Bilboko metroko langileak "kezkatuta" daude jaien itzulerarekin erasoak "areagotu" egin direlako
Egoitz Laka Bilboko metroko langile batzordeko presidenteak aitortu duenez, beharginak "kezkatuta" daude jaien itzulerarekin euren kontrako erasoak "areagotu" egin direlako. Azaldu du erasoak "beti" egon direla, baina pandemia ostean jaiak itzuli diren honetan, "areagotu" egin dela joera hori; azken 20 egunotan bi eraso izan dira, eta hori salatzeko elkarretaratzea egin zuten atzo.
Euskadi Irratiko "Faktoria" saioari eskainitako elkarrizketa labur batean, Lakak erasoen kontrako pedagogia sozial gehiago eskatu du, eta Espainiako Gobernuak salaketa aurkezten duten langileei segurtasun juridikoa eman beharko liekeela uste du (orain, salatzailearen izen-abizenak ageri dira salaketan, erasotzailearen eskura). Gainera, auziotan enpresa akusazio partikular gisa aurkeztea ezinbestekotzat jo du. Hiru baldintzok beteta, "nahikoa" izango litzatekeela erantsi du, izan ere, horren esanetan, "segurtasun aldetik Estatuan baliabide gehien dituen garraiobideetako bat da Bilboko metroa".
Langileen ordezkariaren arabera, erasoak ez dira beti gauetan gertatzen, eta, berbarako, azken bi erasoak goizeko txandan jazo direla zehaztu du. "Parrandatik bueltan, baten bat billete barik doanean kargu hartu behar diogu, eta liskarrak sortzen dira", argitu du. Geltokiak segurtasunean eragina duela ere nabarmendu du, eta Getxoko Gobela geltokia jarri du adibidetzat: "Geltoki txikia da, eta bakar-bakarrik zaude".
Azkenik, Bilboko Aste Nagusia ate joka dagoela eta, Lakak azaldu du ez daudela horrekin bereziki arduratuta, egun horietan "plantilla osoa baitago lanean".
Zure interesekoa izan daiteke
Guardian eta Glavista berpizteko akordioa “lortzear”, Eusko Jaurlaritzaren arabera
Akordioak 80 eta 85 milioi euro arteko inbertsioa ekarriko luke, eta 400 lanpostu inguru berreskuratzea eskualdean. Hala ere, Eusko Jaurlaritzak "zuhurtzia" eskatu du, akordioa oraindik ez baitago itxita.
Abian da errenta kanpaina Araban eta Gipuzkoan, eta gaurdanik autolikidazio proposamena onartu daiteke
Astearte honetatik, apirilak 7, Arabako eta Gipuzkoako ogasunek egindako autolikidazio proposamenak onartu edo aldatu ditzakete zergadunek. Ostegunean, apirilak 9, hasiko da errenta aitorpenaren kanpaina Nafarroan, eta apirilaren 15ean, berriz, Bizkaian.
Gaur hasiko da errentaren kanpaina Araban eta autolikidazio proposamenak onartu ahal izango dira
Arabako Foru Aldundiaren aurreikuspenen arabera, aurten 202.576 lagunek inguru egingo dute errenta aitorpena Araban, eta horietatik % 70 inguru herritarrei dirua itzultzeko izango dira. Kanpaina ekainaren 25ean amaituko da eta gehien erabiliko den modalitatea Rentafacil izango da.
Tubos Reunidoseko enpresa batzordeak "inplikazioa" eskatuko dio Jaurlaritzari, asteazkenean egingo duten bileran
Gorka Abascal ESK sindikatuko ordezkari eta enpresa batzordeko kideak adierazi duenez, bilerara jarrera positibo eta arduratsuarekin joango dira, Eusko Jaurlaritzaren eta Espainiako Gobernuaren arteko negoziazioak nola doazen ezagutzeko asmoz. Enpresak bere zorraren erdia Espainiako Gobernuarekin dauka, zehazki, SEPI Industria Partaidetzarako Espainiako Sozietatearekin.
1.033.410 kotizatzaile zeuden martxoan Euskadin, otsailean baino 5.003 gehiago eta 2025eko martxoan baino 10.971 gehiago
Langabeziari dagokionez, martxoan 107.173 pertsona zeuden Lanbiden erregistratuta, otsailean baino 179 gehiago eta duela urtebete baino 1.141 gutxiago. Nafarroan ere igo egin da afiliazioa, eta langabezia, berriz, jaitsi, eta 2008tik izandako daturik onenak izan dira Foru Erkidegoan.
"Handling" zerbitzuko langileek beste greba egun bat dute gaur, eta 175 hegaldi daude programatuta Loiun
Lanuzteak egingo dituzte txanda guztietan. Joan den astelehenean 90 minuturainoko atzerapenak izan ziren, eta hegaldiren bat bertan behera geratu zen.
Gasteizko Aireportuko aparkalekuak doakoa izateari utziko dio 2027tik aurrera
Aenaren arabera, aireportuaren jarduera "nabarmen" hazi da, eta horren ondorioa izan da erabakia. Ramiro Gonzalez Arabako diputatu nagusiak esan du hedabideen bidez izan duela erabakiaren berri.
Tubos Reunidoseko langileek enplegu-erregulazioko espedientea bertan behera uztea eta erakundeen inplikazioa eskatu dute
Amurrioko lantegiko Tubos Reunidoseko langileek manifestazioa egin dute asteazken honetan, 242 kaleratze proposatzen dituen enplegu-erregulazioko espedientearen aurka. Bilbon egindako mobilizazio batean, sindikatuen ordezkariek gutun bat aurkeztu dute enpresaren bulegoetan, espedientea bertan behera uzteko eskatuz.
Nafarroako Gobernuak Irango gerraren ondorio ekonomikoak arintzeko laguntzak iragarri ditu
Hasiera batean, harmonizazio-dekretu bat onartu dute, estatuko neurriak foru-araudira egokitzeko, baina aurreratu du neurri fiskal propioak lantzen ari dela, hala nola, PFEZren ordainketak atzeratzea.
Etxeko hegaztien ustiategietan ezarritako konfinamendua kendu dute, partzialki
Arrisku eta zaintza bereziko eremuetan mantendu egingo da neurria: Nafarroan, 12 udalerritan jarraituko dute etxaldeetako hegaztiek konfinatuta, eta EAEn, sei herritan.