Aurreakordioa ez babesteko eskatu die LABek Mercedeseko langileei, eta mobilizazio gehiago proposatu ditu
Gasteizko Mercedes-Benzeko zuzendaritzak eta gehiengo sindikalak lotutako lan-hitzarmenaren gaineko aurreakordioaren kontra bozkatzeko eskatu die LAB sindikatuak langileei. Mobilizazioei eustearen alde egin du sindikatuak, negoziazioei berrekiteko, KPIri egokitutako soldaten igoera bermatze aldera.
ELA, LAB eta ESK sindikatuek ez dute aurreituna babestu, eta UGTk, CCOOk, Ekintzak eta PIMek osatutako gehiengo sindikalaren eta zuzendaritzaren artean lortutako aurreakordioaren kontra azaldu dira.
Ohar baten bidez LABek jakitera eman duenez, bihar aurreakordioaren aurka bozkatzeko proposatu die langileei, "mobilizazio gehiagori" ekiteko, KPIren araberako soldaten igoerak negoziatu ahal izateko, "lan-eredu berria gizatiarrago bihurtzeko", kontrataziorako irizpide objektiboak zehazteko eta kontratuak mugagabe bihurtzeko.
Langileen erosteko ahalmena bermatu nahi ez izatea leporatu dio Mercedeseko zuzendaritzari, "2021ean 62 milioi euroko mozkinak irabazita". Gainera, langileei "xantaia" egin izana egotzi dio, inbertsioak proposatuz baina erosteko ahalmena galtzearen truke.
Amaitzeko, enpresaren, "zenbait sindikaturen" eta hainbat erakunderen partetik langileak jasaten ari diren "presioak" salatu ditu LABek, eta hainbat ordezkari sindikaleri euren lana zailtzen ari zaiela.
Aurreakordioaren bozketa
Aurrez aurreko bozketa lantegian egingo dute 10:15etik 13:00etara goizeko txandan; 18:15etik 21:00etara arratsaldekoan eta 00:30etik 02:15era gaueko txandan. Bulego eraikinean, aldiz, 09:00etatik 14:00etara boza emateko ordutegia izango dute.
Zentro bakoitzak bozketa mahaia izango du, eta plantillako langile guztiek botoa emateko aukera izango dute.
Aurrez aurreko boza eman ahal izateko NAN, pasaportea, gidabaimena, NIE edo langile-txartela aurkeztea beharrezkoa izango da. Langileek boto-txartelak eta gutun-azalak aginte katearen bidez, lantegiko sarreretan eta bozketan mahaietan eskuragarri izango dituzte.
Gainera, beharginek boza elektronikoa emateko aukera izango dute, baina eskakizuna egiteko epea ostiral honetan 14:00etan agortu da. Epe horretatik kanpo egindako eskaerak ez dira onartuko. Sindikatuetako iturrien arabera, 559 langilek eman dute izena telematikoki bozkatzeko, ia % 10.
Appsamblea plataforman bozketa elektronikoa aurrera eramateko ordutegia 00:00etatik 24:00etara izango da, astelehenean. Bi erantzun mota soilik aurkituko dituzte beharginek: AKORDIOA BAI edo AKORDIOA EZ. Emaitzaren berri astearteko 02:30-03:00ak aldera ematea espero da.
Albiste gehiago ekonomia
Azkoitiko Juaristi eta Aitek enpresetako langileek bizi duten "egoera jasanezina" salatu dute
Orain urtebete inguru lehertu zen lan-gatazkaren berri emateko, agerraldia egin dute bi enpresetako langileek. Uste dute zuzendaritzak "ezkutuko itxiera plan bat" duela. 130 lanpostu eta hainbat familia "arriskuan" daudela salatu dute.
Lodosako Karey Solanok konkurtsoa egingo du, eta lantegia itxi eta 36 beharginak kaleratuko ditu
Langile gehienak oso aspaldi hasi ziren lanean, eta batez beste 50 urtetik gorakoak dira. CCOOk salatu du oraindik ez dutela abuztuko nomina jaso.
Ostiralean sei hilabete beteko dira Gasteizko lorezainek grebari ekin ziotenetik, eta manifestazioa deitu dute egun horretarako
Gaur goizean Gasteizen egindako prentsaurreko batean, Enviser enpresako langileek "borrokarekin jarraitzeko" asmoa agertu dute, "soldata duinak lortu arte". Gainera, langileak akordiorako prest agertu dira, baina hori lortzeko "Gasteizko Udalaren benetako inplikazioa" beharrezkoa dela uste dute.
Zeintzuk dira BBVAren eskaintza berriaren gakoak?
Josu Ferreiro EHUko irakasleak Radio Euskadin egin duen elkarrizketa batean adierazi duenez, erakundeak Kataluniako bankuko akziodunen zati handi batek eskatzen zuenera egokitu du bere proposamena, lehen eskaintzari uko egin baitzioten, nahikoa ez zelakoan. Ferreirok zehaztu duenez, BBVAk ez du eskudirutan ordainduko, akzio propioetan baizik, eta horrek abantaila fiskala dakarkie akziodunei, zergak gutxiago ordaintzea dakarrelako. Mugimendu horrekin, Carlos Torres Vila buru duen bankuak Sabadellen akzioen merkatuko balioa berdindu du, eta horrek opak aurrera egiteko aukerak areagotu ditu, nahiz eta BBVAri berari kostu handiagoa ekarri. Hobekuntza berri bat egon litekeen galdetuta, ekonomialariak uste du zaila dela: "BBVAk argudiatu zuen Sabadellen akzioak gainbaloratuta zeudela. Orain, alde hori desagertu egin da. Beste eskaintza bat baztertu beharko litzateke, hau izango litzateke azkena", adierazi du. Elkarrizketa Boulevard saioan entzun daiteke, GUAUn, 02:50: 00etatik aurrera (jatorrizkoa, gaztelaniaz).
2026an jarriko da martxan Petronorren eta OCO Technologyren agregakin sintetikoen planta, Bilboko Portuan
Proiektua 2024an hasi zen eraikitzen, eta Europa kontinentalean agregakin sintetikoak fabrikatuko dituen lehen lantegi industriala izango da. Agregakin horiek CO2 gasa harrapatzen dute, bai ekoizpen prozesuan zehar, baita horien bizitza baliagarrian ere.
BBVAk % 10 igo du Sabadell bankua eskuratzeko eskaintza
Carlos Torres BBVAren presidenteak azpimarratu duenez, hobekuntza eginda "aparteko eskaintza" jarri dute Banco Sabadellen akziodunen esku, "balorazio eta prezio historikoarekin, eta bi bankuen batasunarekin sortutako aukera apartan parte hartzeko aukerarekin". Sabadellek, bere aldetik, erantzun du azken eskaintza "jatorrizkoa baino okerragoa" dela.
Maderas de Llodio, greba mugagabean
Langileen batzordeak salatu du enpresak produkzioaren % 40 beste lantegi batzuetara eramateko asmoa duela, eta deslokalizazioak Laudioko eta eskualdeko "lantegiaren etorkizuna arriskuan jartzen" duela.
Multiverse Computingek % 30 handituko du bere lantaldea Donostian
Software kuantikoan eta adimen artifizialean espezializatutako enpresa donostiarrak datorren urtean 60 pertsona kontratatzea aurreikusten du. 4 langile zituztela abiatu zuten konpainia 2019an, eta 260 izango dira laster.
Pentsiodunak Euskadiko hiriburuetan manifestatu dira gutxieneko pentsioak LGSarekin parekatzea eskatzeko
Ehunka pertsonak bat egin dute Gasteizen eta Donostian Euskal Herriko Pentsiodunen Mugimenduak deitutako manifestazioekin; hain zuzen ere, osteguneko Legebiltzarreko bozketan presioa egiteko, gutxieneko pentsioak Lanbide arteko Gutxieneko Soldatarekin (LGS) parekatzea eskatzeko.
Petronorreko enpresa batzordeak enpresaren egoera "tamalgarria" salatu du, eta "presio neurriekin" mehatxu egin du
Plantillako ordezkariek adierazi dute ez direla bete zuzendaritzarekin lortutako akordioak, eta nabarmendu dute "tamalgarria" dela Muskizko findegiko instalazioen egoera.