EVE: "Gasa lur azpian dugu, lege batek eten du aukera, baina badugu bidea menpekotasuna jaisteko"
Euskal Autonomia Erkidegoak (EAE) atzerrian ekoizten den energiarekiko duen menpekotasun handia plazaratu du EITB Datak (soilik % 10 ekoizten da erkidegoan). Horren inguruan elkarrizketa bana egin dute Euskadi Irratiko "Faktoria" saioan, eta gasarekiko menpekotasun hori txikitzeko iritzi kontrajarriak plazaratu dituzte Iñigo Ansola EVE Energiaren Euskal Erakundeko zuzendari nagusiak eta Mirari Antxustegi EHUko ingeniaritza kimikoko irakaslea eta bioenergian adituak.
Ansolak luze eta zabal hitz egin du Araban lur azpian dagoen gasaren inguruan, Jaurlaritzak fracking teknika erabiliz atera nahi zuen, baina Espainiako Gobernuaren Trantszio Ekologikorako Legeak debekatuta, proiektuari uko egin zion Jaurlaritzak. Ansolaren ustez "hausnarketa" egin beharko litzateke gai horren inguruan. "Gasa hor dago, lege batek eten du hura esploratzeko eta ustiatzeko aukera, baina Euskadik menpekotasun handia izaten jarraitzen du, hor dago datua. Ez dagokit niri legea ezbaian jartzea, baina badaukagu bidea menpekotasun hori jaisteko", azpimarratu du. EVEko zuzendariak gogorarazi duenez, gasa da "energia fosilen artean gutxien kutsatzen duena".
Bestelako iritzia du Mirari Antxustegi EHUko irakasle eta bioenergian adituak. Horren esanetan, "teknologiak berriztu behar ahala, gas bidezkoak kentzen joatea da kontua". Adibidea ere jarri du: gasezko galdara izorratzen bazaigu, biomasazko edo aerotermiako galdara bat ipintzea aholkatu du. "Kontua ez da gasa beste leku batetik eskuratzea, gasa kentzea baizik. Adibidez, badago gasa edo metanoa biomekanikaren bidez lortzea, hori gehiago sustatu beharko litzateke".
Antxustegik deitoratu duenez, trantsizio ekologikorako bidean "ia enfoke bakarra elektrizitatea sortzea izan da, eta elektrizitatea sortzeko berriztagarriak bultzatzea". Horien inguruan uste du Euskadik "mugak" dituela eguzki edo haize energia sortzeko, eta aldiz, biomasa "asko" dugula. "Gure lurraldearen % 60 basoak dira, eta horietatik ateratzen den aprobetxamendua oso murritza da", azaldu du.
"Energia kontsumitzaile handia da EAE", Ansolaren hitzetan
EAEk kontsumitzen duen energia kopuru handiarekin lotu du EVEko zuzendariak energia menpekotasun hori. Horren ildoan, gogorarazi du "energia onena kontsumitzen ez dena" dela, eta eraginkorragoak izatearen alde egin du.
Azkenik, energia berriztagarrien inguruan jendearen iritzia uste baino hobea dela gogora ekarri du Ansolak. "Herritarren gehiengo handi batek, % 80tik gora, berriztagarrien inguruko iritzi baikorra du, eta inguruan jartzeari buruz galdetuta ere, onarpena oso zabala".
Albiste gehiago ekonomia
Villavesetako langileek greban jarraitzearen alde egin dute, oso bozketa estu batean
Garraio publikoko langileen % 50,6k egin dute grebaren alde; sei botoko aldeagatik gailendu da aukera hori. TCC enpresak ohartarazi du ez duela negoziatuko lanuztea bertan behera utzi arte.
Mondragon Korporazioko Diknua kooperatibak 1,5 milioi ordaindu ditu Ternuagatik eta 56 lanpostu mantenduko ditu
Donostiako Merkataritza arloko 1 zenbakiko Epaitegiak konpainiaren 56 enpleguak Euskadin mantentzea ekarriko duen operazioa baimendu du, "lan-baldintzak eta antzinatasuna errespetatuz".
Honelakoa da Internet bidezko iruzurren aurkako banku-egiaztapen berria
Hemendik aurrera, hartzailearen izena eta IBAN kodea bat ez badatoz, erabiltzaileari jakinaraziko dio bankuak, transferentzia bidezko iruzurrak errotik mozteko.
Estatuan, EAEn sortu dira abuztuan enpresa berri gehien, % 24,1eko hazkundearekin
Guztira, 201 enpresa sortu dira Euskal Autonomia Erkidegoan, eta 9,7 milioi euroko kapitala izenpetu dute. Sozietate mugatu gisa sortu dira guztiak.
SAPA Transmission konpainia gipuzkoarrak AEBko Armadaren ibilgailu blindatuen transmisio sistema egingo du
2025-2030 Plan Estrategikoaren arabera, konpainiak partaidetza handia izango du kontratuetan, eta 7.000 unitate egingo ditu datozen urteetan.
Gaur amaituko da Sabadelleko akziodunek BBVAren eskaintza onartu ala ez erabakitzeko epea
Epea amaitu baino ordu batzuk lehenago, Cesar Gonzalez Bueno Banco Sabadelleko kontseilari delegatuak ziurtatu du BBVAk eman dituen datuak "boluntaristak" direla. BBVAren esanetan, Sabadelleko akzioen % 50 trukatu dituzte, baina Sabadellek esan du ez direla % 30era heldu.
"Iaz, azoka egin eta hilabetera, enpresen % 35ek esan ziguten kontratazioak edo elkarrizketak izaten ari zirela"
Donostian, Enplegu Azoka egiten ari dira, Gipuzkoako Merkataritza Ganberaren eskutik. Gipuzkoako Ganberako Ezagutzaren Kudeaketa Arloko zuzendari Ana Ugalderen hitzetan, azoka aukera "zoragarria" da langabetuentzat zein ibilbide profesionala aldatu nahi dutenentzat, eta azokan bertan lana topatzeko aukerak daudela erantsi du.
LABek eta Steilasek egun osoko lanuzteari eutsi diote urriaren 15ean, Gazako genozidioa salatzeko
Gasteizen agerraldia egin dute LAB eta Steilas sindikatuetako ordezkariek, urriaren 15ean Hezkuntzan deituta duten egun osoko lanuzteari eusten diotela azaltzeko. Hezkuntzako komunitatea osatzen duten kide guztiei dei egin diete herri eta hirietan egingo diren mobilizazioetan parte hartu eta Palestinari babesa adierazteko. EAEko hiru hiriburuetan 12:30ean egingo dira manifestazioak.
Oronak lantegi berri bat eraikitzeko 60 milioi euroko inbertsioa egingo du Hernaniko lurretan
Orona enpresak 60.000 metro koadroko lur-eremua erosi duela iragarri du, igogailuen sektorean ariko diren 150 lanpostu sortzeko helburuz.
Ryanairrek txalotu egin du eskuko ekipajearen espedientea, eta Kontsumok “airelineak defendatzea” leporatu dio EBri
Europako Batzordeak zalantzan jarri ditu Espainiako Gobernuak kostu txikiko hegaldien bost konpainiari ezarritako 179 milioiko zigorrak; kontsumitzaileek eta Bustinduy ministroak, berriz, Bruselaren “menpekotasuna” salatu dute aireko sektorearen presioen aurrean.