Eusko Jaurlaritzak 2.000 eta 3.000 euro bitarteko laguntzak onartu ditu mikro eta enpresa txikientzat

Gobernu Kontseiluak ezohiko laguntzen programa berria onartu du astearte honetan, EAEko txikizkako merkataritzako ekipamendu pertsonalaren eta etxeko ekipamendu unitatearen azpisektoreentzat. Izan ere, Ukrainaren inbasioak prezioen gorakadan eta kontsumoaren uzkurtasunean eragin berezia izan du. Laguntzaren zenbatekoa 2.000 eta 3.000 euro artekoa izango da, langile kopuruaren arabera.

Laguntza berriak, 15 milioi euro guztira, ekipamendu pertsonalaren eta etxeko ekipamenduaren azpisektoreetako mikro eta enpresa txikiei zuzenduta daude; arropa, oinetakoak, dekorazioa, drogeria, lurrindegia, tresneria, burdindegia eta antzekoak saltzen dituzten establezimenduak, alegia.

Hauek dira laguntzak:

- 2.000 euro, gehienez bederatzi langile dituzten establezimenduetarako.

- 3.000 euro, hamar langiletik gora dituzten establezimenduentzat.

Hurtadok azaldu duenez, laguntza horiekin betetzen dituzte Gerrak Ukrainan izan dituen ondorioei buruzko Osoko Bilkura Monografikotik eratorritako bere eskumeneko xedapen sektorial guztiak. "Gatazka horrek salmenten eta eskaeren bolumena murriztea eta etenaldiak eragin ditu hornidura-katean, eta, aldi berean, likidezia arazoak eta galerak sortu ditu, txikizkako merkataritza-sektorea arriskuan jartzen dutenak", esan du.

15 milioi horiek, Hurtadoren arabera, 6,4 milioiko merkataritza-bonuaren deialdiari gehitu behar zaizkio, dagoeneko, bonuen % 73 kontsumitu baititu, hau da, 4,6 milioi euro.