Energiaren merkatuan esku hartzeko eta prezioen gorakada gelditzeko
Energiaren merkatuan esku hartu eta prezioaren gorakada geldiarazteko beste neurri sorta bat aurkeztuko du datorren astean Europako Batzordeak. Eskaria murriztea eta gasaren erosketa partekatuak erraztea ere bilatuko dituzte neurriok. Europako Batasuneko kideek, joan den asteko bileran, "lege argiak" eskatu zituzten, energiaren arazoari aurre egiteko.
Pragan dute hitzordua gaur Europako energia arduradun nagusiek, bilera informal batean. Bertara sartu aurretik, Kadri Simson Europako Energia komisarioak "elkarlanerako borondatea" eskatu du. "Oinarri zabal bat adostea" ezinbestekotzat jo du, arazoari irtenbidea emango dion "atea zabaltzeko". "Argi izan behar dugu guztiok elkarrekin eta batuta egin behar dugula lan", esan du. Gaurko batzarrean, herrialde bakoitzak bere jarrera azalduko du, energia aurrezteko zenbateko ahalegina egiteko prest dagoen zehaztuz.
Iragarritakoaren arabera, datorren astean aurkeztekoak diren planaren gakoak aurreratuko ditu Simsonek gaur Pragan. Zirriborroan, lau ataletan daude banatuta neurriak, eta bakoitzak helburu jakin bat du: energiaren eskaria murrizteko pizgarriak eskaintzea, gasaren prezioan esku hartzea, EBko estatu kideen artean energia bermatzeko elkartasun neurriak sustatzea eta gasa modu partekatuan erostea ahalbidetzea.
EB osatzen duten herrialde ia guztiak akordiorako prest agertu dira, eta bakoitzak bere ñabardurak mahai gainean jarri baditu ere, orain arteko neurriak onartzeko prestutasuna agertu dute. Hungaria da, oraingoz, desadostasuna agertu duen bakarra, energia bermatuta ez izateko arriskua ikusten duelako neurri berriekin.
Joan den irailaren 30ean, Europar Batasuneko Energia ministroek lehen akordio politikoa itxi zuten, EBko merkatu elektrikoan esku hartzeko larrialdietako neurrien gainean. Hala, besteak beste, eskari elektrikoa puntako orduetan % 5 murriztea adostu zuten eta erregai fosiletako enpresei tasa bat ezartzea.
Albiste gehiago ekonomia
Espainiako Gobernuak baztertu du aireportuen kudeaketa osorik Euskadira transferitzea
Diario Vasco egunkariak argitaratu duenez, Eusko Jaurlaritzak erabaki estrategikoetan iritzia eman ahal izatea proposatu du Espainiako Gobernuak, baina eskualdatzea osorik egitea baztertu du, Estatuaren eskumen esklusiboa delako.
Azkoitiko Juaristi eta Aitek enpresetako langileek bizi duten "egoera jasanezina" salatu dute
Orain urtebete inguru lehertu zen lan-gatazkaren berri emateko, agerraldia egin dute bi enpresetako langileek. Uste dute zuzendaritzak "ezkutuko itxiera plan bat" duela. 130 lanpostu eta hainbat familia "arriskuan" daudela salatu dute.
Lodosako Karey Solanok konkurtsoa egingo du, eta lantegia itxi eta 36 beharginak kaleratuko ditu
Langile gehienak oso aspaldi hasi ziren lanean, eta batez beste 50 urtetik gorakoak dira. CCOOk salatu du oraindik ez dutela abuztuko nomina jaso.
Ostiralean sei hilabete beteko dira Gasteizko lorezainek grebari ekin ziotenetik, eta manifestazioa deitu dute egun horretarako
Gaur goizean Gasteizen egindako prentsaurreko batean, Enviser enpresako langileek "borrokarekin jarraitzeko" asmoa agertu dute, "soldata duinak lortu arte". Gainera, langileak akordiorako prest agertu dira, baina hori lortzeko "Gasteizko Udalaren benetako inplikazioa" beharrezkoa dela uste dute.
Zeintzuk dira BBVAren eskaintza berriaren gakoak?
Josu Ferreiro EHUko irakasleak Radio Euskadin egin duen elkarrizketa batean adierazi duenez, erakundeak Kataluniako bankuko akziodunen zati handi batek eskatzen zuenera egokitu du bere proposamena, lehen eskaintzari uko egin baitzioten, nahikoa ez zelakoan. Ferreirok zehaztu duenez, BBVAk ez du eskudirutan ordainduko, akzio propioetan baizik, eta horrek abantaila fiskala dakarkie akziodunei, zergak gutxiago ordaintzea dakarrelako. Mugimendu horrekin, Carlos Torres Vila buru duen bankuak Sabadellen akzioen merkatuko balioa berdindu du, eta horrek opak aurrera egiteko aukerak areagotu ditu, nahiz eta BBVAri berari kostu handiagoa ekarri. Hobekuntza berri bat egon litekeen galdetuta, ekonomialariak uste du zaila dela: "BBVAk argudiatu zuen Sabadellen akzioak gainbaloratuta zeudela. Orain, alde hori desagertu egin da. Beste eskaintza bat baztertu beharko litzateke, hau izango litzateke azkena", adierazi du. Elkarrizketa Boulevard saioan entzun daiteke, GUAUn, 02:50: 00etatik aurrera (jatorrizkoa, gaztelaniaz).
2026an jarriko da martxan Petronorren eta OCO Technologyren agregakin sintetikoen planta, Bilboko Portuan
Proiektua 2024an hasi zen eraikitzen, eta Europa kontinentalean agregakin sintetikoak fabrikatuko dituen lehen lantegi industriala izango da. Agregakin horiek CO2 gasa harrapatzen dute, bai ekoizpen prozesuan zehar, baita horien bizitza baliagarrian ere.
BBVAk % 10 igo du Sabadell bankua eskuratzeko eskaintza
Carlos Torres BBVAren presidenteak azpimarratu duenez, hobekuntza eginda "aparteko eskaintza" jarri dute Banco Sabadellen akziodunen esku, "balorazio eta prezio historikoarekin, eta bi bankuen batasunarekin sortutako aukera apartan parte hartzeko aukerarekin". Sabadellek, bere aldetik, erantzun du azken eskaintza "jatorrizkoa baino okerragoa" dela.
Maderas de Llodio, greba mugagabean
Langileen batzordeak salatu du enpresak produkzioaren % 40 beste lantegi batzuetara eramateko asmoa duela, eta deslokalizazioak Laudioko eta eskualdeko "lantegiaren etorkizuna arriskuan jartzen" duela.
Multiverse Computingek % 30 handituko du bere lantaldea Donostian
Software kuantikoan eta adimen artifizialean espezializatutako enpresa donostiarrak datorren urtean 60 pertsona kontratatzea aurreikusten du. 4 langile zituztela abiatu zuten konpainia 2019an, eta 260 izango dira laster.
Pentsiodunak Euskadiko hiriburuetan manifestatu dira gutxieneko pentsioak LGSarekin parekatzea eskatzeko
Ehunka pertsonak bat egin dute Gasteizen eta Donostian Euskal Herriko Pentsiodunen Mugimenduak deitutako manifestazioekin; hain zuzen ere, osteguneko Legebiltzarreko bozketan presioa egiteko, gutxieneko pentsioak Lanbide arteko Gutxieneko Soldatarekin (LGS) parekatzea eskatzeko.