Miren Echevestek deitoratu du Euskadi eta Madril lehian dabiltzala multinazionalak eta aberatsak erakartzeko
Fiskalitatearen inguruko EITB DATA txostenaren arabera, Euskal Autonomia Erkidegoko Barne Produktu Gordinaren (BPG) bostena bideratzen da zergak ordaintzera eta presio fiskala Espainiako eta Europako bataz bestekoen azpitik dago. Euskadi Irratiko "Faktoria" saioan egin dioten elkarrizketan, fiskalitateaz galdetu diote Miren Echeveste Ahal Duguren Gipuzkoako ahaldun nagusigaiari, eta deitoratu du Euskadi eta Madrilgo Erkidegoa beti lehian dabiltzala multinazionalak eta aberatsak erakartzeko. "Ezin dugu hainbesteko begirunea izan horrelako multinazional erraldoiekin, beraien helburua ez da inoiz soziala, ez da lanpostuak zaintzea, langileen duintasuna zaintzea, beren helburu bakarra da urtero irabaziak handitzea eta helburua betetzen ez dutenean segituan joaten dira beste herrialde batera", gaineratu du.
Horren arabera, EAJren eta PSE-EEren zerga eredua "ez da bidezkoa, progresiboa eta justua" eta aldatu egin behar da. "Uste dugu garrantzitsua dela buelta bat ematea, gure helburua ezin da izan Isabel Diaz Ayusorekin lehian ibiltzea", adierazi du.
Miren Echevesteren iritziz, zerga sistema goitik behera aldatu behar da. "Zerga sistema honetan gure instituzioek diru sarrerak jasotzen dituzte batez ere gehiengo sozialetik, langileen errentetatik eta ez hainbeste kapitalaren eta dirudunen errentetatik eta sozietate zergatik, eta horiek ukitu behar dira", nabarmendu du.
Ahal Duguko hautetsiak begi onez ikusten du zerga sistema aldatzeko EAJk eta PSE-EEk hartu-emanak hasi izana, baina hauteskunde kutsua hartzen dio iragarpen horri eta galdetu du zergatik ez zioten eztabaidari heldu duela urtebete edo duela hilabete batzuk. Gainera, salatu du ez diotela erreformaren mamiari helduko hauteskundeak igaro arte eta ez dutela beren asmoen inguruko xehetasunik eman.
Zure interesekoa izan daiteke
Eusko Jaurlaritza, Gipuzkoako Foru Aldundia eta Papresako batzordea gaur arratsaldean bilduko dira, CL Groupen eskaintzaren ostean
Hitzordua arratsaldean izango da, Gipuzkoako Foru Jauregian, Extremadurako enpresak Errenteriako paper-fabrika 39 milioi euroren truke erostea planteatu baitu, plantillaren % 72ri eutsita. Langileek aurreratu dute ez dutela proposamena onartuko.
Egunean 188.000 petrolio upel gehiago ekoitziko ditu OPEP+ aliantzak ekainetik aurrera
Bestalde, merkatuaren egoera gertutik aztertzen jarraitzeko konpromisoa hartu dute aliantza osatzen duten herrialdeek, eta berretsi dute garrantzitsua dela "ikuspegi zentzuduna" izatea, "baita ekoizpenaren doikuntza handitzeko, gelditzeko edo kentzeko malgutasuna izatea ere".
Pentsiodunek gutxieneko pentsioak LGSra arte osatzea eskatuko dute berriz ere datorren ostegunean Gasteizen
Mobilizazio horrekin, Eusko Jaurlaritzari eta Legebiltzarrari gogorarazi nahi diete "ezin dela denbora gehiagoz luzatu gutxieneko pentsioen osagarria LGSraino iristeko konpromisoa, are gehiago bizitzaren kostua nabarmen garestitzen ari denean", defendatu dute pentsiodunek.
Euskal langileria kalera atera da Maiatzaren Lehenean
ELA eta LAB deialdi bereizietan atera dira kalera, ESK eta LSB-USO bezala; CCOO eta UGT, aldiz, elkarrekin mobilizatu dira.
Gutxieneko soldata propioa ezartzeko aldarriarekin "jarrera argia" eskatu dio ELAren idazkari nagusiak lehendakariari
1.500 euroko gutxieneko soldata propioa ezartzeko “patronala interpelatzen eta presionatzen” jarraitzeko prest agertu da Mitxel Lakuntza. Eskubide sozialen alde egiteaz gain, euskaraz bizitzeko eta lan egiteko eskubidea ere aldarrikatu du ELA sindikatuaren idazkari nagusiak.
Berdelaren kostera txarraren eragina arintzea lortu da, eta antxoaren bilakaera "hobea" izan da Euskadin
Arrantza-sektoreko ordezkariak kezkatuta agertu dira berdelaren egoerarekin, eta berreskuratze-neurrien beharra aztertzeko eskatu dute. Ildo horretatik, antxoari ezarritako kudeaketa-ereduaren eragin positiboa nabarmendu dute.
Maiatzaren 1eko mobilizazioetan, LGS propioa, pentsio eta soldata "duinak" eta etxebizitza eskubidea aldarrikatu dituzte
ELA eta LAB bakoitza bere aldetik atera dira kalera, ESK eta LSB-USO bezala; CCOO eta UGT, aldiz, elkarrekin mobilizatu dira. Alderdi politikoek ordezkariak bidali dituzte deialdi horietako askotara.
Lan eskubideak arriskuan daudela ohartarazi du Anduezak, eta Euskadiko LEPetako euskara eskakizunak kritikatu ditu
PSE-EEko buruaren esanetan, langileak mehatxupean daude eskuin eta ultraeskuinaren eta nazioarteko gerren ondorioz, baita EAJk eta EH Bilduk enplegu publikoan dituzten politiken ondorioz ere.
Tubos Reunidoseko langile talde batek Amurrioko greba mugagabeari buruzko erreferenduma egitea eskatu du
Enpresa batzordeak deituta, martxoaren 15etik daude greba mugagabean Amurrioko lantegian. ELAk, LABek eta ESK-k babestu zuten lanuztea, eta CCOO eta UGT kontra agertu ziren. Azken horiek hasieratik eskatu dute grebari buruzko erabakia erreferendumean hartzea.
Behargin bat hil da Zamudion, lan-istripuz
Langileak 61 urte zituen. Ezbeharra ostegun goizean gertatu da, Ugaldeguren industrialdean, eta biktima bertan hil da, osasun-zerbitzuek esku hartu duten arren. ELAk lan-istripua salaktzeko elkarretaratzea deitu du maiatzaren 5erako.