ELA, LAB eta ESK: "Tailerretan % 95ekoa da jarraipena; langileek argi utzi dute ez dutela malgutasunik nahi"
Mercedesek Gasteizen duen lantegian deitutako greba "jarraipen zabala" izaten ari da, ELA, LAB eta ESK sindikatu deitzaileek eguerdian baieztatu dutenez. "Tailerretan % 95ekoa da jarraipena; langileek argi utzi dute ez dutela malgutasunik nahi".
Sindikatuok deituta, langileek manifestazioa egin dute lantegitik abiatuta, eta, bertan, lanuztearen balorazio "oso positiboa" egin du Mikel Diaz de Alda LABeko ordezkariak. Azaldu duenez, gaurko parte hartzea joan den ostegunekoaren oso antzekoa da, eta "ia inor ez da lanera etorri: behin-behineko langileak, gutxieneko zerbitzuetakoak, eta arduradunen bat". Hala, gaurkoan ez da ibilgailurik egin.
Atzo, asteartea, zuzendaritzak eta langileek bilera egin zuten, eta ordezkaritza zabalena duten sindikatuek, hau da, UGTk, CCOOk, Ekintzak eta PIMek, bertan behera utzi zuten gaurko deitutako lanuztea. ELA, LAB eta ESK sindikatuek, aldiz, eutsi egin diote deialdiari.
"Langileriaren % 95 horrek argi erakutsi du enpresa eta sindikatu batzuen jarrera ez dela izan behar dena, langileek erakutsi dute ez dutela nahi malgutasun gehiago, ez dutela seigarren gaurik nahi, ezta soldatak KPIra ez lotzea ere".
Iñigo Urkullu lehendakaria Stuttgarten (Alemania) multinazionalaren zuzendaritza nagusiarekin batzartu den egunean egin dute beharginek greba. Hain justu, Urkulluk malgutasuna "barneratzeko" deia egin du Mercedes-Benzera egindako bisitan.
Bisita horri buruz galdetuta, Igor Guevara ELAko ordezkariak erantzun du ez dakitela "zertarako" joan den lehendakaria. "Ziurrenik, langileria estutzen etorriko dira, pribilegiatu batzuk garela esaten, eta hainbeste gustatzen zaizkien gauza horiek esaten. Baina gu gure lan baldintzak ari gara defendatzen, oraingoak zein etorkizunekoak. Jakin badakigu Araban erreferente garela, eta zenbait kontutan atzera egiten badugu, beste enpresa batzuk ere gauza bera egingo dutela gerora", ohartarazi du.
Azkenik, biharko zuzendaritzarekin deituta dagoen bileraren harira, hiru sindikatuok espero dute enpresak zein beste sindikatuek "jarrera aldatzea" eta "benetako negoziazio bati" heltzea, eta ez "inposizioarekin jarraitzea".
Zure interesekoa izan daiteke
CAFek lortu egin du "mendeko kontratua": 1.700 milioi euro Belgikan trenak egiteko
Beasainen egoitza duen konpainiak kontratu horren inguruko ziurgabetasunarekin amaitu du; izan ere, polemika handia piztu zen han, Alstom enpresa frantziarrak dagoeneko hainbat lantegi baititu Belgikan, eta enpresa horrek kontratua ez lortzea kritikatu zuten.
Balenciaga ontziolako langileek atzera bota dute Abu Dhabi Ports talde arabiarraren azken eskaintza
Pasa den azaroaren 30ean, Balenciaga ontziolak salerosketa akordioa sinatu zuen aipaturiko inbertsio talde arabiarrarekin, 11,2 milioi euroren truke. Salerosketa ixteko, ordea, ezinbesteko baldintza da langileekin akordioa lortzea. Antza denez, langileen erosahalmena bermatuko luketen soldatak dira akordiorako korapilo nagusia.
Talgoren erosketaren ondoren, partzuergoko kideek Rivabellosako fabrika bisitatuko dute
Imanol Pradales lehendakaria eta Jose Antonio Jainaga enpresaria buru zirela, akziodun berriek Talgo enpresak Rivabellosan dituen instalazioak bisitatu dituzte. Denek uste dute operazioa funtsezkoa izan dela enpresaren jarduera eta enplegua sendotzeko, eta etorkizun oparoa iragartzen diote tren-enpresari.
Petronorreko greba bertan behera, enpresak bide judizialari uko egin ostean
Sindikatuek bertan behera utzi dute greba mugagabea, zuzendaritzarekin adostuta, 83 eguneko lanuztearen ondoren.
Europa osoko nekazariek Brusela hartu dute politika bateratuaren eta Mercosurrekiko akordioaren aurka protesta egiteko
Lehen ordutik, milaka traktorek eta nekazarik hiriko auzo europarra blokeatu dute, Europar Batasuneko erakundeen politiken aurka protesta egiteko. Poliziarekin ere istiluak izan dira. Europako nekazaritza-sektorea kontuan hartzeko eta kalterik ez egiteko eskatu dute.
EAEko ekonomiaren hazkundea % 2,1ekoa izango da datorren urtean, Confebasken arabera
Confebaskek aurreikusten du BPGa % 2,1 haziko dela 2026an Euskal Autonomia Erkidegoan, nahiz eta egun dauden "arriskuek" % 1,7 eta % 2,6 arteko tartean egotea eragin dezaketen. Inbertsioan eta enpleguan dinamismo txikiagoa izatea espero du Confebaskek.
Bizumen gaineko kontrol gehiago izango dira 2026an, baina profesionalei eta enpresaburuei eragingo die soilik
Zerga Agentziak ordainketa digitalei buruz jasotzen duen informazioa indartuko du 2026tik aurrera, Bizumekin egindako eragiketak barne, baina neurria jarduera ekonomikora mugatuko da eta ez du eraginik izango partikularren arteko trukeetan.
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarriz gero, haragiaren prezioan eragina izango duelakoan. Alabaina, kasu bakar bat agertuko balitz, etxaldeko abelburu guztiak sakrifikatzea eragingo luke.
Medikuen sindikatuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio gehiago egingo dituztela iragarri dute.
?fmt=webp-alpha&qlt=80)
Nekazarien protestek jarraitzen dute Ipar Euskal Herrian eta Frantzia osoan, dermatosi nodularraren auzia nola kudeatu den eta Mercosurren ituna salatzeko
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.