Maria Chivitek enpleguarekin konpromisoa hartzeko eskatuko dio Nafarroako Volkswageneko presidente berriari
Maria Chivite Nafarroako Gobernuko presidenteak bilera egingo du ostiral honetan Michael Hobusch Nafarroako Volkswageneko presidente berriarekin. Chivitek Landabengo enpleguarekin konpromisoa hartzeko eskatuko dio Hobuschi.
Ekitaldi instituzional batean, Chivitek esan die komunikabideei Foru Gobernua, historian zehar, "enpresaren aldamenean" izan dela, "Volkswagenen aldamenean, laguntza ematen, babesten, garatu eta hazteko testuingurua sortzen".
"Horixe ari da egiten Nafarroako Gobernua lehenengo minututik", nabarmendu du presidenteak. Chiviteren iritziz, "Volkswagenek ere hartu behar du konpromisoa Foru Erkidegoarekin, eta Foru Erkidegoko enpleguarekin".
Presidenteak nabarmendu duenez, ikuspuntu horiek helaraziko dizkio Nafarroako Volkswageneko presidente berriari. Eskatu ere eskatuko dio "eskutik helduta lanean jarraitzeko", eta enpleguarekin erantzunkidetasuna izateko: "Gu, haiekin; baina baita haiek gurekin ere".
Chivitek deitoratu egin du ostegunean, Nafarroako Parlamentuan, ezin izan zutela ekimen bat onartu, Volkswageneko Enpresa Batzordeko sindikatu guztiek onartutako testu bat jasotzen zuen ekimena, hain zuzen ere. Testuan, sindikatuek Ganberari eskatzen zioten "elkarlanean, langileen ordezkariekin eta lantegiko Zuzendaritzarekin, lan egiteko asmoa isla zezan", fabrikako interesen eta hornitzaileen alde egite aldera.
"Hala da. Enpresa Batzordeak testua eman zigun, eta indar politikoek sinatu genuen, Navarra Sumak izan ezik. Nire iritziz, testu hori onartu beharko genuen", zehaztu du presidenteak.
Navarra Suma, gehitu du, "ez zegoen ados Enpresa Batzordeak proposatutako zuzenketa horrekin, eta horregatik ez da onartu. Uste dut erabilera politikoa izan dela hemen".
Zure interesekoa izan daiteke
Iberdrolak 125. urteurrena ospatu du Bilbon, begirada "argindarraren aroan" jarrita
Iberdrolak bere 125. urteurrena ospatu du astearte honetan, Bilboko egoitzan. Erakundeetako eta enpresa munduko ordezkariak bildu ditu ekitaldiak, eta konpainiaren historia gogora ekarri dute. "Argindarraren aroa" deiturikoan jarri dute etorkizunerako begirada. Bere hitzartzean, Ignacio Sanchez Galan Iberdrolaren presidenteak esan du "euskal sustraiak" inoiz galdu ez dituen "proiektu integratzaile baten emaitza" dela gaur egungo konpainia.
Tubos Reunidosen interesa duten "inbertsore berriak" daudela dio Jauregi sailburuak, baina oraindik ez dago "proposamen zehatzik"
Mikel Jauregi Eusko Jaurlaritzako Industria, Trantsizio Energetiko eta Jasangarritasun sailburuaren hitzetan, Tubos Reunidosen zorra berregituratu eta langileak lanera itzuli izana funtsezko bi baldintza izan dira "inbertitzaile berriak erakartzeko".
Papresak erosteko eskaintza bakarra jaso du: CL Grupo Industrialek aurkeztu du proposamen loteslea
Papresa hartzekodunen konkurtsoan sartu eta lehen asteetan balizko iteresdun gehiago zeudela aditzera eman bazen ere, euskal talde bat barne, ez dira eskaintza gehiago aurkeztu ezarritako epearen barruan; CL Group enpresak (Cristian Layri lotutakoa) bakarrik egin du hura erosteko eskaintza loteslea.
Eusko Jaurlaritzak onetsi egin du Aiaran baterien biltegi bat eraikitzeko proiektua
Arena Green Assest 4, SLUren "PB Navegantes 31" proiektuak 23 milioi euroko aurrekontua du eta 30MW-ko potentzia instalatua, 20 oineko neurriko edukiontzietan dauden 18 biltegiratze unitaterekin, kontrol eta monitorizazio sistemak integratzeko.
Astigarraga, etxebizitza garestien dagoen Gipuzkoako hirugarren herria
Prezioa % 55 igo da 4 urtetan eta metro koadroa 5.228 eurotan saltzen da. Donostiaren eta Zarautzen atzetik, udalerririk garestiena da.
Monica Garciak uste du sindikatu mediku batzuek grebari eusteko aparteko interesa dutela
Espainiako Osasun ministroaren ustez, "mediku sindikatu batzuek pizgarriren bat dute gatazkari eusteko, eta Estatutu Markoak dakartzan hobekuntzak sektoreko profesionalengana iristea saihesteko edo atzeratzeko". Era berean, Aragoi, Nafarroa, Kantabria, Asturias eta Galiziako erkidegoek grebari amaiera ematea lortu dutela nabarmendu du, eta gainerako erkidegoei "euren lana egiteko" eskatu die, "profesionalen lan-baldintzak eskumen autonomikoen menpe daudelako".
Kalera atera dira berriro medikuak, protesta egitera, urteko laugarren greba astearen hasieran
Donostia Ospitaleko anestesista Elena del Valek kazetarien aurrean hitz egin du protestetako batean, eta ziurtatu du "itxaropentsuago" daudela, Euskadiko Medikuen Sindikatuaren bitartez, Osakidetzarekin bilerak hasi dituztelako, eta "badirudielako", aldarrikapenetako batzuk negoziatzen hasiko direla.
Gasteizko Udalak taxilarien guardiak arautu ditu, dekretu bidez
Dokumentuak larunbat eta jai bezperetarako guardien egutegia ezartzen du, 00:00etatik 08:00etara, eta tarte horretan gutxienez 50 taxi arituko dira zerbitzua ematen.
Etxebizitzen salerosketa % 11,6 jaitsi da EAEn, eta % 8,2 igo da Nafarroan
Donostian 418 etxebizitza salerosi dira 2026ko urtarrila eta apirila bitartean, aurreko hiruhilekoan baino % 26,8 gutxiago, eta iazko tarte berean baino % 30,8 gutxiago.
Banku-txartelari agur? Bizum bidezko ordainketa saltokietara iritsi da
NFC teknologiaren bidez egingo dira ordainketak, contactless metodoaz, erabiltzaileak Bizum aktibatuta duen banku-aplikazioaren edo Bizum Pay-ren diru-zorro digital berriaren bitartez. Ordainketa berehala egingo da, eta ez da bitartekaririk (Visa, Mastercard…) beharko. Massimo Cermelli ekonomialariaren ustez, Bizum "erakargarria izan daiteke; saltoki txiketarako, batik bat", komisioetan aurreztu dezaketelako.