UGTk, "bakarka", eraginkortasun mugatuko hitzarmen bat sinatuko du Gipuzkoako egoitzetan
Gipuzkoako adinekoen egoitzetan hitzarmen berri bat "bakarka" sinatuko du UGT sindikatuak. Aurten % 6,5eko soldata igoera jasotzen du hitzarmenak, eta 2024an % 13,5eko igoera izan daitekeela eransten du. Hala ere, eraginkortasun mugatuko hitzarmena da; izan ere, UGTk bakarrik langileen ordezkaritzaren % 9 du sektorean.
Gauzak horrela, gutxiengo sindikalak eta sektoreko patronal gehienek sinatutako akordioa kritikatu du ELAk. Sindikatu abertzaleak % 60ko gehiengoa du, eta akordioa "antidemokratikotzat" jo du. Bestalde, LABek ia % 20ko ordezkaritza du, eta gertatutakoa "oso larria" dela uste du.
Negoziazio mahaiaren azken bilera egin dute gaur, Donostian. "Erantzukizunagatik" akordioa sinatuko dutela iragarri du UGTk ohar batean, "sektore oso feminizatu batean lan-baldintza duinak bermatzea" delako.
Marili Granado UGTko ordezkariak ohartarazi duenez, gutxiengoan sinatuta dagoenez, akordioak eraginkortasun mugatuko hitzarmen bat ekarriko du. Ondorioz, langile bakoitzak enpresari adierazi beharko dio, hitzarmenarekin bat egiteko borondatea, igoera horiek aplikatzeko.
ELAren ahotan, UGTrekin adostutako akordioa "antidemokratikoa" da. Agiri batean salatu duenez, beharginen % 90 baino gehiagori "bizkarra eman" diete, eta "patronalen patrikak betetzeko soilik balioko du".
Sindikatu abertzalearen esanetan, "lau urtetan egindako borrokari" lepoa eman dio UGTk. ELAk gogorarazi duenez, 262 greba egun egin dituzte langileek. Akordioak "soldata arrakala areagotuko du, gizonezko sektoreekin alderatuz, baita sektore bereko enpresen artean ere", erantsi du.
Negoziazio mahaian "gertatutakoa oso larria da", salatu du LABek. Horregatik, Gipuzkoako Foru Aldundiari akordioa ez babesteko eskatu dio, "emakume langilez barre egitea delako, ehunka greba egunen ondotik".
Gaur, negoziazio mahaian eskainitakoa "ez zen nahikoa", azaldu du LABek. "Kontra proposamena" egiteko asmoa agertu dute sindikatu abertzaleko ordezkariek, baina "ez dute horretarako aukerarik eman, eta eraginkortasun mugatuko akordio bat sinatzeari ateak zabaldu dizkiote".
Zure interesekoa izan daiteke
Astigarraga, etxebizitza garestien dagoen Gipuzkoako hirugarren herria
Prezioa % 55 igo da 4 urtetan eta metro koadroa 5.228 eurotan saltzen da. Donostiaren eta Zarautzen atzetik, udalerririk garestiena da.
Monica Garciak uste du sindikatu mediku batzuek grebari eusteko aparteko interesa dutela
Espainiako Osasun ministroaren ustez, "sindikatu mediko batzuek pizgarriren bat dute gatazkari eusteko, eta Estatutu Markoak dakartzan hobekuntzak sektoreko profesionalengana iristea saihesteko edo atzeratzeko". Era berean, Aragoi, Nafarroa, Kantabria, Asturias eta Galiziako erkidegoek grebari amaiera ematea lortu dutela nabarmendu du, eta gainerako erkidegoei "euren lana egiteko" eskatu die, "profesionalen lan-baldintzak eskumen autonomikoen menpe daudelako".
Kalera atera dira berriro medikuak, protesta egitera, urteko laugarren greba astearen hasieran
Donostia Ospitaleko anestesista Elena del Valek kazetarien aurrean hitz egin du protestetako batean, eta ziurtatu du "itxaropentsuago" daudela, Euskadiko Medikuen Sindikatuaren bitartez, Osakidetzarekin bilerak hasi dituztelako, eta "badirudielako", aldarrikapenetako batzuk negoziatzen hasiko direla.
Gasteizko Udalak taxilarien guardiak arautu ditu, dekretu bidez
Dokumentuak larunbat eta jai bezperetarako guardien egutegia ezartzen du, 00:00etatik 08:00etara, eta tarte horretan gutxienez 50 taxi arituko dira zerbitzua ematen.
Etxebizitzen salerosketa % 11,6 jaitsi da EAEn, eta % 8,2 igo da Nafarroan
Donostian 418 etxebizitza salerosi dira 2026ko urtarrila eta apirila bitartean, aurreko hiruhilekoan baino % 26,8 gutxiago, eta iazko tarte berean baino % 30,8 gutxiago.
Banku-txartelari agur? Bizum bidezko ordainketa saltokietara iritsi da
NFC teknologiaren bidez egingo dira ordainketak, contactless metodoaz, erabiltzaileak Bizum aktibatuta duen banku-aplikazioaren edo Bizum Pay-ren diru-zorro digital berriaren bitartez. Ordainketa berehala egingo da, eta ez da bitartekaririk (Visa, Mastercard…) beharko. Massimo Cermelli ekonomialariaren ustez, Bizum "erakargarria izan daiteke; saltoki txiketarako, batik bat", komisioetan aurreztu dezaketelako.
Tubos Reunidosen enpresak "antolatutako" eta patronalak babestutako kanpaina bat egon dela salatu du ELAk
Mitxel Lakuntza ELA sindikatuko idazkari nagusiak enpresak azken urteetan egindako "kudeaketa tamalgarria" gaitzetsi, eta "akziodunek 170 milioiko zorra" sortu dutela salatu du.
Amurrioko Tubos Reunidosko langileak lanera itzuliko dira, greba mugagabearen ostean
Batzordeak, hala ere, ez du baztertzen etorkizunean lanuzteei berriro ekitea, eta oraingoz bi greba eta mobilizazio egun deitu ditu maiatzaren 26rako eta 28rako.
Ikuskizunetako langileek greba eguna dute gaur Araban, Bizkaian eta Gipuzkoan
Sektorearentzako hitzarmen bat eskatzen dute lan-baldintza duinak bermatzeko. Ekitaldi asko bertan behera gelditu dira jada, eta gorabeherak espero dira gaur kontzertu, antzerki eta kongresuetan.
Greba mugagabea bertan behera utzi dute Tubos Reunidosen, eta bi mobilizazio egun iragarri dituzte, maiatzaren 26an eta 28an
Gaur Amurrioko lantegian bildu diren gehienek greba bertan behera uztea eta 24 orduko lanuzteak hastea erabaki dute. ELA, LAB eta ESK sindikatuek adierazi dutenez, hemendik aurrera, "erantzukizun gehiago" eskatuko dizkiete erakundeei, eta, beraz, bilerak deituko dituzte.