Espainiako Gobernuak etxeko langileentzako langabezia subsidioa onartuko du gaur
Espainiako Gobernuak etxeko langileentzako langabezia subsidioa onartuko du gaur, irailaren 6an. Pedro Sanchez Espainiako presidenteak baieztatu egin du hori urte politikoaren hasiera ekitaldian, astelehenean, eta, esan duenez, "amaiera emango zaio", horrela, erabat onartezina zen "bidegabekeria bati". Halaber, Sanchezek azaldu du Espainiako Gobernuak Nazioarteko Lan Erakundeak egindako eskaera bat gauzatuko duela. Ekitaldi horretan bertan, Sanchezek berretsi egin du konpromisoa duela Lanbide Arteko Gutxieneko Soldata igotzeko, eta bermatu du pentsioen balioa Kontsumoko Prezioen Indizearen arabera handituko dela, Legeak ezarrita duenez.
Espainiako Gobernuak "langile horien lan eskubideak eta lan duintasuna" onartuko ditu, eta "gauzatu eta bere egingo du" Nazioarteko Lan Erakundearen eskaera. Ekainean, erakunde horren 189. hitzarmena berretsi zuten, aho batez; langile horiei langabezia onartzera behartzen du hitzarmen horrek.
Testuinguru horretan, Yolanda Diaz Espainiako Lan eta Gizarte Ekonomiako ministroak aurreko astean adierazi zuen honek "aurrerapausoa" ekarriko diola Espainiari, herrialdea "abangoardian" kokatzeko. Halaber, nabarmendu du "oso garrantzitsua dela", feminismoaren ikuspuntutik.
Lanbide Arteko Gutxieneko Soldataren igoera, eta pentsioak
Horrez gain, Pedro Sanchezek berretsi du konpromisoa duela Lanbide Arteko Gutxieneko Soldata igotzeko, eta asmoa dela legealdia amaitu aurretik hori batez besteko soldataren % 60an kokatzea; bermatu ere bermatu du pentsioen balioa Kontsumoko Prezioen Indizearen arabera handituko dela, Legeak ezarrita duenez.
Lanbide Arteko Gutxieneko Soldataren igoera eztabaida publikoan dagoen honetan, Sanchezek nabarmendu du konpromisoa duela: "Aberastasuna birbanatzeko neurri nagusietakoa da, bai eta desparekotasunaren aurka borrokatzekoa ere. Testuingurua zaila da, inflazioa eta ziurgabetasuna nagusi baitira, baina Espainiako Gobernuaren konpromisoa da Lanbide Arteko Gutxieneko Soldata igotzea, eta hala nabarmenduko dut", esan du.
Gogora ekarri duenez, "Legeak bermatu egiten du" pentsioak KPIaren arabera igotzea. Gehitu du soldata duintasunaren eta lan duintasunaren alde egiteak "pentsioen itsulapikoa betetzen" laguntzen duela, "eta, ondorioz, gainera, Gizarte Segurantza defizita murrizten ari da".
Albiste gehiago ekonomia
Bruselak altzairuaren gaineko muga-zergak bikoiztea proposatu du, Txinaren esportazioetatik babesteko
Proposamena Europako Parlamentuak eta estatu-kideek onartu beharko dute, aurrera egiteko.
Eusko Jaurlaritzak bi milioi euro gehiago jarriko ditu emisio gutxiagoko ibilgailuak erosteko dirulaguntza-programan
Emisio gutxiagoko autoak erosteko dirulaguntza-programaren hasierako aurrekontua —5 milioi euro— agortu da, eta dagoen eskariari erantzuteko erabaki du zenbatekoa handitzea.
Soldata-arrakala % 9koa da EAEn
Gogorarazi beharra dago, halaber, Estatistikako Espainiako Institutuaren arabera, 2023an, gizonen eta emakumeen arteko soldata-arrakala % 12,81ekoa zela.
"Bi aldeak ahaleginduko gara akordio-proposamena adosten"
Gasteizko Udalak azpikontratatutako Enviser enpresak eta hango langileen ordezkariek (LAB, ELA eta ESK) aurreakordioa lortu dute. Proposamenak sei hilabete baino gehiago iraun duen gatazkari amaiera eman diezaioke. Bi aldeek bilera egin dute gaur, Precon, eta aurreko bileran ereindako haziak aurreakordioa eman du.
Akordioa egin dute Gasteizko lorezainek eta enpresak
Ados jarri dira Precoren egoitzan egin duten bederatzigarren bileran. Orain, azpikontratatutako 80 langileek erabakiko dute oniritzia eman ala ez, astearte honetan egingo duten bozketaren bidez.
Aurre-akordioa Iruñerriko hiri-garraioaren hitzarmenean
Moventis TCCk eta enpresa-batzordeak aurre-akordio bat lortu dute, eta, horri esker, langileek hitzarmen-proposamen bat bozkatu ahal izango dute. Kontsulta egin arte lanuzteak amaitzeko konpromisoa hartu dute, halaber.
Imsersoko bidaiak astelehen honetatik aurrera izango dira eskuragarri
Hainbat berritasun dakar aurtengo uztak, besteak beste, hotel jakin batzuetan animaliekin bidaiatzeko aukera egongo da, penintsulako kostaldera eta uharteetara egiten diren bidaietan. Lekuen % 2 gordeko dira horretarako.
Industriaren geldialdiak ekonomiaren hazkundea galarazten duela ohartarazi du Adegik
Fakturazioak eta eskariak ez omen dira hazten azken boladan. Enplegua ere gutxiago hazten ari da, eta Gipuzkoako enpresek uste dute laster batean hazkunde hori “zero" izango dela.
Euskadiko Medikuen Sindikatua kalera atera da Estatutu Markoaren zirriborroaren aurka
Lanuzteak bestelako jarraipena izan du EAEko hiru probintzietan: Bizkaian, profesionalen % 30ek egin dute greba; Gipuzkoan, % 26,89k; eta, Araban, % 16,52k, Osakidetzaren arabera. Arratsaldean, parte-hartzea % 10,33ra jaitsi da EAEn.
Jaurlaritzak bertan behera utzi du angula arrantzatzeko 2025-26ko kanpaina, espeziearen egoera "kritikoa" dela eta
Hainbat txostenen arabera, orain arte aplikatutako neurriek ez dute balio izan espeziearen egoera kritikoa lehengoratzeko, eta, horren aurrean, Arrantza Sailak espeziea berreskuratzeko neurriak indartzea erabaki du egoera atzeraezina izan baino lehen.