Errusiaren eta EBren arteko merkataritza harremana eteteak Espainiaren BPG % 1,8 murriztuko luke
Espainiako Bankuak uste du Errusiaren eta Europar Batasunaren arteko merkataritza harremana eteteak BPGn eragin negatibo "esanguratsua" izango lukeela, % 1,8koa lehen urtean; baina Europako gainerako herrialdeetan baino "dezente murritzagoa" litzateke.
Gainera, merkataritzaren balizko itxiera baten ondorioz inflazioak 1,4 puntu egingo lituzke gora, Espainiako Bankuak analisi artikulu batean zehaztu duenez.
Inportazio energetikoak soilik etengo balira, BPGn eragin txikiagoa izango luke, % 0,8 eta % 1,4 artean aurreneko urtean, baita inflazioan ere, 0,8 eta 1,2 puntu egingo lituzke gora.
Inportazio energetikoen etetea gerta daitekeela uste dute Espainiako Bankuko adituek. Horrek % 1,1eko eragin negatiboa izango luke BPGn, eta 0,9 puntukoa inflazioaren igoeran.
Hala ere, artikuluak gaineratu duenez, Errusiaren energiarekiko Espainiaren menpekotasuna Europako gainerako ekonomiena baino txikiagoa denez, "ondorioak gure ekonomian dezente murritzagoak lirateke".
Itxialdi energetikoaren eragina % 2,5 eta % 4,2 artean kokatuko litzateke EBren BPGn. Horrela, ekialdeko herrialdeei eta hiru ekonomia nagusiei kalte askoz handiagoa egingo lieke: Alemania (% 1,9-3,4), Frantzia (% 1,2-2) edo Italia (% 2,3-3,9).
Gainera, ondorioak areagotuko lirateke, kalteak "ekoizpen kate globalen bidez hedatzen baldin badira", bereziki larriak jarduera sektore zehatzetan, besteak beste, garraioan, metalen industrian edo industria kimikoan.
Gauzak horrela, ibilgailuen ekoizpenak edo produkzio farmazeutikoak, Europarekiko menpekotasun maila handia duten heinean, "ekoizpen mugatuaren eragina nabarituko lukete murrizketa energetikoaren ondorioz".
Zure interesekoa izan daiteke
Anthropic Burtsara aterako da gaur eta historiako burtsaratze handiena izango da: 85.670 milioi eurotik gora
LABek bertan behera utzi ditu Nafarroako ikuskizunen sektoreko bi greba egunak, negoziazioari berriro ekin ondoren
Gabonetako erosketen ondorioz, abenduan ohi baino % 23 gehiago gastatuko dute familiek
Itoiztik Erriberara: 354 milioi euro Nafarroako ubidearen proiekturako
Espainiako Gobernuak soldaten sekretuarekin amaitu du
Eusko Jaurlaritzak aurrekontuen negoziazioa amaitutzat eman du, oposizioarekin akordiorik lortu gabe
Aurtengo iraila azken hamar urteetako onena izan da esportazioei dagokienez, Jaurlaritzaren arabera
Adifen arabera, grebak % 6,04ko eragina izan du Euskadin goizeko txandan, eta % 15,56koa gauekoan