Bihar "herrialdea geldiarazteko" deia egin dute sindikatuek, Macronen pentsio erreformaren kontra
Frantziako Estatuko sindikatu nagusiek bihar, martxoaren 7an, "herrialdea geldiarazteko" deia egin dute, beste behin, Emmanuel Macronen gobernuak egin asmo duen pentsioen erreformaren kontra egiteko. Urtarriletik egiten duten seigarren mobilizazio handia da, eta, aurrekoetan bezala, jarraipen zabala eta eragin handia espero dira garraio publikoan, hezkuntzan edota bestelako sektore estrategikoetan.
Estatu osoan, 300 manifestaziotik gora daude deituta, eta sindikatuen kalkuluen arabera, milioi bat eta milioi bat eta erdi pertsona bilduko dira protestotan. Baionan, 10:30erako egin dute deialdia, Santa Ursula plazatik abiatuta. Horrez gain, beste manifestazio bat egongo da martxoaren 8an (Merkatu plazatik, 15:00etan).
Grebak trabak eragingo ditu garraio publikoan. SNCF tren konpainiak iragarri duenez, TGV abiadura handiko trenen % 80 eta ibilbide luzeko gainerako ohiko tren ia guztiak bertan behera geratuko dira.
Nazioarteko zerbitzuan, ez da trenik ibiliko Paris-Bartzelona eta Frantzia-Alemania lineetan. Gainerakoan, honela geratuko da zerbitzua: Italiarekin loturan, joan-etorriko bakarra, eta Suitzarekin lotunea egiten duten trenen % 20 bakarrik.
Londresera joateko, Eurostar trenen bi heren ibiliko dira, eta Brusela-Paris ibilbidean, Thalys trenen bi heren.
Parisko aldiriko trenetan ere, asko murriztuko dute zerbitzua (ohiko zerbitzuaren heren baten eta bosten baten artean mantenduko dute), eta litekeena da oso zaila izatea metropolian mugitzea.
Metroan ere, antzera. RATP konpainiaren arabera, bi metro linea automatikotan (1 eta 14) ohiko zerbitzua egongo da. Besteetan, jende gehien dabilen orduetan (goizean goiz eta arratsaldean) bakarrik ibiliko dira trenak (unitateen erdia edo laurden bat, linearen arabera). Linea batzuetan, metroek ez dute ibilbide osoa egingo.
Halaber, kamioilariek ere, igandetik aurrera, errepide batzuk blokeatuko dituztela iragarri dute. Industriagune eta plataforma logistiko inguruetan, ohi baino astiroago mugituko dira, ilarak sortzeko asmoz.
Hegaldiei dagokienez, aire-kontrolatzaileen grebaren ondorioz —gutxieneko zerbitzuak dituen bakarrenetarikoa— aire-konpainiek programatutako hegaldien kopurua asko murriztu beharko dute. Abiazio Zibileko Zuzendaritza Nagusiak aurreratu duenez, Paris Charles de Gaulle aireportuko hegaldien % 20 bertan behera geratuko dira, eta Orlyn, % 30.
Gainera, energiaren sektorea, gas eta argindar ekoizpena, greban dago ostiraletik. Lanuzteen ondorioz, argindar tentsioan murrizketak egon dira, baina oraingoz ez diete erabiltzaileei eragin.
Portuetan, findegietan eta beira fabriketan ere lanuzteak daude deituta.
Gainera, hezkuntza alorreko zazpi sindikatuek "eskolak, kolegioak, lizeoak eta zerbitzuak (tartean, jantokiak) guztiz ixteko" deia egin dute.
Protestak gorabehera, erreforma izapidetzen jarraitzen dute
Sindikatuon asmoa da Emmanuel Macron Frantziako presidentearen gobernuaren erreforma bertan behera geratzea. Mobilizazioak mobilizazio, egitasmoa Senatuan izapidetzen jarraituko dute. Langileen ordezkariak kontra edukitzeaz gain, ezkerreko alderdien eta eskuin muturrekoen kritikak jaso ditu erreformak.
Herritarrak ere, oro har, aurka daude. Igandean kaleratutako azken inkestaren arabera, itaundutakoen % 68 kontra daude, eta % 32 bakarrik daude alde.
Albiste gehiago ekonomia
Euskadik 3.074 langabe gutxiago zenbatu ditu iazko uztailarekin alderatuta, eta 78.743 kontratu berri sinatu dira
Ekainean baino 1.600 langabe gehiago daude, 104.991 guztira. Nafarroan duela urtebete baino 801 langabe gutxiago zenbatu dira, eta Espainiako Estatuan, oro har, 1.357 langabe gutxiago daude eta 21.865.503 kotizatzailera iritsi dira, maximo historiko berri bat.
Kutxabank, Espainiako bankurik kaudimendunena Europako Banku Zentralaren arabera
Erakundeak aise gainditzen du Europako batezbestekoa erresistentzia-testetan, eta Espainiako finantza-sektoreko kapital- eta palanka-adierazle nagusien buru da.
Ardo-ekoizleek AEBko muga-zergen eragin handiaz ohartarazi dute: "Ardoa % 50 garestituko da"
Mariasun Saenz de Samaniegok (Ostatu) Europako ardoaren garestitzeaz ohartarazi du, eta merkatu berriak bilatzeko deia egin du, Estatu Batuetan salmentak galduko direlako.
BBVAk 5.447 milioi euro irabazi ditu ekainera arte, % 9,1 gehiago, Espainian eta Mexikon izandako negozioari esker
Entitateak merkatuaren aurreikuspenak gainditzeaz gain, datozen urteetarako aurreikuspenak hobetu ditu, Sabadell erosteko eskaintza publikoaren harpidetza irekitzeko atzerako kontaketa bete-betean murgilduta dagoela. Hala ere, erakundeak ez du baieztatzen abiaraziko dutenik eta atzera egiteko aukera zabalik uzten du.
Bruselak baieztatu du ardoak AEBn % 15eko muga-zerga izango duela ostiraletik aurrera
Arabako Errioxarentzat, Ameriketako Estatu Batuak oso garrantzitsuak dira, bigarren merkatua baita bolumenari dagokionez eta lehena balioari dagokionez. Horregatik, Amaia Barredo Nekazaritza sailburuak "bide diplomatikoa eta negoziazioa azken minutura arte agortzea" eskatu du, ardoa salbuespena izan dadin.
ArcelorMittalen mozkinak % 80 handitu dira mundu mailan, 2.268 milioi euroraino
Sestaon, Basaurin, Legution, Agurainen, Olaberrian, Bergaran, Berriobeitin, Legasan eta Lesakan fabrikak dituen taldeak 2025eko bigarren hiruhilekoari dagokion txostena argitaratu du.
Gorenak arrazoia eman dio Bizkaiko Ogasunari BEZaren auzian, eta Euskadik 700 milioi euro berreskuratuko ditu
Gorenak eman berri du Coca-Cola enpresaren BEZa dela eta Foru Ogasunak eta Estatukoak zuten desadostasunari buruzko epaia. Horrelako kasuetan BEZa nork bildu behar duen zegoen auzibidean, eta ebatzi du Bizkaiak egin behar duela.
Elkarretaratzea egingo dute ostegunean Gasteizko Mercedesen, bederatzi orduko lanaldien aurka
Enpresak bederatzi orduko bi lanaldi ezarri zituen martxoan. CCOOk salatu duenez, eredu horrek "kontziliazioa eta atsedena erabat bazter uzten ditu".
Gehiengo sindikalak 100.000 sinaduratik gora bildu ditu gutxiengo soldata propioaren alde, eta abuztuan eramango ditu Legebiltzarrera
ELA, LAB, ESK, Steilas, Hiru eta Etxalde sindikatuek "arrakasta ikaragarritzat" jo dute kanpaina, eta ezarritako epea agortu baino itxi dute lehen sinadura-bilketa, "Eusko Legebiltzarrak gutxiengo soldataren eskumena lehenbailehen eska dezan".
Zuiako bizilagunek mila alegazio aurkeztu dituzte Solariaren proiektuen aurka
Aurkeztutako argudioen arabera, eraiki nahi diren parke fotovoltaikoak "mehatxu larria dira natura-ingurunearentzat, gizarte-ehunarentzat eta tokiko ekonomiarentzat".