Nafarroako ekonomia % 6,5 hazi da lehen hiruhilekoan 2021ekoaren aldean
Nafarroako Barne Produktu Gordinak % 6,5eko hazkundea izan du 2022ko lehen hiruhilekoan, 2021eko hiruhileko beraren aldean. Aurreko hiruhilekoaren hazkundea % 4,9koa izan zen.
Kalkulu horrek berretsi egiten du Nastat Nafarroako Estatistika Institutuak egindako Nafarroako Hiruhileroko Kontabilitatearen aurrerapenean lortutakoa; izan ere, aldi horretako hazkundea % 6,3koa izan zen Espainian, eta % 5,6koa EB-27n.
Industria-jarduerak (% 7,4), eraikuntza-sektoreak (% 6,8) eta, batez ere, merkatu-zerbitzuek (% 9,3) erakusten dute aldi horretako bilakaerarik onena, ostalaritzak eta administrazio-jarduerek eta zerbitzu osagarriek izan baitute dinamismorik handiena.
Lehen hiruhilekoan, nekazaritzaren hazkunde-erritmoa % 2,8ra jaitsi da aurreko urteko hiruhileko beraren aldean, eta, merkatukoak ez diren zerbitzuen kasuan, hazkundea % 0,2koa izan da.
Eskariari dagokionez, azken kontsumoko gastuaren hazkundea arindu egin da, bai kontsumo pribatuko edo etxeetako kontsumoaren moderazioagatik (% 4,4koa, aurreko hiruhilekoan zenbatetsitako % 4,7aren ondoren), bai administrazio publikoetako edo kontsumo publikoko azken kontsumoaren dinamismo txikiagoagatik (% 1,3koa izan da hazkundea, urte arteko terminoetan).
Inbertsioa edo kapital-eraketa gordina % 6,8 bizkortu da. Esportazioak % 5,9 gehitu dira, industria jardueraren dinamismoagatik eta inportazioengatik (% +2,9).
Zure interesekoa izan daiteke
Inflazioa % 3,4koa izan da martxoan Euskadin, eta % 3,5ekoa Nafarroan, petrolioaren prezioaren ondorioz
Martxoko inflazioa Espainiako Estatuan uste baino hamarren bat altuagoa izan da, erregaien prezioak gora egin ondotik.
Europar Batasuneko Justizia Auzitegiaren ustez, ez da nahikoa Espainiak interinoak mugagabe ez-finko bihurtzea
Europako Justiziaren ustez, egungo ereduak ez du bermatzen erantzun eraginkorrik, eta indartu egiten du 2024ko doktrina.
Fiskaltzak CAFen aurkako ikerketa abiatu du, Jerusalemgo tranbiaren eraikuntzan duen inplikazioagatik
Azpiegiturak Jerusalemen okupatutako lurraldeak eta Jerusalem mendebaldea lotzen ditu. Gizarte zibileko hainbat erakundek salaketa jarri dute Fiskaltzan, CAFeko administrazio kontseiluaren eta sei filialetako zuzendarien aurka, eta auzia Auzitegi Nazionalak ikertzea eskatu dute. LABek Jerusalemgo tren arinaren proiektua bertan behera uzteko eskatu dio CAF enpresari.
Iberiak Kubarako hegaldi zuzenak bertan behera utziko ditu ekainetik aurrera, energia krisia dela eta
Etenaldiak irauten duen bitartean, Kubara joan nahi duten bidaiariei Iberiak eskainiko die Panamara joatea, eta handik, uhartera. Habanan dituen bulegoak zabalik mantenduko ditu Iberiak.
"Jo ta ke, hemen erabaki arte" lelopean, ELAk 1.500 euroko gutxieneko soldata propioa aldarrikatuko du Maiatzaren 1ean
Sindikatuak Confebasken jarrera kritikatu du, "euskal gizartetik gero eta urrunago" dagoelako, eta Pradalesi eskatu dio "gutxieneko soldata propioaren alde egiteko".
Bizkaiko Ogasunak 1.317 euro itzuliko ditu errenta aitorpenean, batez beste
Foru Ogasunak aurreratu du herritarren alde aterako dela errenta aitorpena, eta jakitera eman du zergadunen % 70i dirua itzuliko zaiela.
Energiaren prezioek, berriz ere gora: Brent petrolioa % 7 igo da, eta gas naturala, % 8,5
Estatu Batuek Iranen aurka egindako erasoaren aurretik, Brent upelaren prezioa 72 dolarrean zegoen; gaur, berriz, 102 dolarrera iristear dago.
Donostiako alkateak eskatu du turismo zerga uda honetarako ezarri ahal izatea
Donostiako alkate jeltzaleak, Jon Insaustik, turismo zerga uda honetan aplikatu ahal izatea galdegin du, eta alderdi politikoei eskatu die foru arauaren proiektuaren zuzenketen tramitea aprobetxa dezatela, hori posible izan dadin.
Gipuzkoarrek bizkaitarrek baino merkeago dute Bilbo-Donostia autobus zerbitzua, baina Facuak berdintasuna eskatu du
Zerbitzua ematen duten Avanza enpresak Mugi txartela onartzen du eta deskontuak aplikatzen ditu, baina ez du Barik txartela onartzen. Gipuzkoako Foru Aldundiak du linea horren gaineko eskumena.
Euskal Y-aren eta Nafarroaren arteko lotura urtea amaitu aurretik erabakiko dela esan du Santanok
Espainiako Gobernua lotura Gasteiztik edo Ezkiotik egitea aztertzen ari da. Dena den, eztabaida irabazle eta galtzaile terminoetan egitea baztertu du Jose Antonio Santano Espainiako Gobernuko Garraio eta Mugikortasun Jasangarriko estatu idazkariak Radio Euskadin gaur egin dioten elkarrizketan.