Legebiltzarreko Lan Batzordeak Diru Sarrerak Bermatzeko lege proiektuaren txostena onartu du
Legebiltzarreko Lan eta Enplegu Batzordeak Diru Sarrerak Bermatzeko eta Inklusiorako Euskal Sistemaren lege proiektuaren txostena onartu du asteazkenean. Hortaz, izapide hori gaindituta, soilik geratzen da Ganberako osoko bilkurak behin betiko onartzea EAJk, PSE-EEk eta Elkarrekin Podemos-IUk adostutako testua.
Txostenaren zati nagusiak EAJren, PSEren eta Elkarrekin Podemos-IUren aldeko botoa jaso du; EH Bildu abstenitu egin da, eta PP+Csek kontrako botoa eman du. Urrian, soilik Voxek eskatu zuen txostena Eusko Jaurlaritzari bueltatzea, baina gainerako taldeek osoko zuzenketa hori atzera bota zuten.
Eusko Jaurlaritzaren proiektu hori onartzea hasieratik zegoen bermatuta, EAJk eta PSE-EEk duten gehiengoari esker. Dena dela, jeltzaleek eta sozialistek urriaren hasieran Elkarrekin Podemos-IUrekin sinatutako akordioari esker, testuak 47 legebiltzarkideren babesa du.
Diru Sarrerak Bermatzeko Errenta, 803 eurokoa
Hiru alderdien itxitako akordioaren arabera, Diru Sarrerak Bermatzeko Errentaren zenbatekoak gora egingo du. Gorakada hori kalkulatzeko, zehazki, Estatistikako Institutu Nazionalak Estatu osorako 'Bizitza Baldintzetako Inkesta' izenekoan aurreikusitako pobrezia arriskua baliatuko dute, edo, bestela, 'Pobreziaren eta Gizarte Ezberdintasunaren Euskadiko Inkesta Ofiziala'. Elkarrekin Podemosek emandako datuen arabera, baliabide horrek aurreikusten du Diru Sarrerak Bermatzeko Errentaren gutxieneko zenbatekoa 803 eurokoa izango litzatekeela; berez, Eusko Jaurlaritzak hurrengo urteari begira prestatutako aurrekontu proiektuak 312 milioi euro ditu Errenta horretarako, aurreikusita horren zenbatekoak % 8,5 egingo duela gora. Gainera, Bizitzeko Gutxieneko Diru Sarrerako 173 milioi euro daude aurreikusita, eta 80 milioi Etxebizitzaren Prestazio Gehigarrirako.
Horrez gain, neurri batzuk ezarri dituzte, xede izanik ez izatea laguntza jasotzen ez duen hartzailerik balizko forma akatsengatik; Elkarrekin Podemosek azaldu duenez, "bizitza proiektuetan konponbide oso zaileko edo ezinezko kalteak" izango lituzke hartzaile horiek.
Gizatalde zaurgarrientzako erroldatze baldintza ere alde batera utzi dute; horrek eragingo die, besteak beste, errefuxiatuei, salerosketako edo sexu esplotazioko biktimei eta indarkeria matxistako biktimei. Horrez gain, baldintza hori urtebetekoa izango da adingabeak edo adinekoak mendekotasun egoeran edo desgaitasuna duten adineko pertsonak euren ardurapean dituztenentzat.
Ikuskapen sisteman aldaketak ezarri dituzte, legeak jasotako gizarte prestazioen tramitazioa, jasotzea eta jarraipena "adeitsuagoak eta berme handiagokoak" izan daitezen. Horrela, Lanbide indartuko dute; Diru Sarrerak Bermatzeko Errenta kudeatzen duen erakundea da, eta langile kopuru egokia izango ditu, prestakuntza espezifikoarekin.
Zure interesekoa izan daiteke
CAFek lortu egin du "mendeko kontratua": 1.700 milioi euro Belgikan trenak egiteko
Beasainen egoitza duen konpainiak kontratu horren inguruko ziurgabetasunarekin amaitu du; izan ere, polemika handia piztu zen han, Alstom enpresa frantziarrak dagoeneko hainbat lantegi baititu Belgikan, eta enpresa horrek kontratua ez lortzea kritikatu zuten.
Balenciaga ontziolako langileek atzera bota dute Abu Dhabi Ports talde arabiarraren azken eskaintza
Pasa den azaroaren 30ean, Balenciaga ontziolak salerosketa akordioa sinatu zuen aipaturiko inbertsio talde arabiarrarekin, 11,2 milioi euroren truke. Salerosketa ixteko, ordea, ezinbesteko baldintza da langileekin akordioa lortzea. Antza denez, langileen erosahalmena bermatuko luketen soldatak dira akordiorako korapilo nagusia.
Talgoren erosketaren ondoren, partzuergoko kideek Rivabellosako fabrika bisitatuko dute
Imanol Pradales lehendakaria eta Jose Antonio Jainaga enpresaria buru zirela, akziodun berriek Talgo enpresak Rivabellosan dituen instalazioak bisitatu dituzte. Denek uste dute operazioa funtsezkoa izan dela enpresaren jarduera eta enplegua sendotzeko, eta etorkizun oparoa iragartzen diote tren-enpresari.
Petronorreko greba bertan behera, enpresak bide judizialari uko egin ostean
Sindikatuek bertan behera utzi dute greba mugagabea, zuzendaritzarekin adostuta, 83 eguneko lanuztearen ondoren.
Europa osoko nekazariek Brusela hartu dute politika bateratuaren eta Mercosurrekiko akordioaren aurka protesta egiteko
Lehen ordutik, milaka traktorek eta nekazarik hiriko auzo europarra blokeatu dute, Europar Batasuneko erakundeen politiken aurka protesta egiteko. Poliziarekin ere istiluak izan dira. Europako nekazaritza-sektorea kontuan hartzeko eta kalterik ez egiteko eskatu dute.
EAEko ekonomiaren hazkundea % 2,1ekoa izango da datorren urtean, Confebasken arabera
Confebaskek aurreikusten du BPGa % 2,1 haziko dela 2026an Euskal Autonomia Erkidegoan, nahiz eta egun dauden "arriskuek" % 1,7 eta % 2,6 arteko tartean egotea eragin dezaketen. Inbertsioan eta enpleguan dinamismo txikiagoa izatea espero du Confebaskek.
Bizumen gaineko kontrol gehiago izango dira 2026an, baina profesionalei eta enpresaburuei eragingo die soilik
Zerga Agentziak ordainketa digitalei buruz jasotzen duen informazioa indartuko du 2026tik aurrera, Bizumekin egindako eragiketak barne, baina neurria jarduera ekonomikora mugatuko da eta ez du eraginik izango partikularren arteko trukeetan.
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarriz gero, haragiaren prezioan eragina izango duelakoan. Alabaina, kasu bakar bat agertuko balitz, etxaldeko abelburu guztiak sakrifikatzea eragingo luke.
Medikuen sindikatuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio gehiago egingo dituztela iragarri dute.
?fmt=webp-alpha&qlt=80)
Nekazarien protestek jarraitzen dute Ipar Euskal Herrian eta Frantzia osoan, dermatosi nodularraren auzia nola kudeatu den eta Mercosurren ituna salatzeko
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.