Bi pertsona hil dira eta beste bat desagertu, Kantabriako uretan arrantza-ontzi bat urperatuta
Bi pertsona hil dira eta bat desagertu da, gaur goizaldean, Kantabriako uretan arrantza-ontzi bat urperatuta. Mayor lurmuturraren parean izan da ezbeharra. Ontzian zihoazen zazpi tripulatzaile bizirik erreskatatu dituzte.
Miguel Angel Revilla Kantabriako presidenteak eman du berria, Twitter sare sozialeko bere kontuan. "Beste behin, ezbeharra itsasoan. Gaur goizaldean, 05:30ean, Santanderren egoitza duen Vilaboa 1 ontzia hondoratu egin da Mayor lurmuturraren parean", zabaldu du presidenteak.
Erreskate taldeko iturriek, bestalde, erantsi dute arrantzaleetako batek hipotermia larria izan duela, baina arriskutik kanpo dago eta ospitaletik atera da jada.
Hildakoetako bat Ghanakoa zen, eta bestea, Santanderkoa. Desagertutako arrantzalea, berriz, Perukoa.
Oraindik ez dute argitu zergatik gertatu den hondoratzea, 04:10 inguruan. Santanderko Arrantzaleen Kofradiako iturriek komunikabideen aurrean azaldu dute ez dutela ulertzen zer gertatu den, kontuan izanda ontzia ez zela arrantzatzen ari, eta itsasoa bare zegoela.
Bilboko Maria de Maeztu salbamendu ontzia ere ari da desagertuta dagoen tripulatzailea bilatzen.
Hildakoen gorpuak eta erreskatatutako arrantzaleak Santanderren daude dagoeneko.
Revillaren esanetan, "ulertezina" da gertatutakoa
"Armadorearekin hitz egin dut, eta esan dit desagertutako arrantzalea ontzi barruan egon litekeela, dena oso azkar gertatu delako. Ura bat-batean sartu da. Zerbaitek huts egin du edo, bestela, han zegoen norbait ez da adi egon, eta ura sartu da. Baliteke desagertutako laguna ontzi barruan egotea, eta horrek zaildu egingo luke erreskatea. Ez dakigu zenbateko sakoneran dagoen ontzia", adierazi du.
Erreskatatutako arrantzaleak "ondo daude", eta, "dirudienez, zauritua ez dago oso larri", zehaztu du.
Raquel Sanchez: "Ditugun baliabide guztiak erabiliko ditugu"
Garraio ministro Raquel Sanchezek adierazi du Gobernuak "bitarteko guztiak" erabiliko dituela desagertutako arrantzalea aurkitzeko.
Gertatutakoa deitoratu eta "elkartasuna, babesa eta doluminak" eman dizkie bi hildakoen senitarteko eta lagunei.
Albiste gehiago ekonomia
Gasteizko lorezainen sindikatuek Lan Sailaren proposamena beharginek bozkatzea erabaki dute, "nahikoa ez" dela uste duten arren
Sindikatuek "aurrerapausoak" ikusten dituzte Eusko Jaurlaritzaren proposamenean. Bestalde, Enviser enpresak, Gasteizko lorategiak mantentzeaz arduratzen den azpikontratak, proposamena onartu du.
Gasteizko lorezainen grebarekin amaitzeko Jaurlaritzak egindako proposamena ez dela nahikoa uste dute sindikatuek
Eusko Jaurlaritzak langileen greba mugagabearekin amaitzeko proposamen bat egin die sindikatuei eta Enviserreko zuzendaritzari. Proposamen horren arabera, KPI + % 2,2ko soldata-igoera izango da aurten, % 2koa 2026rako eta 2027rako, eta 2250 eurokoa 2028rako. Enviserrek onartu egin du planteamendu hori, eta ESKk eta LABek, berriz, uste dute igoera "ez dela nahikoa", nahiz eta konpromisoa hartu duten proposamena barne-organoei helarazteko.
Emakume bat larri zauritu da Azagran lan-istripu batean
Pisuak altxatzeko orga batek harrapatu du langilea eta ospitalera eraman dute, aldaka hautsita.
EB eta AEB, muga-zergei buruzko “atariko akordioa” lortzear
Trumpek akordiorako jarritako epemuga asteazkenean, uztailaren 9an, amaituko da, eta AEBko Merkataritza idazkariak esan du abuztuaren 1ean jarriko dituztela indarrean muga-zergak.
AHTaren Aralarko zulaketa-lanak “berehala” hasiko dira, Santanoren arabera
Garraio eta Mugikortasun Iraunkorrerako Estatu idazkariak azaldu du udalekin eta lurjabe partikularrekin egin beharreko elkarrizketak "elkarlan onean" egin direla. Zulaketen ondorengo txostenak "datorren urteko udaberrirako" egotea espero du.
Gasteizko lorezainek negoziazioari berrekingo diote astelehen honetan, Jaurlaritzaren bitartekaritzarekin
Lan Sailak langileak eta Enviser enpresa deitu ditu bilera batera astelehen honetan, grebaren 100. egunean.
Villavesen grebak aurrera jarraitzen du, Mankomunitatearen bitartekaritzarekin ere aurrerapausorik izan ez delako
Langileek manifestazioa egin dute arratsaldean, Labriteko Aldapatik abiatu eta Nafarroako Parlamenturaino, eta ehunka herritarren babesa jaso dute.
BSHko eta Villavesako langileak elkarrekin manifestatu dira enpleguaren alde
Ezkirozko lantegiaren bideragarritasuna aldarrikatzeko manifestatu dira larunbat honetan, Iruñean.
Europako Inbertsio Bankuak 45 milioiko mailegua eman dio Ulma kooperatiba talde gipuzkoarrari
Gipuzkoako kooperatiba-taldeak fabrikazio-teknologia aurreratuak finantzatuko ditu eraikuntza-negozio lerroan eta hormigoi polimerozko soluzio arkitektonikoak. Akordioak, halaber, eraikuntzarako material jasangarri berriak fabrikatzeko planta berri bat eraikitzeko beharrezko inbertsioak bultzatuko ditu.
Gasteizko lorezainen manifestazioa, Eusko Jaurlaritzaren bitartekaritzaren berri izan ondoren
Gasteizko lorezainen sindikatuek positibotzat jo dute Eusko Jaurlaritzako Lan Sailaren bitartekotza. Jaurlaritzak langileen ordezkariak eta Gasteizko lorategiak kudeatzen dituen Enviser enpresa deitu ditu 100 egun bete dituen lan-gatazkan bitartekari izateko.