BBK Fundazioak Kutxabanken errotzea bermatu du, 231 milioi eurotik gorako erreserba funtsa eratuta
BBK Fundazioak eratu du legeak eskatzen dion erreserba funtsaren gutxieneko kopurua, Kutxabanken duen posizioari eusteko —erakunde horren akzioen % 57ren jabe da—. Aurrezki kutxa eta banku fundazioei buruzko 26/2013 Legearen arabera, banku fundazioak 200 milioi eurotik gorako erreserba funtsa sortu behar zuen gutxienez, balizko erreskate bati aurre egiteko gaitasuna izateko. 231 milioi euroko erreserba funtsa eratu du BBK-k.
Xabier Sagredo BKK-ko presidentearen arabera, legeak ezarritako epemuga baino bi urte lehenago bete du erreserba funtsen betekizuna BBK erakundeak, "egindako kudeaketa egokiari esker". Lortutakoa bankuarentzat "mugarri oso garrantzitsua" dela esan dute.
2015ean ekin zion BBK-k erreserba funtsa osatzeari, eta ordutik, urtez urte, ekarpenak egiten aritu da diru-poltsa horretara. Funtsaren zenbatekoa urtero birkalkulatzen da. Horretarako, besteak beste, bankuaren kaudimena eta aktiboen arrisku maila hartzen dira kontuan.
Beste aukerak, erantsi du presidenteak, entitatea burtsara ateratzea edota beste erakunderen batekin bat egitea ziren. "Ez zen erabaki erraza izan, baina bai egokiena. BBK-k erreserba funtsaren zuzkidura aukeratu zuen, bankuarentzat, akziodunentzat eta taldeko gainerako interesdunentzat aukerarik onugarriena zela ondorioztatu baitzen... Burtsara ez ateratzeko erabakiari esker, 2.000 milioi euroko galerak saihestu ziren", zehaztu du.
Bilbon egoitza duen erakundea da BBK Fundazioa, BBK izenarekin ere ezaguna. Aurrezki kutxatik jasotako ondarea eta kultura eta gizarte ekintza mantentzea eta zabaltzea da bere jarduera nagusia. Egun, 35 milioi euro inguruko aurrekontua du egiteko horretara bideratuta.
Zure interesekoa izan daiteke
Lekeitioko arrantzale bat hil da Senegalgo uretan
Bermeoko ATUNSA enpresako langilea zen. LAB sindikatuaren esanetan, "heriotza ez traumatiko" gisa sailkatu dute, eta enpresa horretan aurten izan den bigarren heriotza ez traumatikoa izan dela salatu du.
Pakistandarrak lanean esplotatzeagatik ikertutako hiru pertsonak aske utzi dituzte, Espainiatik irtetea galarazita
Ikertuek epailearen aurrean ez deklaratzeko eskubideari heldu diote, eta epaileak pasaportea kentzea eta hileko lehenengo egunean eta hamabosgarrenean epaitegian agertzea agindu du.
A-15 autobidea osorik zabalduko dute igandean, tunelak egokitzeko lanak guztiz amaitu ostean
Asteburuan behin-behineko seinaleak eta obrako gainerako elementuak kenduko dira eta, lanak bukatzeko, Andoain eta Berastegi artean itxita egongo da errepidea, ostiral gauetik igandera bitarte.
Iberdrolak 125. urteurrena ospatu du Bilbon, begirada "argindarraren aroan" jarrita
Iberdrolak bere 125. urteurrena ospatu du astearte honetan, Bilboko egoitzan. Erakundeetako eta enpresa munduko ordezkariak bildu ditu ekitaldiak, eta konpainiaren historia gogora ekarri dute. "Argindarraren aroa" deiturikoan jarri dute etorkizunerako begirada. Bere hitzartzean, Ignacio Sanchez Galan Iberdrolaren presidenteak esan du "euskal sustraiak" inoiz galdu ez dituen "proiektu integratzaile baten emaitza" dela gaur egungo konpainia.
Tubos Reunidosen interesa duten "inbertsore berriak" daudela dio Jauregi sailburuak, baina oraindik ez dago "proposamen zehatzik"
Mikel Jauregi Eusko Jaurlaritzako Industria, Trantsizio Energetiko eta Jasangarritasun sailburuaren hitzetan, Tubos Reunidosen zorra berregituratu eta langileak lanera itzuli izana funtsezko bi baldintza izan dira "inbertitzaile berriak erakartzeko".
Papresak erosteko eskaintza bakarra jaso du: CL Grupo Industrialek aurkeztu du proposamen loteslea
Papresa hartzekodunen konkurtsoan sartu eta lehen asteetan balizko iteresdun gehiago zeudela aditzera eman bazen ere, euskal talde bat barne, ez dira eskaintza gehiago aurkeztu ezarritako epearen barruan; CL Group enpresak (Cristian Layri lotutakoa) bakarrik egin du hura erosteko eskaintza loteslea.
Eusko Jaurlaritzak onetsi egin du Aiaran baterien biltegi bat eraikitzeko proiektua
Arena Green Assest 4, SLUren "PB Navegantes 31" proiektuak 23 milioi euroko aurrekontua du eta 30MW-ko potentzia instalatua, 20 oineko neurriko edukiontzietan dauden 18 biltegiratze unitaterekin, kontrol eta monitorizazio sistemak integratzeko.
Astigarraga, etxebizitza garestien dagoen Gipuzkoako hirugarren herria
Prezioa % 55 igo da 4 urtetan eta metro koadroa 5.228 eurotan saltzen da. Donostiaren eta Zarautzen atzetik, udalerririk garestiena da.
Monica Garciak uste du sindikatu mediku batzuek grebari eusteko aparteko interesa dutela
Espainiako Osasun ministroaren ustez, "mediku sindikatu batzuek pizgarriren bat dute gatazkari eusteko, eta Estatutu Markoak dakartzan hobekuntzak sektoreko profesionalengana iristea saihesteko edo atzeratzeko". Era berean, Aragoi, Nafarroa, Kantabria, Asturias eta Galiziako erkidegoek grebari amaiera ematea lortu dutela nabarmendu du, eta gainerako erkidegoei "euren lana egiteko" eskatu die, "profesionalen lan-baldintzak eskumen autonomikoen menpe daudelako".
Kalera atera dira berriro medikuak, protesta egitera, urteko laugarren greba astearen hasieran
Donostia Ospitaleko anestesista Elena del Valek kazetarien aurrean hitz egin du protestetako batean, eta ziurtatu du "itxaropentsuago" daudela, Euskadiko Medikuen Sindikatuaren bitartez, Osakidetzarekin bilerak hasi dituztelako, eta "badirudielako", aldarrikapenetako batzuk negoziatzen hasiko direla.