Lakuntza: "Metalgintza sektorean greba mugagabea da hurrengo urratsa, albait arinen eman beharrekoa"
Mitxel Lakuntza ELA sindikatuko idazkari nagusia Euskadi Irratiko "Faktoria" saioan izan da, Euskal Autonomia Erkidegoan udazken honetan piztu diren lan gatazkei buruz jarduteko. Horietako batzuetan esperotako emaitza jaso dute langileek protestei esker, horregatik, kalera atera eta planto egiteak duen garrantzia azpimarratu du gaurkoan: "Borrokatzen ez bagara, ez dago aukerarik. Grebak egotea guretzat ona da; kontrara, txarra litzateke prekarietatearen aurrean geldi geratu eta erantzunik ez ematea".
Metalgintzaren sektoreak bizi duen "garai txarra" izan du hizpide, besteak beste. Horri buruz esan du greba mugagabea dela hurrengo urratsa. "Testuinguru horrek beste salto bat eskatzen du. Horretarako, baina, batasuna behar dugu. Beharbada berandu gabiltza, ahalik eta azkarren egin beharko baikenuke aukera horren alde", adierazi du.
Inflazioa mintzagai, ELAko idazkariak azpimarratu du prezioek behera egin badute ere, oraindik oso altuak direla; alegia, egoera zail baten aurrean gaudela: "Ezin gara erlaxatu, egoera zaila da oraindik ere".
Bizkaibuseko langileek gaur duten greba egunaz ere mintzatu da, argi utzita administrazioek diru gehiago eman beharko luketela.
Bukatzeko, Osakidetzako lan gatazkaz eta gutxieneko soldataren gainean Espainiako Gobernuak hartutako erabakiaz hitz egin du. Lehen gaiari helduta, Lakuntzak azaldu du jendeak garbi duela Osakidetza ez dela garai batean izan zena. "Kezkatuta gaude inbertsio faltarekin eta zerbitzuak okerrera egin duelako. Ez dago inolako planifikaziorik. Gotzone Sagardui sailburuak ez digu egia esan, aurten iaz baino diru gutxiago bideratu baitute osasungintzara. Mahai sektorialerako deia egiten dugu, baina ez argazkia egiteko soilik, gai zerrenda bat aurkeztu eta benetan negoziatzeko. Behin-behinekotasun handiena duen enpresa publikoa da Osakidetza, hots, EAEn dugun aldi baterako laneko enpresa handiena, behin-behinekotasuna % 40tik gorakoa baita", nabarmendu du.
Bigarren aferari buruz, bestalde, zera azaldu du: "Espainian erabakitzea txarra da guretzat, hemengo errealitatea ezberdina delako. Hartara, 1.400 euroko gutxieneko soldata aldarrikatzen dugu berton".
Zure interesekoa izan daiteke
Balenciaga ontziolako langileek atzera bota dute Abu Dhabi Ports talde arabiarraren azken eskaintza
Pasa den azaroaren 30ean, Balenciaga ontziolak salerosketa akordioa sinatu zuen aipaturiko inbertsio talde arabiarrarekin, 11,2 milioi euroren truke. Salerosketa ixteko, ordea, ezinbesteko baldintza da langileekin akordioa lortzea. Antza denez, langileen erosahalmena bermatuko luketen soldatak dira akordiorako korapilo nagusia.
Talgoren erosketaren ondoren, partzuergoko kideek Rivabellosako fabrika bisitatuko dute
Imanol Pradales lehendakaria eta Jose Antonio Jainaga enpresaria buru zirela, akziodun berriek Talgo enpresak Rivabellosan dituen instalazioak bisitatu dituzte. Denek uste dute operazioa funtsezkoa izan dela enpresaren jarduera eta enplegua sendotzeko, eta etorkizun oparoa iragartzen diote tren-enpresari.
Petronorreko greba bertan behera, enpresak bide judizialari uko egin ostean
Sindikatuek bertan behera utzi dute greba mugagabea, zuzendaritzarekin adostuta, 83 eguneko lanuztearen ondoren.
Europa osoko nekazariek Brusela hartu dute politika bateratuaren eta Mercosurrekiko akordioaren aurka protesta egiteko
Lehen ordutik, milaka traktorek eta nekazarik hiriko auzo europarra blokeatu dute, Europar Batasuneko erakundeen politiken aurka protesta egiteko. Poliziarekin ere istiluak izan dira. Europako nekazaritza-sektorea kontuan hartzeko eta kalterik ez egiteko eskatu dute.
EAEko ekonomiaren hazkundea % 2,1ekoa izango da datorren urtean, Confebasken arabera
Confebaskek aurreikusten du BPGa % 2,1 haziko dela 2026an Euskal Autonomia Erkidegoan, nahiz eta egun dauden "arriskuek" % 1,7 eta % 2,6 arteko tartean egotea eragin dezaketen. Inbertsioan eta enpleguan dinamismo txikiagoa izatea espero du Confebaskek.
Bizumen gaineko kontrol gehiago izango dira 2026an, baina profesionalei eta enpresaburuei eragingo die soilik
Zerga Agentziak ordainketa digitalei buruz jasotzen duen informazioa indartuko du 2026tik aurrera, Bizumekin egindako eragiketak barne, baina neurria jarduera ekonomikora mugatuko da eta ez du eraginik izango partikularren arteko trukeetan.
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarriz gero, haragiaren prezioan eragina izango duelakoan. Alabaina, kasu bakar bat agertuko balitz, etxaldeko abelburu guztiak sakrifikatzea eragingo luke.
Medikuen sindikatuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio gehiago egingo dituztela iragarri dute.
?fmt=webp-alpha&qlt=80)
Nekazarien protestek jarraitzen dute Ipar Euskal Herrian eta Frantzia osoan, dermatosi nodularraren auzia nola kudeatu den eta Mercosurren ituna salatzeko
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.
ELAk, LABek eta Steilasek sektore publikoan euskaraz lan egin eta zerbitzua euskaraz emateko eskubidea bermatzeko eskatu dute
Euskararen aurkako oldarraldi judizialaren aurrean, alderdiei zerbitzu publikoetan euskaraz lan egin eta arreta jasotzeko bermeak emango dituen lege bat exijitu diete. LABek EAJri eskatu dio ausarta izan dadin EH Bilduren proposamena babesteko. ELAk ere uste du EH Bilduren proposamena jeltzaleena baino hobea dela.