Albares Batzordeko presidenteordearekin batuko da gaur arratsaldean, Aljeriarekin dagoen krisia arintze aldera
Jose Manuel Albares Kanpo Arazoetako, Europar Batasuneko eta Lankidetzako ministroa Bruselara joango da ostiral honetan. Bertan bilduko da Valdis Dombrovskis Europar Batasuneko merkataritza-politikaz arduratzen den Batzordeko presidenteordearekin.
Bilera hori Aljeriak Espainiarekin kanpo-merkataritzako operazioak etetea erabaki ondoren egingo da. Izan ere, Afrikako iparraldeko gobernuak erabaki hori hartu du Espainiako Gobernuak Mendebaldeko Saharari buruz egindako bira "justifikaezinari" erantzunez, Saharako autonomia-plana babestu baitu.
Europar Batasunaren eta Aljeriaren arteko Akordioa gogora ekarrita, Albaresek adierazi du neurri horren inplikazioak "zehatz-mehatz" aztertzen ari direla, nazio-mailan zein Europan. Hala, azterketa amaitu ondoren, Gobernuak "erantzun egokia" eman ahal izango duela aurreratu du ministroak: "lasaia eta konstruktiboa izango da, baina baita irmoa ere Espainiaren eta Espainiako enpresen interesen defentsan".
Emaitzaren arabera, Gobernuak izango lukeen aukeretako bat Aljeria Europar Batasunaren aurrean salatzea izango litzateke, 2005ean indarrean sartu zen elkartze-akordioa ez betetzeagatik.
Europako Batzordeak, bestalde, atzera egiteko eskatu dio Aljeriari, erabakia "oso kezkagarria" baita. Era berean, Nabila Massrali Europar Batasuneko Kanpo Arazoetako bozeramaileak ziurtatu du Europako diplomazia dagoeneko ebaluatzen ari dela erabaki horrek blokearekiko harremanetan duen eragina.
Europar Batasuna Aljeriako merkataritza-bazkide nagusia da, eta Aljeriako transakzio guztien % 46,7 hartzen ditu, Bruselaren 2019ko datuen arabera.
Ildo horretan, egoera Espainiaren eta Aljeriaren arteko aldebiko elkarrizketaren bidez bideratzea eskatu du Bruselak. Hala ere, oraingoz ez dago jakiterik Gobernuaren eta Aljeriaren artean harremanik izan den azken orduetan. Gaur goizean gai horri buruz galdetu diotenean, Albaresek diskrezioa eskatu du xehetasunik ez emateko. "Nik konstruktiboa izan nahi dut, Aljeriarekiko harremana ahalik eta onena izan dadin", gaineratu du.
Zure interesekoa izan daiteke
UAGAk Barredo sailburuaren dimisioa eskatu du bazkaren aferaz egindako adierazpenengatik
Nekazarien elkarteak Jaurlaritzaren "immobilismoa" eta "sektoretik urruntzea" salatu du. Bestalde, ENHE sindikatuak lehorte egoera izendatzea eta "ez ohiko laguntzak" eskatu ditu jasandako kaltea konpentsatzeko.
Euriborrak % 3 gainditu du lehen aldiz 2024ko irailetik, eta hipotekadunen gaineko presioa handitu du
Adierazleak 2026an izan duen goranzko joera sendotu du, baina adituek gogorarazi dute eguneko datua dela, eta ez hileko batez bestekoa, hau da, hipoteka gehienak berrikusteko benetan erabiltzen den indizea.
Zubietako erraustegiko langileek salatu dutenez, enpresak "negozioa segurtasunaren aurretik jartzen du"
Abuztuaren 19an sute bat izan zen Ekobalen, eta bederatzi langile intoxikatu ziren beharrezko babes ekipamendurik gabe aritu zirelako sua itzaltzeko lanetan.
Grebarako aukera aztertzen ari dira garraiolariak, gasolioaren prezioaren ondorioz
Hileko gastua 2.000 euro inguru igo zaie otsailetik hona, eta garraiolari batzuek momentuz kamioiak aparkatzea erabaki dute. HIRU sindikatuko kamioilariek, berriz, lanuzteak egiteko aukera eztabaidatuko dute asanbladan, eta erabaki bateratua hartuko dute bertan.
Apartamentu turistikoetako gaualdiak % 23,3 igo dira uztailean EAEn, eta sarrerak % 9,7
Landa-ostatuen kasuan, sarrerak % 2,8 handitu dira eta gaualdiak % 5,6 jaitsi, 2025eko hilabete bereko datuekin alderatuta.
Amaia Barredo: "Eusko Jaurlaritza lanean ari da abeltzainekin hartutako epeak eta konpromisoak betetzeko"
Amaia Barredo Eusko Jaurlaritzako Elikadura, Landa Garapen, Nekazaritza eta Arrantza sailburuak aurreratu duenez, Jaurlaritzak "irailaren hasierarako" abeltzaintza-sektorearen esku jarriko ditu lehengai batzuk batera erosteko bideak, lehorteak eragindako belar eskasia dela eta. Radio Euskadin ostiral honetan egindako elkarrizketa batean, Barredok azaldu du Bazka Mahaia oraindik deituta ez dagoen arren, horrek ez duela esan nahi atzerapenak egongo direnik: "Administrazioa ez dago bileraren zain erosketa bateratua prestatzeko".
Abeltzainak haserre, Bazka Mahaia irailera atzeratu duelako Jaurlaritzak
Eusko Jaurlaritzak bazkaren beharrei buruz egindako inkestan 435 ustiategiren erantzunak jaso ditu eta horiekin hartuko ditu erosketa bateratuaren kopuruari eta hornitzaileei buruzko erabakiak. UAGAk eta ENHEk lan egiteko modu eraginkorragoak eskatu dituzte. Hala ere, guztiak ados daude, etorkizunera begira bazkari buruzko plangintza bat behar dela esatean.
Hoteletako sarrerak % 7,7 igo dira uztailean EAEn, eta gaualdiak % 6,7
Sarrera guztien % 58,8 eta gaualdien % 59,9 atzerritar jatorriko pertsonenak izan ziren, 2025eko uztailean baino % 11,1 eta % 11,7 gehiago, hurrenez hurren.
Txakolinaren mahats-bilketa aurreratu dute, beroagatik
Txakolinaren mahats-bilketa ohi baino lehenago hasiko da beroaldien ondorioz. Ekoizleen arabera, data hauek ez dira ohikoak mahats-bilketari ekiteko. Etengabe egiten dituzte analisiak mahastietan, mahatsak azukre eta garraztasun puntua noiz hartuko dituen zehatz-mehatz jakiteko, eta biltzeko une egokiena heldu da.
Bazka eroste bateratua eta lehorte deklarazioa berehala gauzatzeko eskatzen dute abeltzainek
Bi aste dira Bazka Mahaia elkartu eta erakundeek hainbat konpromiso hartu zituztela. Abeltzain asko euren kontura belarra eta lastoa erosten hasi dira, eta erakundeei neurriak berehala hartzeko deia egin diete.