Istiluak izan dira pentsioen erreformaren aurkako manifestazio jendetsuetan, Frantziako hainbat hiritan
Parisko pentsioen erreformaren aurkako protestan manifestarien eta segurtasun indarren arteko liskarrak izan dira, baita hiri-altzarien eta erakusleiho komertzialen suntsiketa ere. Hiriburuan bezala, istiluak Estatuko beste hiri batzuetan ere izan dira, hala nola Rennes, Nantes, Bordele edo Lorient hirietan. Istiluetan 149 jendarme zauritu dira, eta 172 pertsona atxilotu dituzte, Gerald Darmanin Barne ministroak emandako datuen arabera.
Beltzez jantzitako eta aurpegia kaputxaz estalitako pertsonak ehunka metro batzuk egin dituzte protesta sindikalaren aurretik, eta objektuak bota dituzte jendarmeen aurka. Poliziek gas negar-eragileekin erantzun dute Bastilla plazaren eta martxa bukatu behar zen Operaren artean.
Zenbait tokitan, manifestariek suteak eragin dituzte, bi aste baino gehiago iraun duen grebaren ondorioz kaleetan pilatutako zaborra aprobetxatuz. Ondorioz, suhiltzaileek esku hartu behar izan dute.
Oro har, manifestazio baketsua izan da, 800.000 parte-hartzailerekin, CGTren lehen datuen arabera. Kopuru hori 119.000ra jaitsi du Barne Ministerioak.
Sindikatuetako buruzagi nagusiek istiluetatik aldendu eta gaitzetsi egin dituzte, eta Emmanuel Macron presidenteari leporatu diote manifestazioen indarra gutxiesteko liskarrak baliatzea.
Frantziak bederatzigarren protesta eguna izan du gaur, Gobernuaren aurkako bi zentsura-moziok porrot egin ostean, astelehenean onartu zuten erretirorako gutxieneko adina bi urtez (64 urte arte) atzeratzen duen lege testu baten aurka.
Beste mobilizazio egun bat datorren asteartean
Frantziako sindikatuek mobilizazio egun berri bat deitu dute hilaren 28rako, hamargarrena. "Mugimendu sindikalak lan-mundua eta gazteria erreforma bertan behera uzteko prest daudela erakusten du", adierazi dute sindikatuek, Frantziako Estatuan deitutako 300 elkarretaratzeetan 3,5 milioi pertsona manifestatu diren egunaren ostean.
Sindikatuek iragarri zuten ez dutela protesta bertan behera uzteko asmorik, eta, hilaren 28ko manifestazio berriaz gain, "tokiko" ekintzak deitu dituzte asteburuan, iraganean egin duten bezala.
Frantziako Barne Ministerioak milioi bat pertsona pasatxora jaitsi du grebaren parte-hartze kopurua, baina mugimendua hasi zenetik izandako handiena da, duela bi hilabete baino gehixeago. Ministerioak zehaztu du 1,09 milioi pertsonak parte hartu dutela manifestazioetan.
Albiste gehiago ekonomia
Lodosako Karey Solanok konkurtsoa egingo du, eta lantegia itxi eta 36 beharginak kaleratuko ditu
Langile gehienak oso aspaldi hasi ziren lanean, eta batez beste 50 urtetik gorakoak dira. CCOOk salatu du oraindik ez dutela abuztuko nomina jaso.
Ostiralean sei hilabete beteko dira Gasteizko lorezainek grebari ekin ziotenetik, eta manifestazioa deitu dute egun horretarako
Gaur goizean Gasteizen egindako prentsaurreko batean, Enviser enpresako langileek "borrokarekin jarraitzeko" asmoa agertu dute, "soldata duinak lortu arte". Gainera, langileak akordiorako prest agertu dira, baina hori lortzeko "Gasteizko Udalaren benetako inplikazioa" beharrezkoa dela uste dute.
Zeintzuk dira BBVAren eskaintza berriaren gakoak?
Josu Ferreiro EHUko irakasleak Radio Euskadin egin duen elkarrizketa batean adierazi duenez, erakundeak Kataluniako bankuko akziodunen zati handi batek eskatzen zuenera egokitu du bere proposamena, lehen eskaintzari uko egin baitzioten, nahikoa ez zelakoan. Ferreirok zehaztu duenez, BBVAk ez du eskudirutan ordainduko, akzio propioetan baizik, eta horrek abantaila fiskala dakarkie akziodunei, zergak gutxiago ordaintzea dakarrelako. Mugimendu horrekin, Carlos Torres Vila buru duen bankuak Sabadellen akzioen merkatuko balioa berdindu du, eta horrek opak aurrera egiteko aukerak areagotu ditu, nahiz eta BBVAri berari kostu handiagoa ekarri. Hobekuntza berri bat egon litekeen galdetuta, ekonomialariak uste du zaila dela: "BBVAk argudiatu zuen Sabadellen akzioak gainbaloratuta zeudela. Orain, alde hori desagertu egin da. Beste eskaintza bat baztertu beharko litzateke, hau izango litzateke azkena", adierazi du. Elkarrizketa Boulevard saioan entzun daiteke, GUAUn, 02:50: 00etatik aurrera (jatorrizkoa, gaztelaniaz).
2026an jarriko da martxan Petronorren eta OCO Technologyren agregakin sintetikoen planta, Bilboko Portuan
Proiektua 2024an hasi zen eraikitzen, eta Europa kontinentalean agregakin sintetikoak fabrikatuko dituen lehen lantegi industriala izango da. Agregakin horiek CO2 gasa harrapatzen dute, bai ekoizpen prozesuan zehar, baita horien bizitza baliagarrian ere.
BBVAk % 10 igo du Sabadell bankua eskuratzeko eskaintza
Carlos Torres BBVAren presidenteak azpimarratu duenez, hobekuntza eginda "aparteko eskaintza" jarri dute Banco Sabadellen akziodunen esku, "balorazio eta prezio historikoarekin, eta bi bankuen batasunarekin sortutako aukera apartan parte hartzeko aukerarekin". Sabadellek, bere aldetik, erantzun du azken eskaintza "jatorrizkoa baino okerragoa" dela.
Maderas de Llodio, greba mugagabean
Langileen batzordeak salatu du enpresak produkzioaren % 40 beste lantegi batzuetara eramateko asmoa duela, eta deslokalizazioak Laudioko eta eskualdeko "lantegiaren etorkizuna arriskuan jartzen" duela.
Multiverse Computingek % 30 handituko du bere lantaldea Donostian
Software kuantikoan eta adimen artifizialean espezializatutako enpresa donostiarrak datorren urtean 60 pertsona kontratatzea aurreikusten du. 4 langile zituztela abiatu zuten konpainia 2019an, eta 260 izango dira laster.
Pentsiodunak Euskadiko hiriburuetan manifestatu dira gutxieneko pentsioak LGSarekin parekatzea eskatzeko
Ehunka pertsonak bat egin dute Gasteizen eta Donostian Euskal Herriko Pentsiodunen Mugimenduak deitutako manifestazioekin; hain zuzen ere, osteguneko Legebiltzarreko bozketan presioa egiteko, gutxieneko pentsioak Lanbide arteko Gutxieneko Soldatarekin (LGS) parekatzea eskatzeko.
Petronorreko enpresa batzordeak enpresaren egoera "tamalgarria" salatu du, eta "presio neurriekin" mehatxu egin du
Plantillako ordezkariek adierazi dute ez direla bete zuzendaritzarekin lortutako akordioak, eta nabarmendu dute "tamalgarria" dela Muskizko findegiko instalazioen egoera.
:eitb-banner?$eitb-banner$&fmt=webp-alpha&qlt=80)
Urte amaierarako 4.000 plaza baino gehiagoko lan-eskaintza publikoa deitzea aurreikusten du Osakidetzak
Lehen Mailako Arretan betetzen zailak diren 169 plazaren esleipena amaitzen ari da Osakidetza, landa-eremuetako, arratsaldeko txandetako eta Etengabeko Arreta Guneetako asistentzia indartzeko.