Urtaran, Subillako gasaren kontura: "Zentzurik al dauka ustiatu ezingo den zerbait esploratzea?"
Gorka Urtaran Gasteizko alkate eta Eudeleko presidenteak, Subillan gasa esploratzeko lizentziaren inguruan, esan duenez, "ez da esploraziorik egin, gasa ateratzea galarazten duen klima aldaketaren legea dagoelako. Hori dela eta, Gasteizen eta Subillaren kasuan, ez da esploraziorik egin Estatu mailako lege batek debekatzen duelako". "Zentzurik al dauka ustiatu ezingo den zerbait esploratzea", galdegin du.
Radio Euskadiko 'Boulevard' saioan egindako elkarrizketa batean, Urtaranek atzo Arantxa Tapia Garapen Ekonomiko, Jasangarritasun eta Ingurumen sailburuak CEBEKen ekitaldian egindako adierazpenak izan ditu hizpide. Tapiaren esanetan, "ez daukagu baliabiderik, agian, lurrazpian izan genezaken gasa ez esploratzeko erabakia hartu dugulako, baina ez digu kexarik sortzen Bilboko Portura AEBn, frackingaren bidez ateratako gasaz betetako ontzia heltzeak".
"Bat nator sailburuarekin, batzuetan ez zaigu axola nola ustiatzen den Euskadin kontsumitzen dugun gasa. Baina, gure kasuan, ez da esploratu ustiapena galarazten duen klima aldaketaren legea dagoelako", esan du berriz.
"Udal mailako araudia dago, eta errespetatu beharra daukagu. Kontuan hartuta nekazaritzaren ikuspuntutik balio handiko gunea dela, ezin da ustiapenik egin. Baina, harago noa, Estatuko lege batek ustiapena debekatzen du, hortaz, zentzurik al dauka ustiatu ezingo den zerbait esploratzea?", galdegin du.
Hori dela eta, Urtaranek energia berriztagarrien sustapenean indarrak batzeko deialdia egin du. "Berezko energia sortzea behar dugu, energia berriztagarria, garbia. Bide batez, 30 eta 40 euro bitartean dago GWh, gasaren 300 euroko prezioaren aurrean. Garbiago eta jasangarriago ez ezik, lehiakorrago ere egingo gaitu gaitasun ekonomikoaren ikuspuntutik".
Bestalde, euskal hiriburuko alkateak bitartekoen egoera egonkortzeko prozesuaz mintzatu da. Bere esanetan, euskal udalen elkarteak "udal eta erakundeekin batera lan egin behar du bitarteko langileen egonkortzean", proiektuak hartutako neurria kontuan hartuta, administrazioan langileen egoera egonkortzea derrigortzen duen Estatuko legea indarrean sartu ostean.
Hala, Urtaranek aurreratu duenez, egonkortze prozesua "konplexua izango da, tresnak bilatu behar dira". "Udaletako bakoitzak bere kabuz egin behar baldi badu prozesua, elkarrekin eginda baino askoz konplexuagoa izango da", azaldu du.
Era berean, 600 bat pertsona sartuko dira prozesu horretan hiriburuko Udalean, "enplegu publikoko bi eskaintza egin berri baditugu ere". Gainera, aurreratu du gehien gehienak merituak kontuan hartuta sartuko direla, bost urte baino gehiago lanpostu berean izan diren pertsonak baitira.
Informazioa osatzeko lanean ari gara
Zure interesekoa izan daiteke
Ehunka lagun kalera atera dira Iruñean preso eta iheslaririk gabeko jaiak aldarrikatzeko
Sare taldeak adierazi duenez, presoak eta iheslariak Euskal Herrira itzultzeko prozesua "eskailerako azken mailan" dago, eta hori gainditzeko ohiko espetxe-legedia aplikatzeko eta mobilizazio sozialarekin jarraitzeko deia egin du, sanferminen hasierarekin bat eginez.
Transferentzien akordioa ez betetzea "errespetu falta onartezina" dela ohartarazi dio lehendakariak Sanchezi
"Beti 'ezetz' esaten duen eta proposamenik egiten ez duen horma baten aurka egin dugu talka", azaldu du Imanol Pradalesek, Jaurlaritzak asteon zenbait Ministeriorekin egindako bilerei buruz. Horregatik, aldeen arteko konfiantza "gero eta txikiagoa" dela ohartarazi dio Espainiako Gobernuko presidenteari.
EAJk berretsi egin du Bilboko Alkatetzarako Mikel Hidalgoren hautagaitza
Bilboko 33 urteko politikaria hautagai bakarra izan zen, eta aho batez babestu dute EAJren 13 udal batzarrek.
Albiste izango dira: Imanol Pradales lehendakaria Madrilen, beroa bueltan eta irteera operazioa
Gaurkoan Orain-en albiste izango direnen laburpena, bi hitzetan.
Lonjetan etxebizitzak eraikitzeko ordenantza amaitzear du Gasteizko Udalak, prezio mugatuekin eta espekulazioa saihesteko neurriekin
Maider Etxebarria alkateak politika orokorreko osoko bilkuraren lehen eguna aprobetxatu du, besteak beste, Udal gobernuaren hiru urteen balantzea egiteko, besteak beste, etxebizitza arloan. Osoko bilkurak oposizioaren erreplikekin jarraituko du ostiralean, baina hiru alderdiek, EH Bilduk, PPk eta Podemosek, dagoeneko adierazi dute euren atsekabea eta "etsipena".
Bi urte eta erdiko kartzela-zigorra Francisco Granados Madrilgo kontseilari ohiarentzat, Punica auzia dela eta
2007tik 2014ra, kontratu publikoen esleipenean Waiter Music jai-enpresari mesede egitea leporatu diote. Epai horrekin, Granadosek bigarren zigorra jaso du Punica auziaren harira. Aurretik, bi urte eta erdi igaro zituen behin-behineko espetxealdian.
Vox Andaluziako Gobernuan ere sartu da, presidenteorde mailako kontseilaritza batekin
Juan Manuel Moreno popularra Andaluziako Juntako presidente hautatu dute, bigarren bozketan. Akordioa ordu erdi lehenago iragarri dute PPk eta Voxek.
Sanfermines 78 eta Martxoak 3 kolektiboek 1976 eta 1978ko gertakarien erantzukizuna har dezala eskatu diote Espainiako Estatuari
Sanfermines 78 eta Martxoak 3 kolektiboek “Estatua erantzulea” ekimena bultzatu dute. Horren bidez, Espainiako Gobernuari eskatu nahi diote “Espainiako Estatuak martxoaren 3an Gasteizen eta 1978ko sanferminetan gertatutako krimenen erantzukizun nagusi eta zuzena berariaz aitor dezala”. Uztailaren 8an, gainera, German Rodriguez oroituko dute Iruñean, garai hartako festetan poliziek “eraso bortitz” batean hil zutelako.
Josu Urrutikoetxea errugabe jo dute Frantzian zuen azken epaiketan
Hau zen Frantzian zuen azken auzibidea, eta absoluzioarekin, prozesua amaitu egin da. Orain, atea zabalduko litzateke Urrutikoetxea Espainiaren esku uzteko, han zabalik dituen auziengatik.
"Euskararen gutxiespen sistematikoa" salatu du Kontseiluak EHUko campusetan, epailearen azken erabakiaren ostean
"Justizia euskararentzat, euskara guztiontzat" lelopean, Kontseiluak elkarretaratze bana egin du Euskal Herriko Unibertsitatearen hiru campusetan, USaPeko azterketei buruzko azken erabaki judiziala salatzeko. Ehunka herritarrez gain, deialdiarekin bat egin duten sindikatu nagusietako eta beste hainbat eragiletako ordezkariek ere parte hartu dute elkarretaratzeetan. Kontseiluaren idazkari nagusi Idurre Eskisabelek “euskararen gutxiespen sistematikoa” salatu du, “euskara bigarren mailako eta gaztelaniaren menpeko hizkuntza gisa betikotzeko asmoz”.