EH Bilduk eta Elkarrekin Podemos-IUk akordiorako borondatea agertu dute, baina bileran eskaerak egingo dituzte
EH Bilduk Eusko Jaurlaritzaren aurrekontuak kritikatu ditu, "kontinuistak eta kontserbadoreak" direlako, eta ez dutelako balio "ziurgabetasunei eta erronkei aurre egiteko".
Pedro Azpiazu Ekonomia eta Ogasun sailburuak joan den astean iragarri zuen negoziatzeko prest agertu diren taldeekin lehen bilera egingo zuela hilaren 9an. 09:30ean EH Bilduko ordezkariak hartuko ditu, 11:00etan, Elkarrekin Podemos-IUkoak, eta 12:30ean, PP+Cs koaliziokoak.
Koalizioak aurrekontuek "gaur egun ukaezinak diren arazoei erantzuteko balio dezaten" eskatuko du, hala nola, zerbitzu publikoen narriadura, etxebizitzen prezioa, emantzipazioa, krisi energetikoa, lehen sektorearen egoera larria eta enpresa estrategikoetan erabakitzeko ahalmenaren galerari. Gainera, fiskalitateari buruzko proposamena aurkeztuko dute, "neurriak finantzatu ahal izateko eta hamarkadako erronka handiei aurre egiteko".
Bilera-sortan negoziatzeko duen borondatea azpimarratu du EH Bilduk, baina proposamen "arrazoituak eta arrazoizkoak" eta "gutxieneko akordioetara iristeko pentsatuak" aurkeztuko ditu.
Koalizioak "balantze gazi-gozoa" egin du aurtengo kontuei buruz lortutako ituna betetze mailaren inguruan. Gasteizen emandako prentsaurreko batean, Maddalen Iriarte eta Nerea Kortajerana legebiltzarkideek onartu dute orduan adostutako neurri ekonomikoak "oro har" bete direla, ez dela gauza bera gertatu gutxieneko soldata hobetzera eta alokairuaren prezioak mugatzera bideratutako "konpromiso politikoekin".
Eusko Jaurlaritza elkarrizketarako prest dagoela zalantzan jarri dute; izan ere, aurtengo aurrekontu-itunean jasota dagoen bezala, 2023ko kontuak onartu aurretik bilera bat egitea eskatu dute, baina ez dute lortu.
Era berean, datorren urterako aurrekontu proiektuaren inguruan Eusko Jaurlaritzarekin akordioa lortzeko "borondatea" duela argitu du gaur Elkarrekin Podemos-IUk. Miren Gorrotxategi koalizioak Legebiltzarrean duen bozeramaileak prentsaurreko batean iragarri duenez, eskakizunen agiria eramango dute Pedro Azpiazuk oposizioko hiru talderekin biharko deitu duen bilerara.
Batzar horren aurrean, Gorrotxategik iragarri du David Soto, Jon Hernandez eta hirurak joango direla, eta gaineratu du gai jakinen inguruan dituzten eskakizunak helaraziko dizkiotela Jaurlaritzari. Besteak beste, agiri batean bildu dituzte osasuna, etxebizitza, krisi energetikoa edota hezkuntza arlokoak.
Azken horren harira, honakoa esan du Gorrotxategik: "Hezkuntza ituna betetzea eskatzen dugu, eta betetzen den heinean, gure jarrera moldatuko dugu hainbat momentu politikotan (hezkuntza) legea edo aurrekontuak onartzeko orduan. Ituna bete behar da, eta horretarako, itunean bertan jasota dagoenez, bermatu egin behar da hezkuntzak eskaintza publiko nahikoa izatea leku guztietan".
Jaurlaritzak 14.250,7 milioi euroko aurrekontu proiektua prestatu du, aurten baino 1.142 milioi gehiagokoa, % 8,7 gehiago. Azpiazuk gogorarazi zuenez, EAJ-PSE-EE koalizio gobernuak gehiengoa du Legebiltzarrean kontuak aurrera ateratzeko, baina aurrekontuak adostasun handiagoarekin ateratzeko akordiorako gonbita berretsi zien taldeei.
Zure interesekoa izan daiteke
Balenciaga ontziolako langileek atzera bota dute Abu Dhabi Ports talde arabiarraren azken eskaintza
Pasa den azaroaren 30ean, Balenciaga ontziolak salerosketa akordioa sinatu zuen aipaturiko inbertsio talde arabiarrarekin, 11,2 milioi euroren truke. Salerosketa ixteko, ordea, ezinbesteko baldintza da langileekin akordioa lortzea. Antza denez, langileen erosahalmena bermatuko luketen soldatak dira akordiorako korapilo nagusia.
Talgoren erosketaren ondoren, partzuergoko kideek Rivabellosako fabrika bisitatuko dute
Imanol Pradales lehendakaria eta Jose Antonio Jainaga enpresaria buru zirela, akziodun berriek Talgo enpresak Rivabellosan dituen instalazioak bisitatu dituzte. Denek uste dute operazioa funtsezkoa izan dela enpresaren jarduera eta enplegua sendotzeko, eta etorkizun oparoa iragartzen diote tren-enpresari.
Petronorreko greba bertan behera, enpresak bide judizialari uko egin ostean
Sindikatuek bertan behera utzi dute greba mugagabea, zuzendaritzarekin adostuta, 83 eguneko lanuztearen ondoren.
Europa osoko nekazariek Brusela hartu dute politika bateratuaren eta Mercosurrekiko akordioaren aurka protesta egiteko
Lehen ordutik, milaka traktorek eta nekazarik hiriko auzo europarra blokeatu dute, Europar Batasuneko erakundeen politiken aurka protesta egiteko. Poliziarekin ere istiluak izan dira. Europako nekazaritza-sektorea kontuan hartzeko eta kalterik ez egiteko eskatu dute.
EAEko ekonomiaren hazkundea % 2,1ekoa izango da datorren urtean, Confebasken arabera
Confebaskek aurreikusten du BPGa % 2,1 haziko dela 2026an Euskal Autonomia Erkidegoan, nahiz eta egun dauden "arriskuek" % 1,7 eta % 2,6 arteko tartean egotea eragin dezaketen. Inbertsioan eta enpleguan dinamismo txikiagoa izatea espero du Confebaskek.
Bizumen gaineko kontrol gehiago izango dira 2026an, baina profesionalei eta enpresaburuei eragingo die soilik
Zerga Agentziak ordainketa digitalei buruz jasotzen duen informazioa indartuko du 2026tik aurrera, Bizumekin egindako eragiketak barne, baina neurria jarduera ekonomikora mugatuko da eta ez du eraginik izango partikularren arteko trukeetan.
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarriz gero, haragiaren prezioan eragina izango duelakoan. Alabaina, kasu bakar bat agertuko balitz, etxaldeko abelburu guztiak sakrifikatzea eragingo luke.
Medikuen sindikatuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio gehiago egingo dituztela iragarri dute.
?fmt=webp-alpha&qlt=80)
Nekazarien protestek jarraitzen dute Ipar Euskal Herrian eta Frantzia osoan, dermatosi nodularraren auzia nola kudeatu den eta Mercosurren ituna salatzeko
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.
ELAk, LABek eta Steilasek sektore publikoan euskaraz lan egin eta zerbitzua euskaraz emateko eskubidea bermatzeko eskatu dute
Euskararen aurkako oldarraldi judizialaren aurrean, alderdiei zerbitzu publikoetan euskaraz lan egin eta arreta jasotzeko bermeak emango dituen lege bat exijitu diete. LABek EAJri eskatu dio ausarta izan dadin EH Bilduren proposamena babesteko. ELAk ere uste du EH Bilduren proposamena jeltzaleena baino hobea dela.