200 polizia-agentek indartuko dituzte kontrolak Barajasen, Espainiako Gobernuak iragarri duenez
Isabel Rodriguez Espainiako Gobernuko Lurralde Antolamenduko ministro eta bozeramaileak astearte honetan iragarri duenez, "une honetan, poliziako agente-lanpostuak berreskuratzen ari dira" Adolfo Suarez Madrid-Barajas aireportuan, nazioarteko bidaiarien pasaporteen kontroletan; hain zuzen ere, "Polizia Nazionaleko 200 lanpostu berri" izango dira aireportu horretan.
Azken egunotan, jendetzak eta ilara handiak ari dira gertatzen Estatuko aireportu handietan, pasaporteen kontrolguneetan; horren gainean galdetu diotenez, Rodriguezek ziurtatu du udarako hilabeteetan "erantzun egokia" emango zaiola nazioartetik iritsitako bidaiarien kopuru handiari. Hortaz, Madrilgo aireportuan 600 agentetik gora izango dira.
Ilarak, Rodriguezek esan duenez, "Schengen Eremutik kanpoko hegaldiak pilatu direlako" ari dira gertatzen; egoerak "oso ohiz kanpokoak" dira, ministroaren arabera.
Ildo horretan, Airelineen Elkarteak eta Iberia bezalako konpainia batzuek, baita Madrilgo Erkidegoko Gobernuak eta Espainiako hiriburuko Udalak ere, salatu egin dute egoera. Airelineen Elkartearen esanetan, 3.000 bat lagunek galdu zuten hegaldia, azken Aste Santuan, Barajasen; halaber, nabarmendu dutenez, martxoaren 1etik, Iberiako 15.000 bidaiarik galdu dute aire-konexioa, kontroletan atzerapenak izateagatik.
"Kexa bat ere ez, hegaldia galtzeagatik"
Espainiako Gobernuaren Barne Ministerioaren esanetan, dena dela, ez da aparteko atzerapenik ezta kolapsorik izan polizia-agente gutxi egoteagatik: "Azken hilabeteotan, Polizia Nazionalak ez du kexarik jaso, bat bera ere ez, hegaldia galtzeagatik; hori ez dator bat adierazpen jakin batzuekin", gehitu dute Ministerioko iturriek.
"Berresten dugu: Schengen Eremutik kanpoko hegaldiak pilatu dira, eta horrek eragin ditu salbuespen-egoera batzuk, baina besterik ez da. Ez dugu jasota bidaiariek hegaldirik galdu dutenik, are gutxiago zabalduta dagoen kopuru hori, 15.000ekoa, pasaporte-kontroletan gertakariak izateagatik. Hori ez dago Inon jasota eta ez dago frogatzerik", diote iturri horiek.
Turismo-sektoreko hainbat eragilek salatu du pasaporteen kontrolguneetan agente gutxi izatea; udara helduta, nolanahi ere, kontuan izanik gainera nazioarteko turismoa suspertzen ari dela, ematen du arazoa okerrera ari dela jotzen.
Espainiako Gobernuak emandako datuei erreparatuta, jada ezartzen ari diren errefortzuei esker, ekainetik Aurrera Polizia Nazionaleko 601 agente izango dira Barajasen; Espainiako Aireportuak eta Aireko Nabigazioak aurreikusi duenez, ekainean 18.725.262 bidaiari izango dira bertan. 2019an, alegia, pandemiaren aurreko urtean, 19.232.735 bidaiari izan ziren Barajas aireportuan; guztira, 425 polizia-agente izan ziren bertan.
Zure interesekoa izan daiteke
UAGAk Barredo sailburuaren dimisioa eskatu du bazkaren aferaz egindako adierazpenengatik
Nekazarien elkarteak Jaurlaritzaren "immobilismoa" salatu du, eta "sektoretik urrundu izana". Bestalde, ENHE sindikatuak lehorte egoera izendatzea eta "ezohiko laguntzak" eskatu ditu jasandako kaltea konpentsatzeko.
Euriborra % 3tik gora dago 2024ko irailetik lehen aldiz, eta hipotekadunen gaineko presioa handitu du
Adierazleak 2026an izan duen goranzko joera sendotu du, baina adituek gogorarazi dute eguneko datua dela, ez hileko batez bestekoa, hau da, hipoteka gehienak berrikusteko benetan erabiltzen den indizea.
Zubietako erraustegiko langileek salatu dutenez, enpresak "negozioa segurtasunaren aurretik jartzen du"
Abuztuaren 19an sute bat izan zen Ekobalen, eta bederatzi langile intoxikatu ziren beharrezko babes ekipamendurik gabe aritu zirelako sua itzaltzeko lanetan.
Grebarako aukera aztertzen ari dira garraiolariak, gasolioaren prezioaren ondorioz
Hileko gastua 2.000 euro inguru igo zaie otsailetik hona, eta garraiolari batzuek momentuz kamioiak aparkatzea erabaki dute. HIRU sindikatuko kamioilariek, berriz, lanuzteak egiteko aukera eztabaidatuko dute asanbladan, eta erabaki bateratua hartuko dute bertan.
Apartamentu turistikoetako gaualdiak % 23,3 igo dira uztailean EAEn, eta sarrerak % 9,7
Landa-ostatuen kasuan, sarrerak % 2,8 handitu dira eta gaualdiak % 5,6 jaitsi, 2025eko hilabete bereko datuekin alderatuta.
Amaia Barredo: "Eusko Jaurlaritza lanean ari da abeltzainekin hartutako epeak eta konpromisoak betetzeko"
Amaia Barredo Eusko Jaurlaritzako Elikadura, Landa Garapen, Nekazaritza eta Arrantza sailburuak aurreratu duenez, Jaurlaritzak "irailaren hasieran" abeltzaintza-sektorearen esku jarriko ditu lehengai batzuk batera erosteko bideak, lehorteak eragindako belar eskasia dela eta. Radio Euskadin ostiral honetan egindako elkarrizketa batean Barredok esan duenez, Bazka Mahaia oraindik deituta ez badago ere, ez da atzerapenak egongo: "Administrazioa ez dago bileraren zain erosketa bateratua prestatzeko".
Abeltzainak haserre, Bazka Mahaia irailera atzeratu duelako Jaurlaritzak
Eusko Jaurlaritzak bazkaren beharrei buruz egindako inkestan 435 ustiategiren erantzunak jaso ditu eta horiekin hartuko ditu erosketa bateratuaren kopuruari eta hornitzaileei buruzko erabakiak. UAGAk eta ENHEk lan egiteko modu eraginkorragoak eskatu dituzte. Hala ere, guztiak ados daude, etorkizunera begira bazkari buruzko plangintza bat behar dela esatean.
Hoteletako sarrerak % 7,7 igo dira uztailean EAEn, eta gaualdiak % 6,7
Sarrera guztien % 58,8 eta gaualdien % 59,9 atzerritar jatorriko pertsonenak izan ziren, 2025eko uztailean baino % 11,1 eta % 11,7 gehiago, hurrenez hurren.
Txakolinaren mahats-bilketa aurreratu dute, beroagatik
Txakolinaren mahats-bilketa ohi baino lehenago hasiko da beroaldien ondorioz. Ekoizleen arabera, data hauek ez dira ohikoak mahats-bilketari ekiteko. Etengabe egiten dituzte analisiak mahastietan, mahatsak azukre eta garraztasun puntua noiz hartuko dituen zehatz-mehatz jakiteko, eta biltzeko une egokiena heldu da.
Bazka eroste bateratua eta lehorte deklarazioa berehala gauzatzeko eskatzen dute abeltzainek
Bi aste dira Bazka Mahaia elkartu eta erakundeek hainbat konpromiso hartu zituztela. Abeltzain asko euren kontura belarra eta lastoa erosten hasi dira, eta erakundeei neurriak berehala hartzeko deia egin diete.