Bost greba egun abiatu dituzte Bizkaiko metalgintzan
Bizkaiko Metalgintzaren sindikatuek bost eguneko grebari ekin diote gaur, astelehenarekin, "lan hitzarmen duin baten alde", joan den ostiralean FVEM Metalgintza Enpresen Bizkaiko Federazioak egindako azken proposamena sindikatuek errefusatu ostean.
Metalgintzaren sindikatu guztiek (ELA alde batetik, eta LAB, CCOO, UGT, ESK, CGT eta CNT elkarrekin, bestetik) greba deialdiari eustea erabaki zuten, patronalak egindako azken proposamena "nahikoa" ez zelakoan.
Gaurko deialdiak erantzun "oso zabala" izan duela esan du CCOO sindikatuak, eta "pozik" dagoela erantsi. Zehaztu duenez, % 85 ingurukoa da jarraipena. Ertzaintzak grebalariren bat identifikatu badu ere, gainerakoan "lasai" doala argitu du sindikatu horrek.
ELAk ere antzeko balorazioa egin du, eta lehen greba egun hau "berriro jarraipen zabala" izaten ari dela nabarmendu du.
Azken lanuzteetan bezala, banatuta egin dute deialdia sindikatuek. Gehiengo sindikalak (LAB, CCOO, UGT, ESK, CGT eta CNT) Portugaleten egin du manifestazioa eta ELAk, aldiz, Bilbon.
Goizean piketeak izan dira Trapagaranen, Productos Tubulares enpresaren parean (argazkian ikus daiteke). Ondoren, Amazonek duen zentro logistikora joan dira, bertako langileek abiatuta grebari babesa emateko.
Patronalak murriztu egin du parte-hartzea
Bestalde, FVEM patronalak % 19ra jaitsi du grebaren jarraipena, eta "batez ere" Ezkerraldean nabaritu dela erantsi du.
FVEMek nabarmendu du ez dituztela "onartuko" lan egin nahi duten pertsonen eta enpresen aurkako "ekintza bortitzak", eta gogorarazi du "hauinbat piketek" kalte materialak egin dituztela.
Hori dela eta, manifestazioak "indarkeriarik gabe" eta "pertsonen eskubideak errespetatuta" egiteko deia gin du.
Akordiorik gabe, ostiraleko bileran
Azaroaren 25eko bileran FVEMek soldata igoerak eskaini zituen (% 6,5, 2022rako; % 3,5, 2023rako; % 2,5, 2024rako; eta % 1,5, 2025erako), 2022-2025erako, % 14ko osoko igoera izango litzatekeena.
Dena dela, proposamena errefusatu zuten sindikatuek, eta gaurtik ostiralera bitarte, 24 orduko lanuzteak egiteko deialdiari eutsi zioten. Orain arte 11 greba egun egin dituzte Metalgintzan.
Lan hitzarmena negoziatzeko azken batzarrean "iruzurra antzeztea" leporatu diote CCOO, LAB eta UGT sindikatuek FVEMi, baita "grebara joatea" behartzea ere.
Bestalde, ELAren esanetan, patronalaren proposamena "oso eskasa" zen, eta lan hitzarmen baten alde "borrokatzeko inoiz baino arrazoi gehiago daude, ez bakarrik KPIaren araberako igoera zuzenak izateko, baita lanaldia murrizteko eta eskubideak handitzeko ere".
Zure interesekoa izan daiteke
Euskal langileria kalera atera da Maiatzaren Lehenean
ELA eta LAB deialdi bereizietan atera dira kalera, ESK eta LSB-USO bezala; CCOO eta UGT, aldiz, elkarrekin mobilizatu dira.
Gutxieneko soldata propioa ezartzeko aldarriarekin "jarrera argia" eskatu dio ELAren idazkari nagusiak lehendakariari
1.500 euroko gutxieneko soldata propioa ezartzeko “patronala interpelatzen eta presionatzen” jarraitzeko prest agertu da Mitxel Lakuntza. Eskubide sozialen alde egiteaz gain, euskaraz bizitzeko eta lan egiteko eskubidea ere aldarrikatu du ELA sindikatuaren idazkari nagusiak.
Berdelaren kostera txarraren eragina arintzea lortu da, eta antxoaren bilakaera "hobea" izan da Euskadin
Arrantza-sektoreko ordezkariak kezkatuta agertu dira berdelaren egoerarekin, eta berreskuratze-neurrien beharra aztertzeko eskatu dute. Ildo horretatik, antxoari ezarritako kudeaketa-ereduaren eragin positiboa nabarmendu dute.
Maiatzaren 1eko mobilizazioetan, LGS propioa, pentsio eta soldata "duinak" eta etxebizitza eskubidea aldarrikatu dituzte
ELA eta LAB bakoitza bere aldetik atera dira kalera, ESK eta LSB-USO bezala; CCOO eta UGT, aldiz, elkarrekin mobilizatu dira. Alderdi politikoek ordezkariak bidali dituzte deialdi horietako askotara.
Lan eskubideak arriskuan daudela ohartarazi du Anduezak, eta Euskadiko LEPetako euskara eskakizunak kritikatu ditu
PSE-EEko buruaren esanetan, langileak mehatxupean daude eskuin eta ultraeskuinaren eta nazioarteko gerren ondorioz, baita EAJk eta EH Bilduk enplegu publikoan dituzten politiken ondorioz ere.
Tubos Reunidoseko langile talde batek Amurrioko greba mugagabeari buruzko erreferenduma egitea eskatu du
Enpresa batzordeak deituta, martxoaren 15etik daude greba mugagabean Amurrioko lantegian. ELAk, LABek eta ESK-k babestu zuten lanuztea, eta CCOO eta UGT kontra agertu ziren. Azken horiek hasieratik eskatu dute grebari buruzko erabakia erreferendumean hartzea.
Behargin bat hil da Zamudion, lan-istripuz
Langileak 61 urte zituen. Ezbeharra ostegun goizean gertatu da, Ugaldeguren industrialdean, eta biktima bertan hil da, osasun-zerbitzuek esku hartu duten arren. ELAk lan-istripua salaktzeko elkarretaratzea deitu du maiatzaren 5erako.
AAk 2,3 milioi lanpostu suntsitu ditzake datorren hamarkadan Espainian
Bereziki enplegatu administrarien eta erdi-mailako zein goi-mailako teknikarien taldeei eragingo lieke. Hala ere, AAri lotutako 1,61 milioi lanpostu berri inguru sortuko lirateke eta, horrek, suntsitutako lanpostuen zati handi bat konpentsatuko luke.
Nafarroako Volkswagenek 500-1.000 langile artean beharko ditu 2027an, ekoizpen-aurreikuspenak berretsiz gero
Ekoizpen bolumen "oso handiak" espero ditu konpainiak datorren urterako eta, datuak behin-behinekoak diren arren, laster ekingo dio enpresak barneko eta kanpoko langileak hautatzeko, prestatzeko eta gaitzeko prozesuari, espezialitate profesionalen beharrak betetzeko, hala nola elektromekanikariak, txapistak eta hornitzaileak.
BBVAk 3.000 milioiko irabaziak izan ditu lehen hiruhilekoan (+%10,8) eta akzioak berrerosiko dituela iragarri du
Erakundeak diru-sarrerak eta errentagarritasuna handitu ditu kredituaren bultzadari esker, eta akzioak berrerostea aurreikusi du, 1.460 milioi arte inbertituta.