Errioxako Jatorri Izendapenak helegitea jarriko du Arabako Mahastien aurka
Errioxako Jatorri Izendapena Arautzen duen Kontseiluaren Osoko Bilkurak adostu du helegitea jarriko duela Eusko Jaurlaritzak Arabako Mahastiei eman dien Jatorri Izendapenaren aurka.
Horixe iragarri du Fernando Ezquerro Kontseiluaren presidenteak batzarraren ostean egindako agerraldian. Arabar Errioxako Upategien Elkartea (ABRA), proiektuaren sustatzaile nagusia, izan da kontrako botoa eman duen bakarra.
ARAEX Arabako upategien elkartea eta UAGA Arabako nekazaritza antolakundea abstenitu egin dira bozketan, Ezquerrok azaldu duenez.
Gehiengo berberarekin, Kontseiluak erabaki du EAEko Justizia Auzitegi Nagusira joko duela Eusko Jaurlaritzak helegite administratiboa atzera botaz gero.
Kasu horretan, 2021eko azaroan hasitako bideari jarraitzea eskatuko dute, oraindik ebatzi gabe baitago.
Erabaki horrekin, upategiek eta ekoizleek berretsi egin dute proiektuaren aurkako jarrera, eta bide guztiak jorratuko omen dituzte, "sektore oso bati dagokion merkataritza funtsa bidegabeki aprobetxatzea" egozten baitie Arabako Mahastiei, Ezquerroren arabera.
Ezquerrok, Kontseiluaren izenean, "Errioxa markari jada egindako kaltea" salatu du, eta gogorarazi Errioxako eta Hego Euskal Herriko 571 upategik eta 14.300 ekoizlek osatzen dutela.
Ezquerrok adierazi duenez, Eusko Jaurlaritzari igorritako idatzian azpimarratu dute jatorri izendapenari dagokion Arabako eremuak "12.000 biztanle eskas" dituela, eta "Izendapen osoak sortzen dituen 1.500 milioi euroetatik 500" jasotzen dituela.
Diruaren banaketa horrekin biztanleko errenta 40.000 euroraino iritsi da inguru horretan, EAEko eta Estatu osoko batez bestekotik oso gora, bere esanetan.
Zure interesekoa izan daiteke
Guardian eta Glavista enpresen itxiera saihesteko akordioa, gertu; VSF eta Gaviota konpainien bidez
Aiaraldeko bi enpresek, elkarren artean estuki lotuta, 170 eta 240 langile zituzten, hurrenez hurren.
Abian da errenta kanpaina Araban eta Gipuzkoan, eta gaurdanik autolikidazio proposamena onartu daiteke
Astearte honetatik, apirilak 7, Arabako eta Gipuzkoako ogasunek egindako autolikidazio proposamenak onartu edo aldatu ditzakete zergadunek. Ostegunean, apirilak 9, hasiko da errenta aitorpenaren kanpaina Nafarroan, eta apirilaren 15ean, berriz, Bizkaian.
Gaur hasiko da errentaren kanpaina Araban eta autolikidazio proposamenak onartu ahal izango dira
Arabako Foru Aldundiaren aurreikuspenen arabera, aurten 202.576 lagunek inguru egingo dute errenta aitorpena Araban, eta horietatik % 70 inguru herritarrei dirua itzultzeko izango dira. Kanpaina ekainaren 25ean amaituko da eta gehien erabiliko den modalitatea Rentafacil izango da.
Tubos Reunidoseko enpresa batzordeak "inplikazioa" eskatuko dio Jaurlaritzari, asteazkenean egingo duten bileran
Gorka Abascal ESK sindikatuko ordezkari eta enpresa batzordeko kideak adierazi duenez, bilerara jarrera positibo eta arduratsuarekin joango dira, Eusko Jaurlaritzaren eta Espainiako Gobernuaren arteko negoziazioak nola doazen ezagutzeko asmoz. Enpresak bere zorraren erdia Espainiako Gobernuarekin dauka, zehazki, SEPI Industria Partaidetzarako Espainiako Sozietatearekin.
1.033.410 kotizatzaile zeuden martxoan Euskadin, otsailean baino 5.003 gehiago eta 2025eko martxoan baino 10.971 gehiago
Langabeziari dagokionez, martxoan 107.173 pertsona zeuden Lanbiden erregistratuta, otsailean baino 179 gehiago eta duela urtebete baino 1.141 gutxiago. Nafarroan ere igo egin da afiliazioa, eta langabezia, berriz, jaitsi, eta 2008tik izandako daturik onenak izan dira Foru Erkidegoan.
"Handling" zerbitzuko langileek beste greba egun bat dute gaur, eta 175 hegaldi daude programatuta Loiun
Lanuzteak egingo dituzte txanda guztietan. Joan den astelehenean 90 minuturainoko atzerapenak izan ziren, eta hegaldiren bat bertan behera geratu zen.
Gasteizko Aireportuko aparkalekuak doakoa izateari utziko dio 2027tik aurrera
Aenaren arabera, aireportuaren jarduera "nabarmen" hazi da, eta horren ondorioa izan da erabakia. Ramiro Gonzalez Arabako diputatu nagusiak esan du hedabideen bidez izan duela erabakiaren berri.
Tubos Reunidoseko langileek enplegu-erregulazioko espedientea bertan behera uztea eta erakundeen inplikazioa eskatu dute
Amurrioko lantegiko Tubos Reunidoseko langileek manifestazioa egin dute asteazken honetan, 242 kaleratze proposatzen dituen enplegu-erregulazioko espedientearen aurka. Bilbon egindako mobilizazio batean, sindikatuen ordezkariek gutun bat aurkeztu dute enpresaren bulegoetan, espedientea bertan behera uzteko eskatuz.
Nafarroako Gobernuak Irango gerraren ondorio ekonomikoak arintzeko laguntzak iragarri ditu
Hasiera batean, harmonizazio-dekretu bat onartu dute, estatuko neurriak foru-araudira egokitzeko, baina aurreratu du neurri fiskal propioak lantzen ari dela, hala nola, PFEZren ordainketak atzeratzea.
Etxeko hegaztien ustiategietan ezarritako konfinamendua kendu dute, partzialki
Arrisku eta zaintza bereziko eremuetan mantendu egingo da neurria: Nafarroan, 12 udalerritan jarraituko dute etxaldeetako hegaztiek konfinatuta, eta EAEn, sei herritan.