Espainiako Gobernuak % 4,4ra igoko du hazkunde ekonomikoaren aurreikuspena, eta % 2,1era murriztuko du 2023koa
Espainiako Gobernuak aurtengo hazkunde ekonomikoaren aurreikuspena % 4,3tik % 4,4ra igotzea aurreikusi du, baina sei hamarren murriztuko ditu 2023ko Barne Produktu Gordinerako (BPG) kalkuluak, % 2,1era. Hala adierazi du Nadia Calviño Espainiako Gobernuko lehen presidenteorde eta Ekonomia Gaietarako eta Transformazio Digitalerako ministroak, astelehen honetan Luxenburgon Eurotaldearen bilerara sartu denean.
"Aurreikuspen zuhurra da, irailera arte ditugun adierazleek eta datuek goranzko berrikuspen handiagoa egitea ahalbidetu baitezakete", gaineratu du presidenteordeak.
"Jarduera eta enplegu sorrera handia ikusi ditugu, baita diru sarrera fiskaletan ere; beraz, badirudi Espainiako ekonomiak, irailera arte, nahiko indartsu hazten jarraitzen duela", nabarmendu du Gobernuko arduradun ekonomikoak.
Uztailaren amaieran, % 4,3an mantendu zuen Espainiako Gobernuak aurtengo hazkunde ekonomikoaren aurreikuspena, baina zortzi hamarren murriztu zuen 2023rako estimazioa, % 2,7ra arte; Ukrainako gerraren eraginak eta prezioen igoerak, energiarenak batik bat, eragindako testuinguru ziurgabe batean.
Hala, Calviñok adierazi du BPGaren % 2,1eko igoera tasa "gure inguruko herrialde garrantzitsuenen eta Europar Batasuneko batezbestekoaren gainetik" egongo litzatekeela.
Estatuko eta nazioarteko erakunde gehienek Espainian 2023rako dituzten aurreikuspenak behera egiten ari dira, eta % 2 bueltan kokatzen dute hazkundea. Izan ere, egungoa bezalako ziurgabetasun testuinguru batean, Consensus Forecasts enpresaren iraileko aurreikuspenek % 4,3ko hazkundea aurreikusten dute Espainian 2022rako, egonkorra, ekainaren aldean; eta % 1,6koa 2023an (ekainean aurreikusitako % 3aren aldean).
Zure interesekoa izan daiteke
UAGAk Barredo sailburuaren dimisioa eskatu du bazkaren aferaz egindako adierazpenengatik
Nekazarien elkarteak Jaurlaritzaren "immobilismoa" salatu du, eta "sektoretik urrundu izana". Bestalde, ENHE sindikatuak lehorte egoera izendatzea eta "ezohiko laguntzak" eskatu ditu jasandako kaltea konpentsatzeko.
Euriborra % 3tik gora dago 2024ko irailetik lehen aldiz, eta hipotekadunen gaineko presioa handitu du
Adierazleak 2026an izan duen goranzko joera sendotu du, baina adituek gogorarazi dute eguneko datua dela, ez hileko batez bestekoa, hau da, hipoteka gehienak berrikusteko benetan erabiltzen den indizea.
Zubietako erraustegiko langileek salatu dutenez, enpresak "negozioa segurtasunaren aurretik jartzen du"
Abuztuaren 19an sute bat izan zen Ekobalen, eta bederatzi langile intoxikatu ziren beharrezko babes ekipamendurik gabe aritu zirelako sua itzaltzeko lanetan.
Grebarako aukera aztertzen ari dira garraiolariak, gasolioaren prezioaren ondorioz
Hileko gastua 2.000 euro inguru igo zaie otsailetik hona, eta garraiolari batzuek momentuz kamioiak aparkatzea erabaki dute. HIRU sindikatuko kamioilariek, berriz, lanuzteak egiteko aukera eztabaidatuko dute asanbladan, eta erabaki bateratua hartuko dute bertan.
Apartamentu turistikoetako gaualdiak % 23,3 igo dira uztailean EAEn, eta sarrerak % 9,7
Landa-ostatuen kasuan, sarrerak % 2,8 handitu dira eta gaualdiak % 5,6 jaitsi, 2025eko hilabete bereko datuekin alderatuta.
Amaia Barredo: "Eusko Jaurlaritza lanean ari da abeltzainekin hartutako epeak eta konpromisoak betetzeko"
Amaia Barredo Eusko Jaurlaritzako Elikadura, Landa Garapen, Nekazaritza eta Arrantza sailburuak aurreratu duenez, Jaurlaritzak "irailaren hasieran" abeltzaintza-sektorearen esku jarriko ditu lehengai batzuk batera erosteko bideak, lehorteak eragindako belar eskasia dela eta. Radio Euskadin ostiral honetan egindako elkarrizketa batean Barredok esan duenez, Bazka Mahaia oraindik deituta ez badago ere, ez da atzerapenak egongo: "Administrazioa ez dago bileraren zain erosketa bateratua prestatzeko".
Abeltzainak haserre, Bazka Mahaia irailera atzeratu duelako Jaurlaritzak
Eusko Jaurlaritzak bazkaren beharrei buruz egindako inkestan 435 ustiategiren erantzunak jaso ditu eta horiekin hartuko ditu erosketa bateratuaren kopuruari eta hornitzaileei buruzko erabakiak. UAGAk eta ENHEk lan egiteko modu eraginkorragoak eskatu dituzte. Hala ere, guztiak ados daude, etorkizunera begira bazkari buruzko plangintza bat behar dela esatean.
Hoteletako sarrerak % 7,7 igo dira uztailean EAEn, eta gaualdiak % 6,7
Sarrera guztien % 58,8 eta gaualdien % 59,9 atzerritar jatorriko pertsonenak izan ziren, 2025eko uztailean baino % 11,1 eta % 11,7 gehiago, hurrenez hurren.
Txakolinaren mahats-bilketa aurreratu dute, beroagatik
Txakolinaren mahats-bilketa ohi baino lehenago hasiko da beroaldien ondorioz. Ekoizleen arabera, data hauek ez dira ohikoak mahats-bilketari ekiteko. Etengabe egiten dituzte analisiak mahastietan, mahatsak azukre eta garraztasun puntua noiz hartuko dituen zehatz-mehatz jakiteko, eta biltzeko une egokiena heldu da.
Bazka eroste bateratua eta lehorte deklarazioa berehala gauzatzeko eskatzen dute abeltzainek
Bi aste dira Bazka Mahaia elkartu eta erakundeek hainbat konpromiso hartu zituztela. Abeltzain asko euren kontura belarra eta lastoa erosten hasi dira, eta erakundeei neurriak berehala hartzeko deia egin diete.