Atzerriko langileak ekartzeko bidea erraztu nahi du Espainiako Gobernuak
Atzerritarren Legea eguneratzeko zirriborro bat mahai gainean du Espainiako Gobernuak, milaka langile atzerritarrei lan merkaturako sarbidea errazteko helburuarekin.
Jose Luis Escriva buru duen Gizarteratze, Gizarte Segurantza eta Migrazio Ministerioak baieztatu duenez, oraindik lantzen ari den erreformak gaur egungo zenbait neurri aldatu eta beste zenbait arau berri sortuko lituzke. Galdetu dioten arren, Escrivak ez du testuaren inguruko xehetasunik eman nahi izan. Ministroa 2021eko urrian indarrean sartu zen atzerritarren araudiaren erreformaren balantzea egiteko prentsaurrekoa izan du gaur, eta ministerioek oraindik aldaketak ebaluatzen ari direla argudiatuta, azalpen gehiago ematea ukatu du.
Zirriborroak oraindik aldaketak izan litzake, beraz, baina, El Pais egunkariak argitaratu duenaren arabera, hiru oinarri ditu. Lehendabizikoaren arabera, exekutiboak jatorrian egindako kontratazioak handitu nahi ditu, batez ere nekazaritzan urtaro jakin batzuetan egiten diren lanbideetan. Bigarrenak ikasle atzerritarrek lan egitea baimenduko luke. Hirugarrenak, azkenik, legez kontrako egoeran dauden migratzaileak erregularizatzeko helburua luke, eskulana behar duten postuetarako formatu daitezen.
Migratzaileekin lan egiten duten erakundeen arabera, 500.000 atzerritar inguru bizi dira Espainiako Estatuan, arauz kontrako egoeran. Hala ere, ez dago zenbaki ofizialik.
2021eko urriko erreformaren balantzeari dagokionez, Escrivaren arabera, lehenengo sei hilabetean 9.300 baimen eman dituzte bidaiderik gabeko adingabe atzerritarrak eta adinez nagusi diren zaindutako gazteak lan merkatuan sartzeko. Azpimarratu duenez, erreformari esker % 20ra jaitsi da irabazikoa ez den erresidentzia, hau da, lan egitea baimentzen ez duena. Emandako datuen arabera, alta gehienak ostalaritzan, merkataritzan, eskulanetan eta eraikuntzan izan dira.
UGT eta CCOO, oso kritiko: "Neurri klasista da"
Escrivaren asmoen lehen balorazio batean, UGT eta CCOO sindikatuek adierazi dute proposamena "klasista" dela, langileen interesei barik, "sektore ekonomiko jakin batzuen interesei erantzuteko helburua duelako".
Bi sindikatuek izenpetutako ohar batean deitoratu dutenez, "baldintza prekarioak dituzten lanpostuak betetzen ez direla ondorioztatu dute, baina era berean, onartu dute baldintzok onargarriak direla beste herrialde batzuetatik datozen langileentzat".
Kolonbiatik 50 langile ekartzeko egitasmoa lantzen ari da Gipuzkoako ostalaritza
Bestalde, Gipuzkoako Ostalaritza Elkartea egitasmo bat lantzen ari da Kolonbiatik sektoreko 50 bat profesional ekartzeko. Lanketa Estatuko federazioaren bitartez egiten ari dira, Migrazio eta Lan ministerioekin eta Lanbiderekin batera.
Kolonbiatik etor daitezkeen beharginen lanerako eta erresidentziarako baimenak Migrazio Ministerioak kudeatuko ditu, baina kontratazioei bide emateko baldintzak betetzen direla ziurtatzea Lanbideri dagokio. Hau da, hemen behargin falta dagoelako langile bila kanpora joatea beste erremediorik ez dagoela bermatzea Lanbideren ardura da, eta izapide horretan dago orain ekimena atzeratzeko gakoa.
Ekainean bertan ziren etortzekoak lehen behargin kolonbiarrak, baina urte amaiera arte atzeratu da ekimena.
ELA eta LAB sindikatuetatik, ordea, salatu dute arazoa ez dela atzerritik langileak ekarriz konpontzen, eta lan baldintzak are gehiago kaskartzea ekar lezakeela horrek.
Albiste gehiago ekonomia
Villavesetako langileek greban jarraitzearen alde egin dute, oso bozketa estu batean
Garraio publikoko langileen % 50,6k egin dute grebaren alde; sei botoko aldeagatik gailendu da aukera hori. TCC enpresak ohartarazi du ez duela negoziatuko lanuztea bertan behera utzi arte.
Mondragon Korporazioko Diknua kooperatibak 1,5 milioi ordaindu ditu Ternuagatik eta 56 lanpostu mantenduko ditu
Donostiako Merkataritza arloko 1 zenbakiko Epaitegiak konpainiaren 56 enpleguak Euskadin mantentzea ekarriko duen operazioa baimendu du, "lan-baldintzak eta antzinatasuna errespetatuz".
Honelakoa da Internet bidezko iruzurren aurkako banku-egiaztapen berria
Hemendik aurrera, hartzailearen izena eta IBAN kodea bat ez badatoz, erabiltzaileari jakinaraziko dio bankuak, transferentzia bidezko iruzurrak errotik mozteko.
Estatuan, EAEn sortu dira abuztuan enpresa berri gehien, % 24,1eko hazkundearekin
Guztira, 201 enpresa sortu dira Euskal Autonomia Erkidegoan, eta 9,7 milioi euroko kapitala izenpetu dute. Sozietate mugatu gisa sortu dira guztiak.
SAPA Transmission konpainia gipuzkoarrak AEBko Armadaren ibilgailu blindatuen transmisio sistema egingo du
2025-2030 Plan Estrategikoaren arabera, konpainiak partaidetza handia izango du kontratuetan, eta 7.000 unitate egingo ditu datozen urteetan.
Gaur amaituko da Sabadelleko akziodunek BBVAren eskaintza onartu ala ez erabakitzeko epea
Epea amaitu baino ordu batzuk lehenago, Cesar Gonzalez Bueno Banco Sabadelleko kontseilari delegatuak ziurtatu du BBVAk eman dituen datuak "boluntaristak" direla. BBVAren esanetan, Sabadelleko akzioen % 50 trukatu dituzte, baina Sabadellek esan du ez direla % 30era heldu.
"Iaz, azoka egin eta hilabetera, enpresen % 35ek esan ziguten kontratazioak edo elkarrizketak izaten ari zirela"
Donostian, Enplegu Azoka egiten ari dira, Gipuzkoako Merkataritza Ganberaren eskutik. Gipuzkoako Ganberako Ezagutzaren Kudeaketa Arloko zuzendari Ana Ugalderen hitzetan, azoka aukera "zoragarria" da langabetuentzat zein ibilbide profesionala aldatu nahi dutenentzat, eta azokan bertan lana topatzeko aukerak daudela erantsi du.
LABek eta Steilasek egun osoko lanuzteari eutsi diote urriaren 15ean, Gazako genozidioa salatzeko
Gasteizen agerraldia egin dute LAB eta Steilas sindikatuetako ordezkariek, urriaren 15ean Hezkuntzan deituta duten egun osoko lanuzteari eusten diotela azaltzeko. Hezkuntzako komunitatea osatzen duten kide guztiei dei egin diete herri eta hirietan egingo diren mobilizazioetan parte hartu eta Palestinari babesa adierazteko. EAEko hiru hiriburuetan 12:30ean egingo dira manifestazioak.
Oronak lantegi berri bat eraikitzeko 60 milioi euroko inbertsioa egingo du Hernaniko lurretan
Orona enpresak 60.000 metro koadroko lur-eremua erosi duela iragarri du, igogailuen sektorean ariko diren 150 lanpostu sortzeko helburuz.
Ryanairrek txalotu egin du eskuko ekipajearen espedientea, eta Kontsumok “airelineak defendatzea” leporatu dio EBri
Europako Batzordeak zalantzan jarri ditu Espainiako Gobernuak kostu txikiko hegaldien bost konpainiari ezarritako 179 milioiko zigorrak; kontsumitzaileek eta Bustinduy ministroak, berriz, Bruselaren “menpekotasuna” salatu dute aireko sektorearen presioen aurrean.