Urkulluren hitzetan, Euskadik % 4,5eko hazkunde aurreikuspena mantentzen du 2022rako
Iñigo Urkullu lehendakariak azpimarratu duenez, nahiz eta zalantzak eta zailtasunak izan, "Euskadik % 4,5eko hazkunde aurreikuspena mantentzen du aurten", baita "langabezia-tasa murrizten jarraitzea, % 9aren azpitik kokatu arte, eta kanpo merkatuetan sendotasuna berreskuratzea" ere.
Urkulluk Elkargi elkar bermatzeko sozietatearen Batzar Nagusiari amaiera eman dio, Donostiako Kursaal jauregian. Covid-19 pandemiaren eraginez, "bi urte eta erdi oso zail pasa ondoren, berriz elkartzeko sentsazioa", nabarmendu du agintariak.
"Arazo propioez gain, hiru krisi globalen ondorioak jasan ditugu, eta pairatzen ari gara", onartu du. Horren aurrean, "Elkargik emandako erantzuna eta jarrera", goraipatu ditu lehendakariak.
Elkargiren jarduerak % 20 egin du gora
2021. urtearekin alderatuta, Elkargiren jarduerak ia % 20 gora egin du aurten. Enpresak finantzatzeko 183 milioi euro bideratu ditu.
Europako Inbertsio Bankuarekin enpresa ertain edo enpresa taldeak (3.000 langile arteko konpainiak) finantzatzeko akordioa sinatu zuen. Dagoeneko "30 milioi euroko" ekarpena egin die aurten "30 proiekturi, eta beste 20 sinadura prozesuan daude". Prozedura beste sei hilabetez luzatu dute, abendura arte.
Bazkideen Batzar Nagusia hasi baino lehen, prentsaurrekoan, Josu Sanchez Elkargiko presidenteak eta Zenon Vazquez zuzendari nagusiak elkar bermatzeko sozietatearen egoera azaldu dute. 2021ean, 370 milioi euroko ekarpena egin zion enpresen finantziazioari.
Sanchezek adierazi duenez, iaz, Elkargiko finantzaketaren % 55 industriara eta zerbitzuetara bideratu zuten; % 15, merkataritzara; % 12, eraikuntzara; % 9, kulturara; % 6, ostalaritzara; % 2,5, garraiora eta % 1,5, lehen sektorera.
Zure interesekoa izan daiteke
Zubietako erraustegiko langileek osasun bermeak eskatu dituzte bederatzi langile intoxikatu ostean
Langileek garbitzaileen egungo akordioa ordezkatuko duen lan-esparru espezifiko bat eskatzen dute, eta erraustegiko azpiegituren segurtasun-falta salatzen dute
UAGAk Barredo sailburuaren dimisioa eskatu du bazkaren aferaz egindako adierazpenengatik
Nekazarien elkarteak Jaurlaritzaren "immobilismoa" salatu du, eta "sektoretik urrundu izana". Bestalde, ENHE sindikatuak lehorte egoera izendatzea eta "ezohiko laguntzak" eskatu ditu jasandako kaltea konpentsatzeko.
Euriborra % 3tik gora dago 2024ko irailetik lehen aldiz, eta hipotekadunen gaineko presioa handitu du
Adierazleak 2026an izan duen goranzko joera sendotu du, baina adituek gogorarazi dute eguneko datua dela, ez hileko batez bestekoa, hau da, hipoteka gehienak berrikusteko benetan erabiltzen den indizea.
Zubietako erraustegiko langileek salatu dutenez, enpresak "negozioa segurtasunaren aurretik jartzen du"
Abuztuaren 19an sute bat izan zen Ekobalen, eta bederatzi langile intoxikatu ziren beharrezko babes ekipamendurik gabe aritu zirelako sua itzaltzeko lanetan.
Grebarako aukera aztertzen ari dira garraiolariak, gasolioaren prezioaren ondorioz
Hileko gastua 2.000 euro inguru igo zaie otsailetik hona, eta garraiolari batzuek momentuz kamioiak aparkatzea erabaki dute. HIRU sindikatuko kamioilariek, berriz, lanuzteak egiteko aukera eztabaidatuko dute asanbladan, eta erabaki bateratua hartuko dute bertan.
Apartamentu turistikoetako gaualdiak % 23,3 igo dira uztailean EAEn, eta sarrerak % 9,7
Landa-ostatuen kasuan, sarrerak % 2,8 handitu dira eta gaualdiak % 5,6 jaitsi, 2025eko hilabete bereko datuekin alderatuta.
Amaia Barredo: "Eusko Jaurlaritza lanean ari da abeltzainekin hartutako epeak eta konpromisoak betetzeko"
Amaia Barredo Eusko Jaurlaritzako Elikadura, Landa Garapen, Nekazaritza eta Arrantza sailburuak aurreratu duenez, Jaurlaritzak "irailaren hasieran" abeltzaintza-sektorearen esku jarriko ditu lehengai batzuk batera erosteko bideak, lehorteak eragindako belar eskasia dela eta. Radio Euskadin ostiral honetan egindako elkarrizketa batean Barredok esan duenez, Bazka Mahaia oraindik deituta ez badago ere, ez da atzerapenak egongo: "Administrazioa ez dago bileraren zain erosketa bateratua prestatzeko".
Abeltzainak haserre, Bazka Mahaia irailera atzeratu duelako Jaurlaritzak
Eusko Jaurlaritzak bazkaren beharrei buruz egindako inkestan 435 ustiategiren erantzunak jaso ditu eta horiekin hartuko ditu erosketa bateratuaren kopuruari eta hornitzaileei buruzko erabakiak. UAGAk eta ENHEk lan egiteko modu eraginkorragoak eskatu dituzte. Hala ere, guztiak ados daude, etorkizunera begira bazkari buruzko plangintza bat behar dela esatean.
Hoteletako sarrerak % 7,7 igo dira uztailean EAEn, eta gaualdiak % 6,7
Sarrera guztien % 58,8 eta gaualdien % 59,9 atzerritar jatorriko pertsonenak izan ziren, 2025eko uztailean baino % 11,1 eta % 11,7 gehiago, hurrenez hurren.
Txakolinaren mahats-bilketa aurreratu dute, beroagatik
Txakolinaren mahats-bilketa ohi baino lehenago hasiko da beroaldien ondorioz. Ekoizleen arabera, data hauek ez dira ohikoak mahats-bilketari ekiteko. Etengabe egiten dituzte analisiak mahastietan, mahatsak azukre eta garraztasun puntua noiz hartuko dituen zehatz-mehatz jakiteko, eta biltzeko une egokiena heldu da.