Nafarroak bere gain hartuko du egungo trenbidea Landabengo industrialdetik ateratzeko lanen kostua
Foru Erkidegoak bere gain hartuko du momentuz 40 milioi eurokoa den kostua, egungo trenbidea Landabengo industrialdetik ateratzeko eta Volkswagen hartzen duen industria lurra hedatzea ahalbidetzeko. Azpiegitura "estrategiko" hori Adifi emango zaio, linea konbentzionalean barneratu dezan.
Hala jaso du Espainiako eta Foru Erkidegoko gobernuek Adif Estatuko trenbide konexioak kudeatzen dituen enpresa publikoarekin sinatutako akordioan. Enpresa horren arduradunek Landaben eta Arazuri-Orkoien industrialdeen artean trenbide linea berri bat sustatzeko jarduera protokolo orokorra sinatu dute ostegun honetan Iruñean.
Akordioa sinatuta, Raquel Sanchez Garraio, Mugikortasun eta Hiri Agendako ministroak azpimarratu du akordio hori garrantzitsua dela "Nafarroako industria garatzeko eta salgaien trenbideko garraioa bultzatzeko, estrategikoa baita Gobernu honentzat, gure produkzio ereduaren trantsizio ekologikoan duen eraginagatik".
Villafranca-Peralta abiadura handiko tartea, % 80an osatuta
Era berean, Adifek Villafranca-Peralta abiadura handiko zatian egingo dituen 5 kilometroko lanak % 80an daude osatuta eta 2023an amaituko dira, 75,7 milioi euroko inbertsioa egin ondoren.
Ibilbidean, Martzillako biaduktua (854 metro) nabarmentzen da, Zaragoza-Altsasu trenbidearekiko eta NA-228 eta NA-660 errepideekiko bidegurutzea konpontzen duena; eta Aragoi ibaiaren gaineko biaduktua (546 metro), ibaibidea eta uholde sotoa gainditzen dituena, inguruko espezieekiko eragina txikiagotuz, hala nola bisoi europarrarekiko.
Halaber, AP-15 autobidearen gaineko pergola (154 metro) eta "El Montico" deritzon tunel faltsua (394 metro) ere badira, azpiegitura ingurunean barneratzea lortzeko.
Albiste gehiago ekonomia
Euskadik 3.074 langabe gutxiago zenbatu ditu iazko uztailarekin alderatuta, eta 78.743 kontratu berri sinatu dira
Ekainean baino 1.600 langabe gehiago daude, 104.991 guztira. Nafarroan duela urtebete baino 801 langabe gutxiago zenbatu dira, eta Espainiako Estatuan, oro har, 1.357 langabe gutxiago daude eta 21.865.503 kotizatzailera iritsi dira, maximo historiko berri bat.
Kutxabank, Espainiako bankurik kaudimendunena Europako Banku Zentralaren arabera
Erakundeak aise gainditzen du Europako batezbestekoa erresistentzia-testetan, eta Espainiako finantza-sektoreko kapital- eta palanka-adierazle nagusien buru da.
Ardo-ekoizleek AEBko muga-zergen eragin handiaz ohartarazi dute: "Ardoa % 50 garestituko da"
Mariasun Saenz de Samaniegok (Ostatu) Europako ardoaren garestitzeaz ohartarazi du, eta merkatu berriak bilatzeko deia egin du, Estatu Batuetan salmentak galduko direlako.
BBVAk 5.447 milioi euro irabazi ditu ekainera arte, % 9,1 gehiago, Espainian eta Mexikon izandako negozioari esker
Entitateak merkatuaren aurreikuspenak gainditzeaz gain, datozen urteetarako aurreikuspenak hobetu ditu, Sabadell erosteko eskaintza publikoaren harpidetza irekitzeko atzerako kontaketa bete-betean murgilduta dagoela. Hala ere, erakundeak ez du baieztatzen abiaraziko dutenik eta atzera egiteko aukera zabalik uzten du.
Bruselak baieztatu du ardoak AEBn % 15eko muga-zerga izango duela ostiraletik aurrera
Arabako Errioxarentzat, Ameriketako Estatu Batuak oso garrantzitsuak dira, bigarren merkatua baita bolumenari dagokionez eta lehena balioari dagokionez. Horregatik, Amaia Barredo Nekazaritza sailburuak "bide diplomatikoa eta negoziazioa azken minutura arte agortzea" eskatu du, ardoa salbuespena izan dadin.
ArcelorMittalen mozkinak % 80 handitu dira mundu mailan, 2.268 milioi euroraino
Sestaon, Basaurin, Legution, Agurainen, Olaberrian, Bergaran, Berriobeitin, Legasan eta Lesakan fabrikak dituen taldeak 2025eko bigarren hiruhilekoari dagokion txostena argitaratu du.
Gorenak arrazoia eman dio Bizkaiko Ogasunari BEZaren auzian, eta Euskadik 700 milioi euro berreskuratuko ditu
Gorenak eman berri du Coca-Cola enpresaren BEZa dela eta Foru Ogasunak eta Estatukoak zuten desadostasunari buruzko epaia. Horrelako kasuetan BEZa nork bildu behar duen zegoen auzibidean, eta ebatzi du Bizkaiak egin behar duela.
Elkarretaratzea egingo dute ostegunean Gasteizko Mercedesen, bederatzi orduko lanaldien aurka
Enpresak bederatzi orduko bi lanaldi ezarri zituen martxoan. CCOOk salatu duenez, eredu horrek "kontziliazioa eta atsedena erabat bazter uzten ditu".
Gehiengo sindikalak 100.000 sinaduratik gora bildu ditu gutxiengo soldata propioaren alde, eta abuztuan eramango ditu Legebiltzarrera
ELA, LAB, ESK, Steilas, Hiru eta Etxalde sindikatuek "arrakasta ikaragarritzat" jo dute kanpaina, eta ezarritako epea agortu baino itxi dute lehen sinadura-bilketa, "Eusko Legebiltzarrak gutxiengo soldataren eskumena lehenbailehen eska dezan".
Zuiako bizilagunek mila alegazio aurkeztu dituzte Solariaren proiektuen aurka
Aurkeztutako argudioen arabera, eraiki nahi diren parke fotovoltaikoak "mehatxu larria dira natura-ingurunearentzat, gizarte-ehunarentzat eta tokiko ekonomiarentzat".