Europako Parlamentuak 2035ean gasolina autoen salmenta debekatzea babestu du
Europako Batzordeak errekuntzako autoak eta furgonetak 2035ean saltzeari uztea proposatu zuen. Europako Parlamentuak proposamena babestu du asteazken honetan, Estrasburgon. Hala ere, ekimena EBko Estatu kideekin negoziatu behar dute oraindik.
2035ean zero isuriko ibilgailu berriak soilik merkaturatzeko ekimenak aldeko 339 boto jaso ditu, kontrako 249 eta 24 abstentzio.
Azken negoziazioari begira, eurodiputatuek ibilgailuen isuriak murrizteko bide-orri bat planteatu eta onartu dute: 2025ean % 15eko murrizketa, 2030ean % 55ekoa eta 2035ean % 100ekoa. Furgoneten kasuan, aldiz, % 50eko murrizketa eskatuko dute hamarkadaren amaieran.
Ekainaren 29ko Ingurumen ministro kontseiluan, Luxenburgon, EBko herrialdeek gaiaz eztabaidatzea espero da.
Garraioa CO2 gehien isurtzen duen sektoreetako bat da, EBn. Autoek bakarrik berotegi-efektuko gasen % 12 isurtzen dituzte.
Urteko bigarren seihilekoan Parlamentuak, Kontseiluak eta Batzordeak negoziazioa abiatuko dute, araudia adosteko. EBko Kontseiluaren presidentetza Txekiar Errepublikaren eskuetan izango da orduan, besteak beste, Skoda auto markaren herrialdea.
Fit for 55
Ibilgailuen karbono dioxidoaren murrizketa Fit for 55 lege sortaren zati txiki bat baino ez da. Helburua 2030ean CO2 isuriak % 55 murriztea da, 1990ekin alderatuta, eta 2050ean neutraltasun klimatikoa lortzea, bide batez Europar Batasuneko ekoizpen eredua eraldatuz.
Xedeak legalki lotesleak dira dagoeneko, eta Fit for 55 haiek lortzeko bide-orria da. Batzordearen proposamenak, besteak beste, nekazaritza eta itsas garraioa begiz jotzen ditu.
Hala ere, Europar Batasuna deskarbonizatzeko neurri sorta Parlamentuan trabatu da; Europako Batzordearekin eta Kontseiluarekin CO2 isuri merkatuaren erreforma negoziatzeko, jarrera bat adosteko kapaz ez direlako izan.
Europako Alderdi Popularrak azken orduan aurkeztutako zuzenketa bat babestu dute liberalek eta euroeszeptikoek. Sozialdemokratek eta Berdeek, ostera, testuaren aurka bozkatu dute. Era berean, eskuin muturrak eta ezkerrak kontrako boza eman dute.
Europar Batasuneko historian legedia klimatiko garrantzitsuena abian jartzeko lehen pausoa izan behar zuena iskanbilan, imintzio eta akusazioetan bukatu da, Estrasburgoko Ganberan.
Eguerdi aldera, Fit for 55 programako 14 proposamenetatik 8 bozkatzen hasi dira. Bozketa estuak espero ziren, baina ez ETS sistemaren erreforman. Energia kontsumo handia duten 11.000 industria inguruk isuritako karbono dioxidoari prezio jartzen die sistemak. 2005etik EBko politika klimatikoaren funtsezko pieza da.
Aldez aurretik, batzorde parlamentarioan adostu dute testua; errespetatu ohi den pausoa, eta bezperan eztabaidatu zuten Ganberan.
Baina Europako Alderdi Popularrak zuzenketa barneratu du, CO2 doako baimenen desagerpena atzeratzeko. Horrek testua aurrera ez ateratzea ekarri du. Ondorioz, ETSrekin lotuta, beste neurri batzuk atzera bota dituzte.
Albiste gehiago ekonomia
Industriaren geldialdiak ekonomiaren hazkundea galarazten duela ohartarazi du Adegik
Fakturazioak eta eskariak ez omen dira hazten azken boladan. Enplegua ere gutxiago hazten ari da, eta Gipuzkoako enpresek uste dute laster batean hazkunde hori “zero" izango dela.
Euskadiko Medikuen Sindikatua kalera atera da Estatutu Markoaren zirriborroaren aurka
Lanuzteak bestelako jarraipena izan du EAEko hiru probintzietan: Bizkaian, profesionalen % 30ek egin dute greba; Gipuzkoan, % 26,89k; eta, Araban, % 16,52k, Osakidetzaren arabera. Arratsaldean, parte-hartzea % 10,33ra jaitsi da EAEn.
Jaurlaritzak bertan behera utzi du angula arrantzatzeko 2025-26ko kanpaina, espeziearen egoera "kritikoa" dela eta
Hainbat txostenen arabera, orain arte aplikatutako neurriek ez dute balio izan espeziearen egoera kritikoa lehengoratzeko, eta, horren aurrean, Arrantza Sailak espeziea berreskuratzeko neurriak indartzea erabaki du egoera atzeraezina izan baino lehen.
Medikuak kalera atera dira Estatutu Markoaren zirriborroaren aurka
Lan-baldintzak negoziatzeko mahai propioa exijitzen dute medikuek. "Guk diseinatu eta negoziatu nahi dugu, negoziazio-mahai horretan ordezkaritza ia nulua baitugu", adierazi du Ana Santorcuato Euskadiko Medikuen Sindikatuko ordezkariak.
Medikuak estatutu propioa eskatzeko greba egiten ari dira Estatu osoan
Osasun publikoko medikuek greba eguna dute gaur Estatu osoan. Euskadin, gainera, Euskadiko Medikuen Sindikatuak (SME) elkarretaratzeak deitu ditu hiru hiriburuetako ospitale eta anbulatorioetan.
Gasteizko lorezainak eta Enviser enpresa, akordioa lortzeko bidean
Bilera luzea izan dute ostegun honetan Precon, eta itxaropentsu irten dira. Langileak batzartuko dira eta enpresak dagozkion kontsultak egingo ditu, hurrengo bileran akordioa ixteko helburuarekin.
Lan-eskaintza publikoetan euskara blindatzeko EAJ eta EH Bilduren proposamena izapidetzea ahalbidetu dute
Eusko Legebiltzarrak bi lege proposamen izapidetuko ditu lan-eskaintza publikoetan euskara blindatzeko. EAJk bat aurkeztu du, eta PSE-EE gobernukideak ez, baina EH Bilduk babestu egin du. Koalizio soberanistak beste bat aurkeztu du, eta jeltzaleen abstentzioari esker aurrera atera da.
Irailean, langabezia-tasa % 2,02 jaitsi da EAEn, eta % 0,4, Nafarroan
2024ko iraileko datuen aldean, 1.027 langabe gutxiago (% 0,95) daude EAEn, eta 1.232 gutxiago (% 4,16), Nafarroan. Halaber, abuztutik irailera, Euskadiko Gizarte Segurantzan 11.475 lagun afiliatu dira; Nafarroan, aldiz, 719 pertsona gutxiago daude Gizarte Segurantzan izena emanda.
Alokairuen indizeak 500 euro baino gehiago jaitsi ditu Donostian eskainitako prezioak
Gipuzkoako herri tentsionatuetan, azken bost urteetan alokatuta egon ez diren edo lehen aldiz merkaturatu diren edukitzaile handien eta pisuen kontratu berriei bakarrik aplikatu beharko zaie prezio-tarte berria.
Eusko Jaurlaritzak Indartuz inbertsio funtsa sortuko du, eta 400 milioirekin hornituko du
Gainera, Finkatuz inbertsio funts publikoak estatutuak eguneratuko ditu enpresetan parte hartzeko irizpideak malgutzeko. Esaterako, ez da horretarako baldintza izango enpresak egoitza Euskadin izatea, eta nahikoa izango da lurraldean "eragina" izatea.