Bederatzigarren greba egunak "jarraipen zabala" izan du Gasteizko Mercedesen
Bederatzigarren egunez, greba eguna izan dute gaur, ostiralarekin, Gasteizko Mercedes-Benz lantegian, ELA, LAB eta ESK sindikatuek deituta. Lanuztea asteleheneko bozketa erabakigarriaren atarian egin dute hilaren 18an, erreferenduma baitute gehiengo sindikalak —UGT, CCOO, Ekintza eta PIM— zuzendaritzarekin lortutako aurreakordioa berretsi ala ez erabakitzeko.
Sindikatu deitzaileek jakinarazi dutenez, jarraipen zabala izan du lanuzteak, tailerretako beharginen gehiengoak babestu du eta. Ez dute baztertzen, halaber, datorren asterako mobilizazio gehiago deitzea.
Bestalde, UGT sindikatuak salatu du bere afiliatuetako batzuek "mehatxuak" jasan dituztela eta "beldurragatik" ez direla lanera joan. ELA, LAB eta ESK sindikatuek ukatu egin dute mehatxurik egin izana.
Asteleheneko bozketa, giltzarri
Grebek izan duten jarraipen masibo horrek zalantzan jarri du datorren astelehenean langileek aurreakordioari oniritzia ematea.
CCOO eta UGT sindikatuek aurreratu dutenez, beharginek ituna babesten ez badute, eurek ez dute akordiorik sinatuko. Dena dela, espero dute azkenean langileek aurreakordioa onartzea.
Loli Garcia Euskadiko CCOOko idazkari nagusiaren hitzetan, aurreakordioa "ona" da, "baldintzetan ez dutelako atzera egiten eta eskubideetan aurrera egiten duelako".
Alabaina, Emilio Titos Gasteizko lantegiko zuzendariak egindako ohartarazpena hor dago. Adierazi zuenez, beharginek "aurreakordioari 'ez' esaten badiote, akaberaren atarian egongo gara".
Kexak bozketaren aurrean
Igor Guevara Batzordeko presidenteak "txiringitotzat" jo du hurrengo astelehenean izango den erreferendumaren antolaketa.
Enpresak ostegun honetan 5.000 langileei zirkular bat bidali zien bozketaren ezaugarriak azalduta. Bertan, "akordioa bai" edo "akordioa ez" galdetegiaren bi aukerak aurkeztu ziren.
ELA, LAB eta ESK sindikatuek kritikatu dute ez dituztela kontuan hartu prozesua diseinatzeko unean, nahiz eta laguntzeko prest agertu izan.
Guevarak, bere aldetik, azaldu du langileei presentzialki bozkatzea eskatuko dietela, telematikoki egin beharrean. Aldi berean, UGT, CCOO, Ekintza eta PIM sindikatuei eskatu die argitzeko zer egingo duten aurreakordioan ezezkoak irabazten badu.
Albiste gehiago ekonomia
Euskadiko etxebizitza berrien prezioa, maximo historikoetan: 3.450 euro metro koadroko
Nafarroa aurretik (% 6,4) dago etxebizitza berrien prezioaren urtebeteko igoerari erreparatuta. Hiriburuei banan-banan begiratuta, batez besteko preziorik altuena Donostian dago, gero, Bilbon, eta azkenik, Gasteizen.
Iazko datuekin alderatuta, 3.074 langabe gutxiago zenbatu dira Euskadin uztailean, eta 78.743 kontratu sinatu dira
Ekainean baino 1.600 langabe gehiago daude, 104.991 guztira. Nafarroan duela urtebete baino 801 langabe gutxiago zenbatu dira, eta Espainiako Estatuan, oro har, 1.357 langabe gutxiago daude, eta 21.865.503 kotizatzailera iritsi dira. Kotizatzaile-kopuruaren gaineko datua maximo historikoa da.
Kutxabank, Espainiako bankurik kaudimendunena Europako Banku Zentralaren arabera
Erakundeak aise gainditzen du Europako batezbestekoa erresistentzia-testetan, eta Espainiako finantza-sektoreko kapital- eta palanka-adierazle nagusien buru da.
Ardo-ekoizleek AEBko muga-zergen eragin handiaz ohartarazi dute: "Ardoa % 50 garestituko da"
Mariasun Saenz de Samaniegok (Ostatu) Europako ardoaren garestitzeaz ohartarazi du, eta merkatu berriak bilatzeko deia egin du, Estatu Batuetan salmentak galduko direlako.
BBVAk 5.447 milioi euro irabazi ditu ekainera arte, % 9,1 gehiago, Espainian eta Mexikon izandako negozioari esker
Entitateak merkatuaren aurreikuspenak gainditzeaz gain, datozen urteetarako aurreikuspenak hobetu ditu, Sabadell erosteko eskaintza publikoaren harpidetza irekitzeko atzerako kontaketa bete-betean murgilduta dagoela. Hala ere, erakundeak ez du baieztatzen abiaraziko dutenik eta atzera egiteko aukera zabalik uzten du.
Bruselak baieztatu du ardoak AEBn % 15eko muga-zerga izango duela ostiraletik aurrera
Arabako Errioxarentzat, Ameriketako Estatu Batuak oso garrantzitsuak dira, bigarren merkatua baita bolumenari dagokionez eta lehena balioari dagokionez. Horregatik, Amaia Barredo Nekazaritza sailburuak "bide diplomatikoa eta negoziazioa azken minutura arte agortzea" eskatu du, ardoa salbuespena izan dadin.
ArcelorMittalen mozkinak % 80 handitu dira mundu mailan, 2.268 milioi euroraino
Sestaon, Basaurin, Legution, Agurainen, Olaberrian, Bergaran, Berriobeitin, Legasan eta Lesakan fabrikak dituen taldeak 2025eko bigarren hiruhilekoari dagokion txostena argitaratu du.
Gorenak arrazoia eman dio Bizkaiko Ogasunari BEZaren auzian, eta Euskadik 700 milioi euro berreskuratuko ditu
Gorenak eman berri du Coca-Cola enpresaren BEZa dela eta Foru Ogasunak eta Estatukoak zuten desadostasunari buruzko epaia. Horrelako kasuetan BEZa nork bildu behar duen zegoen auzibidean, eta ebatzi du Bizkaiak egin behar duela.
Elkarretaratzea egingo dute ostegunean Gasteizko Mercedesen, bederatzi orduko lanaldien aurka
Enpresak bederatzi orduko bi lanaldi ezarri zituen martxoan. CCOOk salatu duenez, eredu horrek "kontziliazioa eta atsedena erabat bazter uzten ditu".
Gehiengo sindikalak 100.000 sinaduratik gora bildu ditu gutxiengo soldata propioaren alde, eta abuztuan eramango ditu Legebiltzarrera
ELA, LAB, ESK, Steilas, Hiru eta Etxalde sindikatuek "arrakasta ikaragarritzat" jo dute kanpaina, eta ezarritako epea agortu baino itxi dute lehen sinadura-bilketa, "Eusko Legebiltzarrak gutxiengo soldataren eskumena lehenbailehen eska dezan".