Doitze-neurri horren ondorioz, milioi bat plaza baino gehiago galduko dira, udako denboraldian galdutako 800.000 plazez gain.
Maderas de Llodiok langileen batzordeari adierazi dio kaleratze kolektiboa ezartzekotan daudela
LAB sindikatuak adierazi duenez, datorren asteartean, hilak 9, bilera bat dute enpresaren zuzendaritzarekin, baina batzordeak eskatu du kaleratze kolektiboaren prozedura berehala bertan behera utz dezaten. Momentuz, ez dakite 151 langileetako zenbati eragingo liokeen neurriak.
Arabako Errioxako ardoak, txakolinak eta sagardoak Mexikora bidaiatu dira, Euskadi globalaren enbaxadore gisa
Amaia Barredo sailburua Mexiko Hirian da 23 euskal upeltegiren ordezkaritzarekin batera, euskal gastronomiaren kalitate eta bikaintasun zigiluarekin merkatu berriak irekitzeko asmoarekin.
Eusko Legebiltzarrak ez du izapidetuko gutxieneko pentsioa Lanbidearteko Gutxieneko Soldatarekin berdintzea eskatzen duen herri-ekimena
Eusko Jaurlaritzaren jarreraren arrazoi nagusietako bat da pentsioak jasotzen dituztenentzako babesa dagoeneko integratuta dagoela egungo sisteman. Ekimenak 145.000 sinadura baino gehiagoren babesa du.
Azazetan auto istripuan hildako gidaria etxez etxeko laguntzaile lanetan ari zen
LAB sindikatuak lan-istriputzat jo du ezbeharra, eta etxez etxeko laguntzaren sektoreko baldintza prekarioak salatu ditu.
Abuztuan, langabezia-tasa ia % 4 igo da EAEn, eta % 0,53 jaitsi da Nafarroan
109.169 langabe daude erregistratuta Euskadin, eta, Nafarroan, berriz, 28.390. Espainian, langabezia-tasa % 0,91 igo da, eta langabeen kopurua 2.426.511ra iritsi da, 2007az geroztik abuztuan izandako mailarik txikiena.
LAB sindikatuak soldatak duintzea du urte honetarako lehentasunetako bat
Salatu du ziurgabetasun ekonomikoa aitzakia gisa erabiltzen ari dela lan-baldintzak prekarizatzeko. Horregatik, iragarri du bere helburua izango dela soldatak KPItik gora igotzea negoziatzea eta, batez ere, gutxieneko soldata propioa sortzea.
EAEko biztanleen % 18,5ek maiz edo etengabe izaten dute laneko estresa
Randstaden ikerketa baten arabera, Euskadiko herritarren % 10,5ek baino ez dute inoiz beren lanarekin lotutako estresik sentitu. Emakumeek gizonek baino estres maila altuagoak izaten dituzte, eta maizago pairatzen dute.