Hamar zuzendaritza-postutik hiru bakarrik betetzen dituzte emakumeek Hego Euskal Herrian
Oraindik ere, hamar zuzendaritza-postutik hiru bakarrik betetzen dituzte emakumeek Nafarroako eta Euskal Autonomia Erkidegoko enpresetan, EITB Datak egiaztatu duenez. Foru Erkidegoaren kasuan, zuzendaritza-postuen % 35 bakarrik betetzen dituzte emakumeek. EAEn, aldiz, datua zertxobait txikiagoa da: % 34.
Datuok agerian utzi dute, horrenbestez, oraindik desagertu ez den "kristalezko sabaia", andrazkoak zuzendaritzako postuetan edo enpresen administrazio kontseiluetan egotea oztopatzen duena.
Espainiako Estatuan, batez beste, % 35 dira, eta Madril (% 38), Errioxa (% 37), Balear Uharteak (% 37) eta Katalunia (% 36) erdigoetan bakarrik dira gehiago. Hala ere, IBEX 35eko konpainietan emakumeen kopurua nabarmen handitu da 2015 eta 2021a bitartean, % 18tik % 34ra igaro baita.
Europar Batasunean (EB), ere, batez beste, % 35 dira, baina estatu kide batzuetan emakumeen presentzia handiagoa da administrazio kontseiluetan eta konpainien postu garrantzitsuetan. Hala, hamarretik lau dira Eslovenian (% 45,1), Suedian (% 41,8) eta Frantzian (% 40).
Nolanahi ere, lanpostu horietan dauden emakumeen kopurua ez da erdira iristen EBko ezein estatu kidetan. Are gehiago, hamar zuzendaritik bi baino ez dira emakumeak Danimarka, Alemania, Italia, Txekiar Errepublika eta Herbehereetan.
Zure interesekoa izan daiteke
LABek bertan behera utzi ditu Nafarroako ikuskizunen sektoreko bi greba egunak, negoziazioari berriro ekin ondoren
Gabonetako erosketen ondorioz, abenduan ohi baino % 23 gehiago gastatzen dute familiek
Itoiztik Erriberara: 354 milioi euro Nafarroako ubidearen proiekturako
Espainiako Gobernuak soldaten sekretuarekin amaitu du
Eusko Jaurlaritzak aurrekontuen negoziazioa amaitutzat eman du, oposizioarekin akordiorik lortu gabe
Aurtengo iraila azken hamar urteetako onena izan da esportazioei dagokienez, Jaurlaritzaren arabera
Adifen arabera, grebak % 6,04ko eragina izan du Euskadin goizeko txandan, eta % 15,56koa gauekoan