Euskadi kontingentzia plan energetiko propioa prestatzen ari da jadanik
Iñigo Ansola Energiaren Euskal Erakundeko (EEE) zuzendari nagusiak, Radio Euskadiko Boulevard irratsaioan, eta Mikel Amundarain Industria sailburuordeak, ETBn, ziurtatu dutenez, Eusko Jaurlaritza kontingentzia plan energetiko propioa prestatzen ari da dagoeneko; "berehala, energiaren kontsumoa murrizteko neurriak hartzen hasteko".
Industria sailburuordeak baieztatu duenez, udazkenari eta neguari begira, kontingentzia egitasmo bat prestatzen ari dira.
Amundarainek jakitera eman duenez, Alemaniara egindako bisitan, gas eten edo murrizketa batek industrian izan dezakeen ondorioen aurrean, "kezka" antzeman zuten. Hala ere, EAEn eragin txikiagoa izango lukeela uste du, "Errusiarekiko menpekotasun txikiagoa dugulako".
Sailburuordearen ahotan, Euskadi gas sistema integratu baten barnean dago. Azaldu duenez, Euskal Autonomia Erkidegoak gasa sartzeko gaitasun handia du, eta era ezberdinetako gasa, likidoa zein gaseosoa. Gainera, EAEk gasa metatzeko gaitasuna du, baita gasbide sistema osatu bat ere, erantsi duenez. Azkenik, metaketa likidorako BBG eta Gaviota lurpeko biltegia bertan direla gogorarazi du.
Euskadiko industriarentzako "gauza berria ez" dela azpimarratu du Amundarainek, orain arte "lan handia" egin duelako.
Bestalde, Ansolak gogorarazi du EEEk aurten 40 urte betetzen dituela. "Beti azpimarratu izan dugu, aurrera eraman dezakegun energia politikarik onena eraginkortasun energetikoarena da", nabarmendu du.
"Gradutxo hori, ematen du gutxi dela, baina energia mordoa ez kontsumitzeko balio dezake", esan du Europako Batzordearen proposamenari erreferentzia eginez. Europar Batasuneko herrialdeei eskatu die abuztuaren 1etik 2023ko martxoaren 31ra bitartean % 15 murriztea gas-kontsumoa. Etxeetan, enpresetan eta sektore publikoan aurrezteko neurriak hartzeko eskatu du Errusiak gas-hornidura etengo balu prest egoteko.
"Gero eta neurri gehiago ezarri behar ditugu, energia gutxiago kontsumitzeko helburuarekin", errepikatu du Ansolak. "Errusiak zer egingo duen ez dakigu; Nord Stream 1 gasbidearekin bihar zer gertatuko den ez dakigu; Europa gasarekin hornitzeko, gas-hodia benetan zabalduko duten ez dakigu", ohartarazi du.
"Zenbat eta argindar gutxiago kontsumitu, gas gutxiago beharko dugu", ziurtatu du.
Azkenik, EEEko zuzendari nagusiaren ahotan, industriak "azken 40 urteetan etxeko lanak egin ditu, eta egunez egun eraginkorragoa izaten ari da".
"Lan horretan pausoak ematen jarraitzen du eta, ez dut batere zalantzarik, Eusko Jaurlaritzaren eta EBren gomendio guztiak praktikara eramango ditu", erantsi duenez.
Albiste gehiago ekonomia
Jaurlaritzak bertan behera utzi du angula arrantzatzeko 2025-26ko kanpaina, espeziearen egoera "kritikoa" dela eta
Hainbat txostenen arabera, orain arte aplikatutako neurriek ez dute balio izan espeziearen egoera kritikoa lehengoratzeko, eta, horren aurrean, Arrantza Sailak espeziea berreskuratzeko neurriak indartzea erabaki du egoera atzeraezina izan baino lehen.
Medikuak kalera atera dira Estatutu Markoaren zirriborroaren aurka
Lan-baldintzak negoziatzeko mahai propioa exijitzen dute medikuek. "Guk diseinatu eta negoziatu nahi dugu, negoziazio-mahai horretan ordezkaritza ia nulua baitugu", adierazi du Ana Santorcuato Euskadiko Medikuen Sindikatuko ordezkariak.
Medikuak estatutu propioa eskatzeko greba egiten ari dira Estatu osoan
Osasun publikoko medikuek greba eguna dute gaur Estatu osoan. Euskadin, gainera, Euskadiko Medikuen Sindikatuak (SME) elkarretaratzeak deitu ditu hiru hiriburuetako ospitale eta anbulatorioetan.
Gasteizko lorezainak eta Enviser enpresa, akordioa lortzeko bidean
Bilera luzea izan dute ostegun honetan Precon, eta itxaropentsu irten dira. Langileak batzartuko dira eta enpresak dagozkion kontsultak egingo ditu, hurrengo bileran akordioa ixteko helburuarekin.
Lan-eskaintza publikoetan euskara blindatzeko EAJ eta EH Bilduren proposamena izapidetzea ahalbidetu dute
Eusko Legebiltzarrak bi lege proposamen izapidetuko ditu lan-eskaintza publikoetan euskara blindatzeko. EAJk bat aurkeztu du, eta PSE-EE gobernukideak ez, baina EH Bilduk babestu egin du. Koalizio soberanistak beste bat aurkeztu du, eta jeltzaleen abstentzioari esker aurrera atera da.
Irailean, langabezia-tasa % 2,02 jaitsi da EAEn, eta % 0,4, Nafarroan
2024ko iraileko datuen aldean, 1.027 langabe gutxiago (% 0,95) daude EAEn, eta 1.232 gutxiago (% 4,16), Nafarroan. Halaber, abuztutik irailera, Euskadiko Gizarte Segurantzan 11.475 lagun afiliatu dira; Nafarroan, aldiz, 719 pertsona gutxiago daude Gizarte Segurantzan izena emanda.
Alokairuen indizeak 500 euro baino gehiago jaitsi ditu Donostian eskainitako prezioak
Gipuzkoako herri tentsionatuetan, azken bost urteetan alokatuta egon ez diren edo lehen aldiz merkaturatu diren edukitzaile handien eta pisuen kontratu berriei bakarrik aplikatu beharko zaie prezio-tarte berria.
Eusko Jaurlaritzak Indartuz inbertsio funtsa sortuko du, eta 400 milioirekin hornituko du
Gainera, Finkatuz inbertsio funts publikoak estatutuak eguneratuko ditu enpresetan parte hartzeko irizpideak malgutzeko. Esaterako, ez da horretarako baldintza izango enpresak egoitza Euskadin izatea, eta nahikoa izango da lurraldean "eragina" izatea.
Mitxel Lakuntzaren arabera, CAFek Jerusalemen duen proiektua "ez da erabakigarria" enpresaren etorkizuna bermatzeko
ELAren idazkari nagusiak dioenez, "CAFek badaki tren hori hasieratik dela ilegala", eta proiektua babesteko eta "ilegalitatearekin jarritzeko argudio gisa darabilen txostena" egin duten adituak zeintzuk diren argitzeko eskatu dio enpresari. Euskadi Irratiko Faktorian hitz egin du asteazken goizean horren eta beste hainbat gairen inguruan.
Sindikatuek hiru orduko lanuztea eta hainbat manifestazio deitu dituzte euskal hiriburuetan, Gazako genozidioa salatzeko
Urriaren 15ean egingo duten lanuztearen berri eman dute LAB, CCOO, UGT, ESK, STEILAS, CGT/LKN, ETXALDE eta HIRU sindikatuek. Lanuzteak eta manifestazioak Espainiako Estatuko lantoki guztietan deitu dira.