Gasteizko Mercedesen biharko eta etzirako deitutako lanuzteei eutsi diete ELAk, LABek eta ESK-k
Gasteizko Mercedes Benz lantegian, biharko, osteguna, eta etzirako, ostirala, deituta zeuden grebei eustea erabaki dute ELAk, LABek eta ESK-k, gainerako sindikatuek (UGT, CCOO, Ekintza eta PIM, gehiengo sindikala osatzen dutenak, 17 ordezkarirekin) enpresarekin lan hitzarmena berritzeko aurreakordioa lortu eta biharamunean. Erabakia langileekin egindako asanblea batean hartu dute hiru sindikatuok.
Hiru sindikatuontzat —14 delegatu— atzo lortutakoa (besteak beste, seigarren gaua bertan behera geratzea eta 2021-2026 aldian soldatak igotzea) ez da nahikoa, eta, hala, grebari eustea erabaki zuten. Tailerretan % 95ekoa da jarraipena (aurreko lanuzteen antzera), euren hitzetan.
Radio Euskadiri egindako adierazpenetan, ELA eta CCOO sindikatuetako bozeramaileek oso bestelako irakurketa egin dute atzo sinatutako aurreakordioaz. Igor Guevararen (ELA) ustez, gaurko grebagatik ekoizpena eten egin behar izan dute berriro, eta, hori ikusita, langileek aurreakordioa baztertuko dutela iragarri du. Azaldu duenez, zuzendaritzak "ezezko borobila" eman zion soldatak KPIaren arabera igotzeari. "Itunaren sinatzaileek azaldu ez dutena argituko dugu gaur asanbladan", gaineratu du.
Roberto Pastorrek (CCOO) zehaztu duenez, ELA, LAB eta ESK sindikatuei eskatu zieten, langileek ituna bozkatu arte, aste honetarako deituta zituzten grebak bertan behera uztea. Ez zuten onartu, agidanez.
Horren iritzian, grebak gaur izan duen jarraipen zabala "jendeak lankideekin eta piketeekin arazoak izan nahi ez dituelako da; beste batzuek egin nahi dute, eta eskubide osoa dute, noski".
Jaurlaritza: "Zoriontzeko moduko albistea da"
Arantxa Tapia Eusko Jaurlaritzako Ekonomiaren Garapen, Jasangarritasun eta Ingurumen sailburuak "oso positibotzat" jo du atzo erdietsitako aurreakordioa.
Berkoa Machine Tools kooperatibak Elgoibarren duen lantegian kazetariei egindako adierazpenetan, zuzendaritzak eta sindikatuen gehiengoak lortutako ituna dela nabarmendu du Tapiak. "Batzuek eta besteek malgutasuna erakutsi dute akordio hau lortzeko, eta horrek ahalbideratzen duena da enpresak etorkizuna izatea", erantsi du.
Tapiaren ustez, akordioak mesede egiten dio "etorkizuneko proiektu horretan" lan egiten duten beharginei, Mercedesekoei, baina baita konpainia horrentzat aritzen diren 400 enpresa baino gehiagori ere.
Bilera luzearen ondotik, akordioa
Ia bederatzi orduz batzartuta egon ostean, aurreakordioa iragarri zuten CCOO, UGT, PIM eta Ekintza sindikatuek. Langileen ordezkarien iturriek baieztatu dutenez, 2021eko 4.000 euro gordineko ordainsari bat jasotzen du, baita igoera batzuk ere: % 6ko soldata igoera aurten, eta % 2,25 igoerak 2023tik 2026ra bitartean.
Bestalde, aurreakordioak, errelebo-kontratuen bidez, 250 behargin baino gehiago erretiratzea aurreikusten du, hori bai, baldintzak betetzen dituzten langileentzat. Era berean, aldi baterako 400 kontratu mugagabe bihurtzea planteatzen du, horietako 150, hitzarmena sinatzean.
Gainera, helburuen araberako ordainsariak adostu dituzte; urtean 200.000 ibilgailu baino gehiago ekoitziz gero, 500 euro; eta 2.250 euroko beste ordainsari bat, emaitzen eta adierazle batzuen arabera.
Esan bezala, ELA, LAB eta ESK sindikatuek ez dute ituna babestu.
Langileek astelehenean bozkatuko dute aurreakordioa.
Albiste gehiago ekonomia
Espainiako Gobernuak baztertu du aireportuen kudeaketa osorik Euskadira transferitzea
Diario Vasco egunkariak argitaratu duenez, Eusko Jaurlaritzak erabaki estrategikoetan iritzia eman ahal izatea proposatu du Espainiako Gobernuak, baina eskualdatzea osorik egitea baztertu du, Estatuaren eskumen esklusiboa delako.
Azkoitiko Juaristi eta Aitek enpresetako langileek bizi duten "egoera jasanezina" salatu dute
Orain urtebete inguru lehertu zen lan-gatazkaren berri emateko, agerraldia egin dute bi enpresetako langileek. Uste dute zuzendaritzak "ezkutuko itxiera plan bat" duela. 130 lanpostu eta hainbat familia "arriskuan" daudela salatu dute.
Lodosako Karey Solanok konkurtsoa egingo du, eta lantegia itxi eta 36 beharginak kaleratuko ditu
Langile gehienak oso aspaldi hasi ziren lanean, eta batez beste 50 urtetik gorakoak dira. CCOOk salatu du oraindik ez dutela abuztuko nomina jaso.
Ostiralean sei hilabete beteko dira Gasteizko lorezainek grebari ekin ziotenetik, eta manifestazioa deitu dute egun horretarako
Gaur goizean Gasteizen egindako prentsaurreko batean, Enviser enpresako langileek "borrokarekin jarraitzeko" asmoa agertu dute, "soldata duinak lortu arte". Gainera, langileak akordiorako prest agertu dira, baina hori lortzeko "Gasteizko Udalaren benetako inplikazioa" beharrezkoa dela uste dute.
Zeintzuk dira BBVAren eskaintza berriaren gakoak?
Josu Ferreiro EHUko irakasleak Radio Euskadin egin duen elkarrizketa batean adierazi duenez, erakundeak Kataluniako bankuko akziodunen zati handi batek eskatzen zuenera egokitu du bere proposamena, lehen eskaintzari uko egin baitzioten, nahikoa ez zelakoan. Ferreirok zehaztu duenez, BBVAk ez du eskudirutan ordainduko, akzio propioetan baizik, eta horrek abantaila fiskala dakarkie akziodunei, zergak gutxiago ordaintzea dakarrelako. Mugimendu horrekin, Carlos Torres Vila buru duen bankuak Sabadellen akzioen merkatuko balioa berdindu du, eta horrek opak aurrera egiteko aukerak areagotu ditu, nahiz eta BBVAri berari kostu handiagoa ekarri. Hobekuntza berri bat egon litekeen galdetuta, ekonomialariak uste du zaila dela: "BBVAk argudiatu zuen Sabadellen akzioak gainbaloratuta zeudela. Orain, alde hori desagertu egin da. Beste eskaintza bat baztertu beharko litzateke, hau izango litzateke azkena", adierazi du. Elkarrizketa Boulevard saioan entzun daiteke, GUAUn, 02:50: 00etatik aurrera (jatorrizkoa, gaztelaniaz).
2026an jarriko da martxan Petronorren eta OCO Technologyren agregakin sintetikoen planta, Bilboko Portuan
Proiektua 2024an hasi zen eraikitzen, eta Europa kontinentalean agregakin sintetikoak fabrikatuko dituen lehen lantegi industriala izango da. Agregakin horiek CO2 gasa harrapatzen dute, bai ekoizpen prozesuan zehar, baita horien bizitza baliagarrian ere.
BBVAk % 10 igo du Sabadell bankua eskuratzeko eskaintza
Carlos Torres BBVAren presidenteak azpimarratu duenez, hobekuntza eginda "aparteko eskaintza" jarri dute Banco Sabadellen akziodunen esku, "balorazio eta prezio historikoarekin, eta bi bankuen batasunarekin sortutako aukera apartan parte hartzeko aukerarekin". Sabadellek, bere aldetik, erantzun du azken eskaintza "jatorrizkoa baino okerragoa" dela.
Maderas de Llodio, greba mugagabean
Langileen batzordeak salatu du enpresak produkzioaren % 40 beste lantegi batzuetara eramateko asmoa duela, eta deslokalizazioak Laudioko eta eskualdeko "lantegiaren etorkizuna arriskuan jartzen" duela.
Multiverse Computingek % 30 handituko du bere lantaldea Donostian
Software kuantikoan eta adimen artifizialean espezializatutako enpresa donostiarrak datorren urtean 60 pertsona kontratatzea aurreikusten du. 4 langile zituztela abiatu zuten konpainia 2019an, eta 260 izango dira laster.
Pentsiodunak Euskadiko hiriburuetan manifestatu dira gutxieneko pentsioak LGSarekin parekatzea eskatzeko
Ehunka pertsonak bat egin dute Gasteizen eta Donostian Euskal Herriko Pentsiodunen Mugimenduak deitutako manifestazioekin; hain zuzen ere, osteguneko Legebiltzarreko bozketan presioa egiteko, gutxieneko pentsioak Lanbide arteko Gutxieneko Soldatarekin (LGS) parekatzea eskatzeko.