Mercabilbao Basauritik Ortuellara lekualdatuko dute 2027an
Mercabilbao Basauritik (Bizkaia) Ortuellako Ezkerradea-Meatzaldea teknologia parkera eramango dute lauzpabost urte barru, Basauriko Udalak eta Euskadiko Teknologia Parkeen Sareak jakinarazi dutenez.
Euskadiko Elikadura Campusaren parte izango da. Elikagaien startupsak eta enpresa berritzaileak erakartzeko eremua izango da; Euskadiren garapen sozioekonomikoarentzako estrategikotzat jo duten sektorearen hazkundea bultzatzeko.
Euskadiko elikadura campusa Eusko Jaurlaritzaren, Bizkaiko Foru Aldundiaren eta Bilboko eta Ortuellako udalen ekimen bateratu da.
Mende erdi baino gehiago eman dute Mercabilbaoko instalazioek Basauriko Artunduaga auzoan. Teknologia Parkeen Sareak argudiatu duenez, jardueraren garapenak zein instalazioetan hazteko ezintasunak lekualdaketa gomendagarria egiten dute.
Bestalde, Basauriko banaketa zentroaren beharrizanak asetzeko, elikadura campuseko azpiegitura berriak bere eremua bikoiztuko du. Artunduagako 13 hektareak hutsik geratuko dira, eta Basaurirentzako "aukera berri bat" bilakatu, non Eusko Jaurlaritza, Bizkaiko Foru Aldundia eta Udala "jarduera ekonomikoa eta enplegua sortzen jarraitzeko lanean ari dira dagoeneko".
Mercabilbaok 100 enpresa inguru hartzen ditu egun, eta 1.200 behargin lanean ari dira, urtean 260.000 tona produktu galkor merkaturatzeko, inguruko saltoki, taberna eta jatetxeetan.
Bestalde, Basauriko Udalak ohar batean zehaztu duenez, Mercabilbaoren lekualdaketa lauzpabost urteetan egingo dute; hartzen duen lursaila "proiektu berriarentzako nahikoa ez delako, lau aldiz handiagoa behar baitu".
"Ez gara enpresa bat ixteaz ari, Bizkaiko lurraldean 20 minutura dagoen aldameneko udalerri batera eramateaz baizik. Ez da enplegua deuseztatuko", azpimarratu du Udalak.
50 hektarea
Hasierako proiektuaren arabera, Euskadiko Elikadura Campusak ia 50 hektarea hartuko ditu, etorkizunean gehiago hedatzeko ingurune egokian, azaldu dutenez.
Lursailak erosteko eta lanetarako 60 milioi euroko inbertsioa aurreikusi dute erakundeek. Teknologia Parkeen Sareak 135.000 metro karratu kudeatzen ditu orain, eta 500.000 metro karratu erosteko prozesuan dago murgildurik. Campus berriak, amaituta dagoenean, 2.000 lanpostu sortu eta 750 milioi euroko fakturazioa izango du.
Elikadura Campusak lehengai, ekoizpen prozesu eta produktuen kalitate kontrolerako plataforma izango da; ekoizpena abiatu eta merkaturatu baino lehen probak egiteko lantegia; lan arriskuak murrizteko eta prebentziorako zerbitzuen plataforma; eta digitalizazio eta automatizazio zerbitzuak hartuko ditu.
Juan Mari Aburto Bilboko alkatearen hitzetan, lekualdaketa "Mercabilbaorentzako hazkunde eta garapen abagune bikaina da; izan ere, Basaurin 50 urte eman ondoren, zabaltzea behar du, orain arte posible ez zena leku faltagatik".
Albiste gehiago ekonomia
Jaurlaritzak nabarmendu du turismoak % 5eko hazkunde "iraunkorra" izan duela EAEn
Daniel Solana Basquetour-Turismoaren Euskal Agentziako zuzendariak Radio Euskadin egindako elkarrizketan esan duenez, hazkundea "lasaia eta iraunkorra da, Estatuko edo Europako beste herrialde batzuetan duten masifikaziotik kanpo". 200.000 euskal herritarrek baino gehiagok EAEtik atera gabe pasa dituzte oporrak, eta Loiu-New York konexioak turista estatubatuar gehiago etortzea ekarri du.
Puentek ziurtatu du Renfe "negoziatzeko eta hitz egiteko prest" dagoela Talgori irtenbide bat emateko
Espainiako Garraio ministroak EFEri egindako adierazpenetan esan duenez, gaia "oraindik konpontzeko dago", eta "konpainia espainiarra izaten jarraitzea" eta "irtenbide industriala izatea" espero duela erantsi du, "Talgo ez baita edozein enpresa, gure herriarentzat interesgarria da arrazoi askorengatik".
AEBko apelazio auzitegi batek legez kanpokotzat jo ditu Trumpen muga-zergak, baina indarrean jarraitzen dute
Trumpen muga-zergek jaso duten bigarren kolpe judiziala da, eta berretsi egiten du New Yorkeko merkataritza auzitegi batek maiatzean emandako epaia.
Euriborrak urteko lehen igoera izan du, baina hipotekek behera egiten jarraituko dute
Abuztuan izandako igoerak ez du Euriborraren egonkortasunaren joera eten, aldaketa txiki bat baita ohiko joeraren aurrean.
Urte arteko KPIa % 2,7an mantendu da abuztuan, elikagaien, argindarraren eta erregaien prezioen bilakaeragatik
Ekainean eta uztailean gora egin ostean, KPIaren urtebeteko tasa egonkor mantendu da. Aitzitik, azpiko inflazioak gora egin du bigarren hilabetez jarraian. Abuztuan hamarren bat hazi da, % 2,4raino.
Euriborraren jaitsiera dago hipoteken gehikuntzaren atzean, sektore batzuetan
Guztira 1.922 hipoteka sinatu dira EAEn. Batez beste, 163.000 euro ingurukoak dira, % 2,99ko interes-tasarekin, eta 25 urtera. Hain justu, interes-tasen beherakadak animatu du jendea. Hori eta alokairuaren merkatuaren egoera kaskarra. Paradoxikoki, aldi berean, etxebizitzak garestitzen ari dira. Urteko lehenengo hiruhilekoan % 12 egin du gora prezioak.
Ikasle-egoitza edo pisua? Ikasturte hasierako erabaki handietako bat
Duela urte batzuk alde ekonomiko nabarmena zegoen egoitzan bizi eta beste ikasle batzuekin alokairuko etxean egotearen artean. Bigarren aukera askoz merkeagoa zen. Gaur egun, ordea, arrakala hori murriztu egin da, besteak beste, euskal hiriburuetako pisuen prezioen ondorioz. Hala ere, argi dago abuztu amaieran zailena leku bat aurkitzea dela, egoitzan zein etxea partekatuan.
Etxebizitzen gaineko hipoteka-kopurua % 24 hazi da Euskadin ekainean
Nafarroa, aldiz, jaitsiera izan duen bakarra da Estatuan.
Euskadi eta Nafarroa, batez besteko erretiro-pentsio altuena duten erkidegoen artean
Gizarte Segurantzak 13.620,8 milioi euro erabili ditu abuztuan kotizaziopeko pentsioen hileko nomina arrunta ordaintzeko, eta kopuru horren ia hiru laurden, erretiro-pentsioetarako.
Enplegu erregulazioko espedientearen kaleratzeak 22tik 14ra jaitsi ditu Serveok, eta langileek greba abiatu dute
Enpresak banan-banan negoziatuko du kaleratutako langile bakoitzarekin. Sindikatuek salatu dute Bridgestoneko langileak atzeman dituztela Serveoko beharginen lanak egiten, greba hasi eta bi ordura.