Ertzaintzak "legearen barruan" jardun zuen metalgintzako grebako piketeekin, dio Erkorekak
Josu Erkoreka Segurtasun sailburuaren esanetan, Ertzaintzak "legeak agindu bezala" jardun zuen asteazkenean, Bizkaiko metalgintzako grebalariek Artean egindako piketearekin. Sindikatuek salatu zutenez, bertan izandako polizia kargaren ondorioz lau pertsona zauritu ziren.
Legebiltzarrean, kontrol saioan, Elkarrekin Podemos-IUko legebiltzarkide Iñigo Martinezek egindako galderari erantzunez adierazi du hori Erkorekak. Martinezek azalpenak eskatu ditu, Ertzaintzaren esku hartze horregatik, eta langileek pairatutako zaurien argazkiak erakutsi ditu; esan duenez, Ertzaintzak eragin zituen zauri horiek.
Gonbidatuen tribunan, metalgintzako greba deitu duten sindikatuetako ordezkari batzuk zeuden. Ostiralean egin dute asteko bosgarren eta azken greba eguna, hitzarmen kolektiboa geldiarazita dago eta.
Martinezek gogora ekarri duenez, "legeak babestu egiten du" piketea; salatu du Ertzaintzaren erantzuna, langileen jarrera baketsuaren aurrean, "jazarpena, "jazarpena eta errepresioa" izatea.
Asteazkenean, ertzainek esku hartu zutenean, Ertzaintzak adierazi zuen "istilua" izan zela grebalariekin, piketeko kideak identifikatzen saiatu zirenean. Une horretan, Ertzaintzaren arabera, "bertan zeuden ia 300 pertsonak patruilen gainean etorri ziren, irainak bota zituzten, eta ostikadaren bat ere eman zuten".
Sailburuak berretsi duenez, "norbaitek gehiegikeria egiten badu, beste pertsona batzuen eskubideak urratuz, esku hartzen da"; gehitu ere gehitu du "ekintza jakin batzuk" gertatzen direnean, horiei geldiarazi behar zaiela, legearen markoan betiere.
Sailburuaren adierazpenak entzunda, CCOOko Luis Mouliak eta LABeko Zigor Azpioleak, Legebiltzarreko pasilloetan, "larritzat" jo dute Eusko Jaurlaritzak Ertzaintzaren esku hartze horri abala ematea, langileak "erreprimitu" egiten dituelako.
Bitartekaritza
Osoko bilkuran, halaber, Iker Casanova legebiltzarkideak galdetu dio Idoia Mendia Lan eta Enplegu sailburuari ea Sailak aurreikusita duen bitartekaritza egitea 50.000 bat langileri eragiten dion gatazka hori konpontze aldera.
Mendiak argi utzi du Jaurlaritzak beti lagunduko duela gatazka horiek konpontzen, baina nabarmendu du bi aldeek, alegia, patronalak eta sindikatuek, ez dutela eskatu Sailaren bitartekaritza; hori dela eta negoziazio kolektiboa errespetatzeko deia egin du.
Sailburuaren iritziz, azkenean akordioa izango da, eta aldeei eskatu die ahalik eta lasterren adosteko irtenbidea.
Sindikatu ordezkarien ustez, baina, Mendiaren Saila "albora begira" jarri da; izan ere, Eusko Jaurlaritzaren zeregina da langileak "aldeztea". CCOO, LAB, UGT, ESK, CGT eta CNT sindikatuek deitu dute greba, alde batetik, eta ELAk, bestetik; sindikatuek eskatzen dute, besteak beste, soldata handiagoak izatea, langileen erosteko ahalmena bermatzeko.
Albiste gehiago ekonomia
EAEko familiek inoiz baino gehiago gastatu dute ostalaritzan, 4.207 euro
Euskadiko etxeetako batez besteko gastua egonkor mantendu zen 2024an, baina aisiak eta jatetxeek pisua hartzen jarraitzen dute elikaduraren, garraioaren eta irakaskuntzaren aldean.
Auzitegiak artxibatu egin ditu 17 medikuren aurkako salaketak, Osakidetzako Lan Eskaintza Publikoko filtrazioengatik
Arabako Auzitegiak artxibatu egin ditu Osasun Zerbitzuaren 2016-2017ko Lan Eskaintza Publikoan ustez egindako filtrazioengatik ikertutako 17 medikuren aurkako salaketak, eta ikertutako 19 lagunetatik 2ren aurka irekita uztea erabaki du.
Jaurlaritza langabezia subsidioen transferentzia bereganatzen saiatuko da asteazken honetan Espainiako Gobernuarekin
Kontribuzio-prestazioen eta langabezia-subsidioaren arloko eskumenak eskualdatzeko akordioa posible izan dadin "nahikoa denbora" eduki izana espero du Autogobernuko sailburuak.
Eusko Jaurlaritzak 2026ko urtarriletik aurrera berrekingo dio telelanari
Langile publikoek astean bi egunetan jardun ahal izango dute lan-modalitate horretan. Gainera, telelanaren bitartez lan egin dezaketen langile guztiei ere aukera hori ematen die dekretuak, betiere zerbitzu publikoa behar bezala ematen dela bermatzen bada.
Euskadik % 40 handitu du bere egungo potentzia elektrikoa, eta 16.000 megawatteko edukiera gaindituko du
Hala, "70.000 langilerentzako lana bermatzen da", eta bultzada esanguratsua dakar enpleguarentzat eta egonkortasun ekonomikoarentzat. Eusko Jaurlaritzak 6.000 megawatteko edukiera gehigarria nahi zuen, 18.000 MWetara iristeko.
Zenbateko potentzia elektrikoa behar du Euskadik?
Industria, Trantsizio Energetiko eta Jasangarritasun Sailak 6.000 MW gehiago eskatu ditu bere sarean, helburu industrialak eta deskarbonizazioa betetzeko.
Eusko Jaurlaritzak eta banku-erakundeek gazteentzako lehen etxebizitza eskuratzeko abalen programa jarri dute abian
Kutxabankekin, Laboral Kutxarekin eta Abancarekin ekin zaio programari, oraingoz lankidetza-hitzarmena sinatu dutenekin; baina, zabalik da erakunde gehiagok bat egin ahal izango dutela aurreikusten da. Finantzatu beharreko etxebizitzen erosketa-prezioa ezin izango da 340.000 eurotik gorakoa izan.
Albiste izango dira: Ustelkeriaren aurkako txostena Nafarroan, sare elektrikoari buruzko bilera Madrilen eta Venezuelako ontzi bati erasoa
Gaurkoan Orain-en albiste izango direnen laburpena, bi hitzetan.
Euskal gehiengo sindikalak pentsiodunen mobilizazioarekin bat egin du Herri Ekimen Legegilea izapidetzea eskatzeko
ELA, LAB, ESK, Steilas, Hiru eta Etxalde ere mobilizatuko dira irailaren 20an EAJri eta PSE-EEri beren jarrera "zuzentzeko" eta gutxieneko pentsioa gutxieneko soldatarekin parekatzeko ekimena izapidetzea eskatzeko.
Euskadiko inbertsio elektrikoa aztertzeko bilera izan du Jauregik Espainiako Energia idazkariarekin
Joan Groizard Energiaren Estatu idazkariarekin batzartu da Jauregi, 2025-2030 aldirako elektrizitatea garraiatzeko sarea planifikatzeko proposamenaren barruan sare elektrikoetan egingo den inbertsioari buruz eta horrek Euskadin izango duen eraginaz mintzatzeko.