Jaurlaritzak "egonkortasuna eta iraunkortasuna" zaindu beharko dituzten aurrekontuen gidalerroak onartu ditu
Eusko Jaurlaritzak 2023ko aurrekontuak gidatuko dituzten jarraibideak onartu ditu, ekonomia berreskuratzeko helburu izango dutenak, baina ohartarazi du behin betiko diseinuak kontuan izango dituela irailean ezagutuko den bigarren hiruhilekoko "datu makroekonomikoen eguneratzea".
Jaurlaritzak urriaren 25ean onartzea espero du, eta 28an Eusko Legebiltzarrari helaraztea.
Pedro Azpiazu Ekonomia eta Ogasun sailburuak azaldu duenez, Jaurlaritzaren helburua kontu publikoak "epe luzerako inbertsioaren eta hazkundearen motor" izaten jarraitzea da.
Aurrekontuek lau ardatz nagusi izango dituzte: klima-aldaketaren "erronka", digitalizazioan "jauzi kualitatibo eta kuantitatiboa" egitea, gizarte "bidezkoagoa eta solidarioagoa" eta "kudeaketaren zorroztasuna". Gainera, genero-ikuspegia kontuan hartuko dute.
Gobernu Kontseiluaren ostean, Azpiazuk esan du "aurrekontu-egonkortasuna eta finantza-iraunkortasuna zaindu" beharko dituztela, "etorkizun hurbilean" berriro eskatuko baita "finantza-iraunkortasunaren arauak" jarraitzea.
"Horrek esan nahi du diru sarrera publikoen areagotzea eta koiunturazko zorpetzeko ahalmena ezin direla egiturazko gastu publikoa handitzeko kalkulu-oinarria izan. Kudeaketa publikoaren ausarkeria litzateke", defendatu du Azpiazuk. Gainera, inflazioa jo du ogasunen diru-sarrera handienen erantzuletzat.
Behin betiko zifrak zehazteko "datu asko" falta diren arren, mundu mailako hazkunde ekonomikoa beherantz aurreikusten ari denez eta Euskadin "datu makroekonomiko onak" daudenez, Azpiazuk ziurtatu du, edonola ere, aurrekontuak handiagoak izango direla ekonomia nabarmen haziko baita "termino errealetan, eta, are gehiago, termino nominaletan".
Sailburuak iragarri duenez, Jaurlaritzaren aurreikuspenen arabera, Euskal Autonomia Erkidegoa 2022an % 4,5 eta 2023an % 4,1 haziko da, eta langabezia-tasa, datorren urtean, % 9,1era jaitsiko da. Baina testuingurua "ziurgabetasun handikoa" da; beraz, hazkundearen moderazio hori aurtengo hirugarren hiruhilekoan berrikusiko da, eta agertoki berria kontuan hartuko da kontuak behin betiko egiteko.
"Ziurtasun handiagoa behar da, aurrekontuak datu sendoagoekin borobiltzeko", azaldu du Azpiazuk.
Gainera, sailburuak ohartarazi duenez, EAEtik kanpo datozen errekurtsoak 2023ko ekitaldirako bakarrik badira, ezin izango dira erabili denboran zehar luzatzen diren gastu arruntetarako. "Diru horiek ez dira etorriko eta gastua geratuko da", esan du.
Albiste gehiago ekonomia
Villavesetako langileek greban jarraitzearen alde egin dute, oso bozketa estu batean
Garraio publikoko langileen % 50,6k egin dute grebaren alde; sei botoko aldeagatik gailendu da aukera hori. TCC enpresak ohartarazi du ez duela negoziatuko lanuztea bertan behera utzi arte.
Mondragon Korporazioko Diknua kooperatibak 1,5 milioi ordaindu ditu Ternuagatik eta 56 lanpostu mantenduko ditu
Donostiako Merkataritza arloko 1 zenbakiko Epaitegiak konpainiaren 56 enpleguak Euskadin mantentzea ekarriko duen operazioa baimendu du, "lan-baldintzak eta antzinatasuna errespetatuz".
Honelakoa da Internet bidezko iruzurren aurkako banku-egiaztapen berria
Hemendik aurrera, hartzailearen izena eta IBAN kodea bat ez badatoz, erabiltzaileari jakinaraziko dio bankuak, transferentzia bidezko iruzurrak errotik mozteko.
Estatuan, EAEn sortu dira abuztuan enpresa berri gehien, % 24,1eko hazkundearekin
Guztira, 201 enpresa sortu dira Euskal Autonomia Erkidegoan, eta 9,7 milioi euroko kapitala izenpetu dute. Sozietate mugatu gisa sortu dira guztiak.
SAPA Transmission konpainia gipuzkoarrak AEBko Armadaren ibilgailu blindatuen transmisio sistema egingo du
2025-2030 Plan Estrategikoaren arabera, konpainiak partaidetza handia izango du kontratuetan, eta 7.000 unitate egingo ditu datozen urteetan.
Gaur amaituko da Sabadelleko akziodunek BBVAren eskaintza onartu ala ez erabakitzeko epea
Epea amaitu baino ordu batzuk lehenago, Cesar Gonzalez Bueno Banco Sabadelleko kontseilari delegatuak ziurtatu du BBVAk eman dituen datuak "boluntaristak" direla. BBVAren esanetan, Sabadelleko akzioen % 50 trukatu dituzte, baina Sabadellek esan du ez direla % 30era heldu.
"Iaz, azoka egin eta hilabetera, enpresen % 35ek esan ziguten kontratazioak edo elkarrizketak izaten ari zirela"
Donostian, Enplegu Azoka egiten ari dira, Gipuzkoako Merkataritza Ganberaren eskutik. Gipuzkoako Ganberako Ezagutzaren Kudeaketa Arloko zuzendari Ana Ugalderen hitzetan, azoka aukera "zoragarria" da langabetuentzat zein ibilbide profesionala aldatu nahi dutenentzat, eta azokan bertan lana topatzeko aukerak daudela erantsi du.
LABek eta Steilasek egun osoko lanuzteari eutsi diote urriaren 15ean, Gazako genozidioa salatzeko
Gasteizen agerraldia egin dute LAB eta Steilas sindikatuetako ordezkariek, urriaren 15ean Hezkuntzan deituta duten egun osoko lanuzteari eusten diotela azaltzeko. Hezkuntzako komunitatea osatzen duten kide guztiei dei egin diete herri eta hirietan egingo diren mobilizazioetan parte hartu eta Palestinari babesa adierazteko. EAEko hiru hiriburuetan 12:30ean egingo dira manifestazioak.
Oronak lantegi berri bat eraikitzeko 60 milioi euroko inbertsioa egingo du Hernaniko lurretan
Orona enpresak 60.000 metro koadroko lur-eremua erosi duela iragarri du, igogailuen sektorean ariko diren 150 lanpostu sortzeko helburuz.
Ryanairrek txalotu egin du eskuko ekipajearen espedientea, eta Kontsumok “airelineak defendatzea” leporatu dio EBri
Europako Batzordeak zalantzan jarri ditu Espainiako Gobernuak kostu txikiko hegaldien bost konpainiari ezarritako 179 milioiko zigorrak; kontsumitzaileek eta Bustinduy ministroak, berriz, Bruselaren “menpekotasuna” salatu dute aireko sektorearen presioen aurrean.