Justizia Administrazioko letraduen greba jarraipen ezberdina izaten ari da EAEn eta Nafarroan
Espainiako Estatuko Justizia Administrazioko letraduak (arestian idazkari judizialak zirenak) greba mugagabera daude deituta gaurtik aurrera, soldata igoerak eta negoziazio kolektiborako eskubidea eskatzeko. Greba jarraipen ezberdina izaten ari da Araban, Bizkaian, Gipuzkoan eta Nafarroan: % 70ekoa Araban, % 51koa Bizkaian, % 45ekoa Nafarroan eta % 30ekoa Gipuzkoan.
Justizia Administrazioaren Letraduen Batasun Progresistak (UPSJ) zabaldutako datuen arabera, grebaren jarraipea handiagoa izan da epaitegi txikietan, eta, aldiz, gutxiago nabaritu da Bilboko, Donostiako eta Gasteizko Justizia Jauregietan.
Euskal Autonomia Erkidegoan Justizia Administrazioko 210 letradu daude greba egitera deituta (Estatuan 4300 profesional daude deituta): 120 Bizkaian, 60 Gipuzkoan eta 30 Araban.
Lanuztearen ondorioz, dozenaka epaiketa bertan behera gelditu dira. Esther Urrutia Gernikako lehen epaitegiko letraduak Euskadi Irratiari azaldu dionez, profesional horiek gabe ezin da ahozko epaiketarik egin, ezta ebazpenak eman ere (eurek ematen dute erabakien fede). Baina bada gehiago, "espedienteetan ezingo da erabakirik hartu, guk fede ematen ez dugulako; epaileak ezingo du erabakirik jakinarazi eta ezingo dira errekerimenduak bideratu", argitu du.
Soldata igoerak eta negoziazio kolektiborako eskubidea
Espainiako Estatuan hiru elkartek deitu dute greba: Justizia Administrazioko Letraduen Elkargo Nazionala (CNLAJ), Justizia Administrazioaren Letraduen Batasun Progresista (UPSJ) eta Justizia Administrazioaren Letraduen Elkarte Independentea (AINLAJ). Aspaldikoa da Espainiako Gobernuarekin zabalik duten gatazka, eta iaz ere lanuzteak egin zituzten. Justizia Ministerioak zehaztu duenez, kolektiboak dituen 11 aldarrikapenetatik bakarra dago bete gabe: produktibitate sistema berrikustea eta ibilbide profesionalaren osagarria zehaztea.
Deitzaileek soldata igoera eskatu dute, azken urteotako lege erreformek funtzio berriak eman dizkietela argudiatuta. Justizia Ministerioarentzat, ordea, soldata igoeraren eskakizuna "lekuz kanpo" dago, eta hiru urteotan % 14,76 igoko omen zaie soldata.
Justizia Ministeriotik jakinarazi dutenez, letradu batek, batez beste, 39.011-59.537 euroko urteko soldata du, ordainsari aldakorra kontuan hartu gabe. "Hori guztia kontuan hartuta, profesional horiek maila bereko Estatuko administrazioko funtzionarioek baino % 79-140 gehiago kobratzen dute".
"Greba horrek ez du lan arrazoirik atzean, motibazio politikoa du", esan zuen atzo Tontxu Rodriguez Justiziako Estatu idazkariak eta letraduei herritarrak "gatibu" ez hartzeko eskatu zien.
Zure interesekoa izan daiteke
Sindikatuek irmotasuna eskatu diote errektoreari, EHUren "azpifinantziazioaren" aurrean
Sindikatuek errektoretza-taldeari eskatu diote presioa egin diezaiola Eusko Jaurlaritzari finantzaketa handitzeko eta EHUko irakaskuntza eta lan-baldintzak ez hondatzeko.
Sestaoko Arcelor Mittaleko langile batek zauri larriak ditu beso batean, lanerako tresna bat gainera erorita
ELA sindikatuak lantegian ezbeharrak behin eta berriz gertatzen direla salatu du, eta langileen segurtasuna bermatzeko prebentzio neurri “erreal eta eraginkorrak” eskatu ditu.
De Guindosen esanetan euroguneko ekonomia uste baino hobeto doa eta interes-tasen maila egokia da
Europako Banku Zentraleko presidenteordearen hitzetan, Espainiako ekonomia, hazkundeari dagokionez, "ondo doa", % 3 inguruko mailarekin, gaur egun eurogunerako EBk proiektatzen duena (% 1,3 aurten) baino askoz ere maila altuagoan. Adierazi duenez, hazkunde horren atzean inmigrazioaren ondoriozko biztanleriaren hazkunde "oso garrantzitsua" dago, eta ohartarazi duenez, egungo eskaerari aurre egiteko horren beharrezkoa den "alokairuko etxebizitzaren eskaintza mugatzen ari da erregulazioa".
ELAk eta LABek Euskal Autonomia Erkidegoko Justizia Auzitegira eraman dute Confebask, soldata minimoaren alde
Sindikatuek dagoeneko formalizatu dute Confebasken aurkako demanda, Euskal Autonomia Erkidegoko Justizia Auzitegian aurkeztutakoa, patronalak Euskadirako gutxieneko soldata propio bat negoziatzeari uko egin diola iritzita.
Europako Inbertsio Bankuak 1700 milioirekin finantzatuko ditu Burgos-Gasteiz abiadura handiko trenbideko lanak
Adifen eta EIBren arabera, finantzaketa horrek bultzada "berri eta garrantzitsua" emango dio Iberiar Penintsula Europako gainerako lurraldeekin lotuko duen trenbide bidezko konexioari.
Langile bat larri zauritu da Azpeitian, eraikuntza lanetan ari zela altueratik erorita
Lan-istripua 11:45 aldera gertatu da, Iñaki Azpiazu kalean, eta 44 urteko langilea Donostia Ospitalera eraman dute.
Jaurlaritzak etxejabeentzako aseguru publiko ezartzea bat bultzatu du, erreferentziazko prezioen indizearen araberako alokairuak sustatzeko
Itxaso sailburuak azaldu duenez, Aloka+ programa berriaren bitartez "etxebizitza alokairu-merkatura ateratzeko zalantzak dituzten jabeei segurtasuna eman nahi zaie". Izan ere, aseguru publiko eta doakoa bermatuko zaie etxejabeei, maizterrek ordaintzen ez dutenerako eta kalte materialei aurre egin ahal izateko.
Hil egin da Igantzin traktorearekin istripua izan eta larri zauritu zen gizona
Ezbeharra atzo gertatu zen, 14:08 aldera, Bordako soroan. Gizona traktore txiki batekin ari zen lanean, istripua izan zuen eta ibilgailuak harrapatu egin zuen. Ezbeharraren ondorioz, beharginak zauri larriak zituen.
ENBAk eta EHNEk hegazti gripeari "zorroztasun zientifikoarekin" aurre egiteko eskatu dute, ez "neurri politikoekin"
Nekazarien elkarteen ustez, “hein handi batean landakoa, estensiboa eta ekologikoa” den Euskadiko ekoizpen-sisteman itxialdiak “gaixotasunak zabaltzeko arriskua” dakar.
Euskal taxilariek Bilbo erdigunea kolapsatu dute VTCen "inpunitatea" salatzeko
Kolektiboak hiru orduko lanuzteak egin ditu eta manifestazioa ere egin dute Bilboko kaleetan, Udaletxearen aurrean amaituta. VTC zerbitzuen "lehia bidegabea" salatu dute.