Itsasoko sektore eolikoa arautzeko eta lehen enkantea egiteko eskatu diote Espainiako Gobernuari
Espainiako itsas eolikoen enpresen elkarteak itsasoko energia eolikoa premiaz arautzeko eta lehen enkantea 2023ko lehen lau hilabeteetan deitzeko eskatu dio Pedro Sanchezen Gobernuari, Espainia energia horretan nazioarteko liderra izan daitekeela uste baitu.
Enpresa Eolikoen Elkartea sektorearen I. Kongresua egiten ari da gaur eta bihar artean Barakaldon. Bertan, hamar herrialdetako 420 partehartzaile teknologia horrek duen potentziala aztertzen ari dira.
Juan Diego Diaz elkarteko presidentearen eta Juan Virgilio Marquez zuzendari nagusiaren arabera, Espainiak bi euskarri ditu dagoeneko energia horretarako: "gure fabrikek urteak daramatzate osagai eolikoak Europako iparraldeko parkeetara esportatzen, eta munduko teknologia flotatzailearen (ainguratu gabeko errotak) prototipoen lehen garatzailea gara".
Hirugarren "hanka" falta da, "itsas merkatu eoliko komertziala, Espainian existitzen ez dena, hau da, oraindik ez dago aurreikusita non instalatu parkeak. Espainiako Gobernuak duela urtebete onartutako ibilbide-orri bat dago, 2030erako helburutzat 3 gigawatt (GW) arteko itsas eolikoko potentzia instalatua ezartzen duena".
Diazek azaldu duenez, sektoreak Espainiako Gobernuari eskatu dio erregulazio-promesa hori bete dezala, itsas espazioaren antolamendua barne, urtea amaitu baino lehen. Erregulazioaren ondoren, hurrengo urratsa etorriko litzateke: datorren urteko lehen laurdenean aurreikusten den bezala, itsas energia eolikoaren lehen enkantea deitzea.
Sektorearen arabera, enkanteak arrakasta izan dezan, eraikuntza eskubidea (itsas parke eolikoa) eta konexio eskubidea (lurreko sare elektrikoa) esleitu beharko lirateke aldi berean, eta, horrez gain, ordainsari-araubidea esleitu beharko litzateke inbertsioa amortizatzeko bermeak izateko.
Enkantea "inbertsioak eta aliantzak formalizatuko diren inflexio puntua izango da". Inbertsio handiak izango dira, eta hainbat industriarentzat onuragarriak izango dira, errota horiek eraikitzeak "altzairu tona asko dakarrelako, ontzioletan eta portuetan jarduera handia".
2021ean itsas energia eolikoaren instalazio errekorra hautsi zen munduan: 21.222 MW itsas eoliko instalatu ziren, % 59ko hazkundea 2020arekin alderatuta. Itsas potentzia eoliko handiena instalatu den herrialdeak Txina, Erresuma Batua, Danimarka eta Vietnam izan dira.
Bestalde, Jose Ignacio Hormaechek, Energiaren Euskal Klusterreko zuzendari nagusiak, esan du euskal enpresentzat "off shore (itsasoa) aukera bat eskaintzen ari dela, on shore (errotak lehorrean) baino gehiago, merkatu helduagoa baita".
Hormaechek gaineratu duenez, Euskadin itsas hondoa oso sakona denez, ezin dira errotak ainguratu, plataforma flotatzaileekin egindako eolikoa erronka bat da, eta euskal enpresek aspalditik prototipoetan lan egiten duten eremua da.
Albiste gehiago ekonomia
Espainiako Gobernuak baztertu du aireportuen kudeaketa osorik Euskadira transferitzea
Diario Vasco egunkariak argitaratu duenez, Eusko Jaurlaritzak erabaki estrategikoetan iritzia eman ahal izatea proposatu du Espainiako Gobernuak, baina eskualdatzea osorik egitea baztertu du, Estatuaren eskumen esklusiboa delako.
Azkoitiko Juaristi eta Aitek enpresetako langileek bizi duten "egoera jasanezina" salatu dute
Orain urtebete inguru lehertu zen lan-gatazkaren berri emateko, agerraldia egin dute bi enpresetako langileek. Uste dute zuzendaritzak "ezkutuko itxiera plan bat" duela. 130 lanpostu eta hainbat familia "arriskuan" daudela salatu dute.
Lodosako Karey Solanok konkurtsoa egingo du, eta lantegia itxi eta 36 beharginak kaleratuko ditu
Langile gehienak oso aspaldi hasi ziren lanean, eta batez beste 50 urtetik gorakoak dira. CCOOk salatu du oraindik ez dutela abuztuko nomina jaso.
Ostiralean sei hilabete beteko dira Gasteizko lorezainek grebari ekin ziotenetik, eta manifestazioa deitu dute egun horretarako
Gaur goizean Gasteizen egindako prentsaurreko batean, Enviser enpresako langileek "borrokarekin jarraitzeko" asmoa agertu dute, "soldata duinak lortu arte". Gainera, langileak akordiorako prest agertu dira, baina hori lortzeko "Gasteizko Udalaren benetako inplikazioa" beharrezkoa dela uste dute.
Zeintzuk dira BBVAren eskaintza berriaren gakoak?
Josu Ferreiro EHUko irakasleak Radio Euskadin egin duen elkarrizketa batean adierazi duenez, erakundeak Kataluniako bankuko akziodunen zati handi batek eskatzen zuenera egokitu du bere proposamena, lehen eskaintzari uko egin baitzioten, nahikoa ez zelakoan. Ferreirok zehaztu duenez, BBVAk ez du eskudirutan ordainduko, akzio propioetan baizik, eta horrek abantaila fiskala dakarkie akziodunei, zergak gutxiago ordaintzea dakarrelako. Mugimendu horrekin, Carlos Torres Vila buru duen bankuak Sabadellen akzioen merkatuko balioa berdindu du, eta horrek opak aurrera egiteko aukerak areagotu ditu, nahiz eta BBVAri berari kostu handiagoa ekarri. Hobekuntza berri bat egon litekeen galdetuta, ekonomialariak uste du zaila dela: "BBVAk argudiatu zuen Sabadellen akzioak gainbaloratuta zeudela. Orain, alde hori desagertu egin da. Beste eskaintza bat baztertu beharko litzateke, hau izango litzateke azkena", adierazi du. Elkarrizketa Boulevard saioan entzun daiteke, GUAUn, 02:50: 00etatik aurrera (jatorrizkoa, gaztelaniaz).
2026an jarriko da martxan Petronorren eta OCO Technologyren agregakin sintetikoen planta, Bilboko Portuan
Proiektua 2024an hasi zen eraikitzen, eta Europa kontinentalean agregakin sintetikoak fabrikatuko dituen lehen lantegi industriala izango da. Agregakin horiek CO2 gasa harrapatzen dute, bai ekoizpen prozesuan zehar, baita horien bizitza baliagarrian ere.
BBVAk % 10 igo du Sabadell bankua eskuratzeko eskaintza
Carlos Torres BBVAren presidenteak azpimarratu duenez, hobekuntza eginda "aparteko eskaintza" jarri dute Banco Sabadellen akziodunen esku, "balorazio eta prezio historikoarekin, eta bi bankuen batasunarekin sortutako aukera apartan parte hartzeko aukerarekin". Sabadellek, bere aldetik, erantzun du azken eskaintza "jatorrizkoa baino okerragoa" dela.
Maderas de Llodio, greba mugagabean
Langileen batzordeak salatu du enpresak produkzioaren % 40 beste lantegi batzuetara eramateko asmoa duela, eta deslokalizazioak Laudioko eta eskualdeko "lantegiaren etorkizuna arriskuan jartzen" duela.
Multiverse Computingek % 30 handituko du bere lantaldea Donostian
Software kuantikoan eta adimen artifizialean espezializatutako enpresa donostiarrak datorren urtean 60 pertsona kontratatzea aurreikusten du. 4 langile zituztela abiatu zuten konpainia 2019an, eta 260 izango dira laster.
Pentsiodunak Euskadiko hiriburuetan manifestatu dira gutxieneko pentsioak LGSarekin parekatzea eskatzeko
Ehunka pertsonak bat egin dute Gasteizen eta Donostian Euskal Herriko Pentsiodunen Mugimenduak deitutako manifestazioekin; hain zuzen ere, osteguneko Legebiltzarreko bozketan presioa egiteko, gutxieneko pentsioak Lanbide arteko Gutxieneko Soldatarekin (LGS) parekatzea eskatzeko.