Tapia: "Euskadin badugu energia aurrezteko gure plana; arduran oinarritu gaitezen, ez neurri efektibistetan"
Arantxa Tapia Eusko Jaurlaritzako Ekonomiaren Garapen, Jasangarritasun eta Ingurumeneko sailburuaren ustez, atzo Espainiako Gobernuak energia aurrezteko aurkeztutako neurriak "efektibistak" dira, eta, horren aldean, Euskadik "bere plana" duela azpimarratu du. "Arduran oinarritu gaitezen, ez neurri efektibistetan", aldarrikatu du.
Euskadi Irratiko "Faktoria" saioan egin dioten elkarrizketan, Sanchezen exekutiboak iragarritako neurrien balorazioa egin du sailburuak. Azaldu duenez, Jaurlaritzak, Eudelek eta Foru Aldundiek hainbat neurri adostu zituzten joan den ostiralean, eta, irailean, instrukzio bezala sartuko dira indarrean. Ildo horretatik, EAEkoak Espainiak ezarritako neurriez "harago" doazela adierazi du Tapiak, eta hainbat adibide jarri ditu: "Ez da gauza bera ospitale batean, non gaixoak dauden, edo eskola batean edo komisaldegi batean neurriak hartzea (...) neurriek epe luzekoak izan behar dute, ez momentu jakin baterako. Argiteriari dagokionez, hobe da ledak jartzea; eta termostatoarekin ibiltzea baino, hobe leihoak aldatzea".
Neurriak ez betetzeagatik iragarritako isunen harira, sailburuak uste du euskal gizartea "adinez heldua" dela, eta badakiela arduraz jokatzen. "Ez da isunen bitartez konpontzen, guk arduran sinesten dugu", erantsi du.
Ukrainako gatazkaren ondorioz suerta litekeen gas eskasiari buruz, Tapiak aitortu du "inork ezin duela esan neguan hornidura bermatuta izango dugun". "Baliabideak ondo ditugula? Ba bai Metatuta badugula? Bai, baina negua luzea da; prestatu gaitezen", nabarmendu du.
Azkenik, Jaurlaritzak energia berriztagarrien proiektu jakin batzuetarako ingurumen eraginaren prozedurak azkartzeko erabakiaz mintzatu da sailburua. Ekologisten kritikei erantzunez (babes maila txikituko dela diote), Tapiak azpimarratu du prozedura azkartzeak ez duela "erlajaziorik" ekarriko; "ez da maila jaitsiko, babesa berdina izango da". Gogorarazi duenez, neurria martxoan onartutako errege dekretu baten ondorioa da, Jaurlaritzak "Euskadira ekarrita" moldatu duena.
Zure interesekoa izan daiteke
CAFek lortu egin du "mendeko kontratua": 1.700 milioi euro Belgikan trenak egiteko
Beasainen egoitza duen konpainiak kontratu horren inguruko ziurgabetasunarekin amaitu du; izan ere, polemika handia piztu zen han, Alstom enpresa frantziarrak dagoeneko hainbat lantegi baititu Belgikan, eta enpresa horrek kontratua ez lortzea kritikatu zuten.
Balenciaga ontziolako langileek atzera bota dute Abu Dhabi Ports talde arabiarraren azken eskaintza
Pasa den azaroaren 30ean, Balenciaga ontziolak salerosketa akordioa sinatu zuen aipaturiko inbertsio talde arabiarrarekin, 11,2 milioi euroren truke. Salerosketa ixteko, ordea, ezinbesteko baldintza da langileekin akordioa lortzea. Antza denez, langileen erosahalmena bermatuko luketen soldatak dira akordiorako korapilo nagusia.
Talgoren erosketaren ondoren, partzuergoko kideek Rivabellosako fabrika bisitatuko dute
Imanol Pradales lehendakaria eta Jose Antonio Jainaga enpresaria buru zirela, akziodun berriek Talgo enpresak Rivabellosan dituen instalazioak bisitatu dituzte. Denek uste dute operazioa funtsezkoa izan dela enpresaren jarduera eta enplegua sendotzeko, eta etorkizun oparoa iragartzen diote tren-enpresari.
Petronorreko greba bertan behera, enpresak bide judizialari uko egin ostean
Sindikatuek bertan behera utzi dute greba mugagabea, zuzendaritzarekin adostuta, 83 eguneko lanuztearen ondoren.
Europa osoko nekazariek Brusela hartu dute politika bateratuaren eta Mercosurrekiko akordioaren aurka protesta egiteko
Lehen ordutik, milaka traktorek eta nekazarik hiriko auzo europarra blokeatu dute, Europar Batasuneko erakundeen politiken aurka protesta egiteko. Poliziarekin ere istiluak izan dira. Europako nekazaritza-sektorea kontuan hartzeko eta kalterik ez egiteko eskatu dute.
EAEko ekonomiaren hazkundea % 2,1ekoa izango da datorren urtean, Confebasken arabera
Confebaskek aurreikusten du BPGa % 2,1 haziko dela 2026an Euskal Autonomia Erkidegoan, nahiz eta egun dauden "arriskuek" % 1,7 eta % 2,6 arteko tartean egotea eragin dezaketen. Inbertsioan eta enpleguan dinamismo txikiagoa izatea espero du Confebaskek.
Bizumen gaineko kontrol gehiago izango dira 2026an, baina profesionalei eta enpresaburuei eragingo die soilik
Zerga Agentziak ordainketa digitalei buruz jasotzen duen informazioa indartuko du 2026tik aurrera, Bizumekin egindako eragiketak barne, baina neurria jarduera ekonomikora mugatuko da eta ez du eraginik izango partikularren arteko trukeetan.
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarriz gero, haragiaren prezioan eragina izango duelakoan. Alabaina, kasu bakar bat agertuko balitz, etxaldeko abelburu guztiak sakrifikatzea eragingo luke.
Medikuen sindikatuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio gehiago egingo dituztela iragarri dute.
?fmt=webp-alpha&qlt=80)
Nekazarien protestek jarraitzen dute Ipar Euskal Herrian eta Frantzia osoan, dermatosi nodularraren auzia nola kudeatu den eta Mercosurren ituna salatzeko
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.