Ia 300 pertsona atxilotu dituzte Frantzian, pentsioen erreformaren kontrako enegarren protesta gauean
Guztira 287 pertsona atxilotu dituzte bart gauean Frantzia osoan izandako protesta eta istilu larrietan. Milaka herritar kalera atera dira beste gau batez pentsioen erreformaren kontra egiteko, Frantziako Gobernuak haren kontrako bi zentzura mozioak ozta-ozta gainditu ostean (bederatzi boto eskasengatik).
Poliziak egindako behin betiko kontaketaren arabera, 234 pertsona atxilotu dituzte Parisen eta 53 Frantziako beste hiri batzuetan. Atxilo hartutakoei istiluak sortzea eta hiriko altzarien kontra egitea egotzi diete. Oposizioak, ordea, salatu du modu baketsuan protestan ari zirenak ere atxilotu dituela Poliziak, tartean Frantzia Intsumisoko kideak.
Parisen, ehunka lagun batu dira Les Invalides inguruan eta Asanblea Nazionaletik gertu (han eztabaidatu dituzte zentsura mozioak) eta Polizia oldartu zaienean, inguruko kaleetatik barreiatu dira. Batzuek istiluak sortu dituzte Montmartre, Opera edo Louvre inguruetan.
Jean-Luc Melenchon Frantzia Intsumisoko buruzagiak "atxiloketak berehala eteteko" deia egin du. "Bart ehunka manifestari baketsu atxilotu ditu Poliziak indarra erabilita eta modu arbitrarioan. Besteak beste, Emma Fourreau Gazte Intsumisoen arduraduna eta Laurent Abrahams Frantzia Intsumisoko ekintzailea. Atxiloketak gelditzeko eta atxilotutakoak askatzeko eskatzen dugu!", esan du Melenchonek Twitterren.
Parisen ez ezik, Frantziako beste hiri batzuetan ere izan dira manifestazio eta istiluak. Marseillan, Le Figaro egunkariak Poliziaren iturriak aipatuta jakinarazi duenez, Prefekturan sartzen saiatu dira manifestariak, baina Poliziak eragotzi du, kargak eginez. Kalapitak jazo dira Tolosan eta Bordelen. Azken honetan negarra eragiteko gasak erabili dituzte agenteek, manifestariak sakabanatzeko. Protestak izan dira, halaber, Montpellierren (hegoaldea), Nancyn eta Estrasburgon (ipar-ekialdea), Dijonen (ekialdea) eta Rennesen (ipar-mendebaldea).
Erregai eskasiari aurre egiteko, esku hartzea
Frantzia hego-ekialdeko gasolina zerbitzugune batzuk erregairik gabe geratu direla eta, Frantziako Gobernuak esku hartu du eta lanera itzultzeko agindu die Fos-sur-Mer biltegiko grebalari batzuei. 48 orduko tartean lan egin beharko dute, erregaiaren hornidura bermatzeko.
Proventza-Alpeak-Kosta Urdina eskualdea erregaiz hornitzen ditu Fos-sur-Merreko azpiegiturak, baita Akitania ekialdea ere (Ipar Euskal Herrian ez omen dute eskasiarik, oraingoz). Gainera, Lyonera doan oliobidea bertatik ateratzen da.
Giro honetan, TF1 eta France 2 telebista kateei elkarrizketa eskainiko diela jakinarazi du Emmanuel Macronek. Bihar izango da, asteazkenarekin, gobernuan aldaketaren bat egingo duen argitu eta biharamunean.
Izan ere, Macronek Elisabeth Borne lehen ministroa eta beste hainbat ministro hartu ditu gaur goizean, Eliseoan. Aukeren artean, gobernuan eraldaketa sakona egitea, Borne bera kargutik kenduta. Bazkalorduan, berriz, Asanblea Nazionaleko eta Senatuko bi presidenteak hartuko ditu Frantziako presidenteak. Arratsaldean, gobernua babestu duten alderdietako buruekin bilduko da Macron.
Zure interesekoa izan daiteke
Milioi bat euroko zigorra ezarri diote AVIS enpresari, trafiko isunengatik bezeroei kudeaketa gastuak kobratzeagatik
Autoak alokatzen dituen enpresak 33,88 eta 45 euro arteko errekargua aplikatzen du isunaren ordainketa kudeatzeagatik eta administrazioari arau-hauslearen nortasuna jakinarazteagatik.
51 urteko langile bat hil da Iurretan, paper-enpresa batean
Sorospen-dispositiboan parte hartu duten Ertzaintzako bi agente bertan artatu behar izan dituzte osasun-langileek, isuritako gasak arnastuta intoxikatu baitira.
Sopela eta Urduliz bizitegi-merkatuko gune tentsionatu izendatu ditu Eusko Jaurlaritzak
Bizkaiko bi udalerriek urtarrilean eta otsailean eskatu zuten izendapena, eta hiru urteko hasierako indarraldia izango du, luzatzeko aukerarekin.
Espainiako Gobernuak diesela 20 zentimo jaitsiko du irailean, uztailean prezioak gora egin ostean
KPIa lau hamarren igo da uztailean, % 3,6raino Espainia osoan, erregaien eta elektrizitatearen garestitzeak bultzatuta. EAEn, hazkundea bost hamarrenekoa izan da, % 3,7raino. Nafarroan, aldiz, zazpi hamarrenekoa, % 3,4ra arte.
HLREk Megapark merkataritza-gunea saldu dio NEPI Rockcastleri, 254 milioi euroren truke
Akordio honek, NEPI Rockcastlek Europako merkataritza-zentroen sektorean duen presentzia indartuko du, eta Bizkaian erreferentziazko aktibo nagusietako bat gehituko dio bere merkataritza-ondareari.
Euskadiko ikuskizunetako teknikariek grebari eutsi diote, lehen hitzarmen kolektiboaren negoziazioa blokeatuta dagoela salatuta
Lanuzteek abuztuaren 14an eta 26an jarraituko dute, Donostiako eta Bilboko jaiekin bat eginez.
Euskal erakundeek bazka erosketa bateratua egingo dute abeltzaintza ustiategi txikienei laguntzeko
Abuztuan egingo dute erosketa, lehorteak gogorren jo dituen ustiategien benetako beharrak zehazteko inkesta egin ondoren. Dirulaguntza zuzenak, berriz, urte amaieran aztertuko dituzte.
Ikuskizunetako teknikarien grebaren deitzaileak pozik agertu dira lanuzteak izan duen jarraipenarekin
Teknikariok, ESK, LAB, UGT, CCOO, ELA eta CNT Euskal Autonomia Erkidegoko ikuskizunen lehen hitzarmena negoziatzen ari dira, eta patronalari eskatu diote elkarrizketei berriro ekiteko, urtebete baitaramate blokeatuta. Aldi baterako kontratuak, lanaldi oso luzeak, legez ezarritako atsedenaldiak ez errespetatzea, jaiegunetan zein gaueko ordutegian plusik ez jasotzea eta lana eta bizitza pertsonala uztartzeko zailtasunak dituztela salatzen dute.
Langabeziak gora egin du uztailean Euskadin eta Nafarroan: 1.378 eta 534 langabe gehiago dago, hurrenez hurren
Euskadin uztailean 105.590 enplegu-eskatzaile egon dira, ekainean baino 1.378 gehiago. Nafarroan, berriz, 534 langabe gehiago izan dira, 28.843. Eusko Jaurlaritzaren arabera, datu hori hainbat langile lan-merkatuan sartzearekin lotuta dago.
Bizkaiko Golkoa eta Frantzia lotuko dituen goi tentsioko linearako kablea jartzen hasi dira, Lemoiz parean
Bizkaiko Golkoaren eta Frantziaren arteko interkonexio elektrikoa gertuago dago. Goi tentsioko linea honek Gatika eta Bordeletik gertu dagoen Cubnezais batuko ditu eta 276 kilometroko tartea egingo du ur azpian. Ekosistemari kalterik egingo ez zaiola ziurtatzeko, Aztik gainbegiratuko ditu lanak.